قولولي اشلون اتعامل معها

[حبيبه حماده]

السلام عليكم كيفك ياحلوات
بدخل بالموضوع علي طول فديتكم
والي هو سلفتي( مرت اخو زوجي)
امس كنت عازمه اهل زوجي علي العشاء وطبعا بما انه اول عشاء اسويه بعد زواجي
قمت وتفننت اشكال الوان :eh_s(22):وخذت افكار من البنات في المنتدي جزاهم الله خير:eh_s(7):
والحمد لله طلع كل شئ اوك والكل مدح بالترتيب والاكل والنظافه :eh_s(15):
الا سلفتي هي متزوجه قبلي 9 شهور بس ولا مره عزمت حمولتها علي شئ
المهم ان هالدميه ماهو عاجبها العجب وطول ماعي جالسه وهي تنتقد المهم قلت في بالي يابنت اكسري الحاجزبينكم وقمت افرجها علي شقتي وياليتني ماسويتها:eh_s(16): كل ماشافت شئ علقت عليه مع انه الحمد لله بيتي مجهز من مجاميعه وذوق امي الله يخليها لي الكل يمدحه وبشهاده الجميع وحتي لما حطينا العشاء كل ماكلت من حاجه قامت تتفلسف هذا لو ملحه اكثر يصير احسن وهذا دسم وهذا مادري اشفيه من هالكلام :rgewrg: مع ان الكل الحمد لله مدحوا في الاكل الا هالانسانه
بجد قهرتني بس طبعا ماحبيت ابين قدام اهل زوجي وقدامها لانها اول واخيرا ضيفه في بيتي
وطول السهره وهي علي تعليق لدرجه حماتي لاحظت وخذتني علي جنب وقامت تتطيب بخاطري
فالي مرت بمثل موقفي تقولي اشلون اتعامل مع هالانسانه :eh_s(14): لانها بجد فقعت قلبي بقوووووووووووه

 

[بتبوتااا]

والله حياتي متعبه مخج وبالج معاهاا خليها تسطفل حياتي

طنشيهاا وخليها تتكلم اهي غيرانه منج حياتي

 

[فلنتينو]

طنش تعش
مانتقدج الا اهي عاجبها

 

[اميره1980]

شكلها محترة منج
لو انا مكانج احرجها و ارد و اقولها لمن تقولي الاكل ماصخ و يبيله ملح ارد و اقولها : خلاص عيل وريني سنعج لمن نزورج في بيتج و نذوق طباخج

يمكن ما تعرف تطبخ و تبي تفشلج هالاشكال اعطيها الرد السريع و اجعمها حار بحار
و دامه بينت من البداية طريقتها جذي لا تعزمينها مره ثانية و خلج رسمية وياها

 

[دمرت كياني]

يااااااكرهي هالناس
خصوصاً اللي يتفلسفون بكل شي ما يخص هم يسون أنه أهم برافكت على مخنا
أقول
أستريحي بس مو على صاحبة الموضوع قصدي مرت حماج

 

[الأميرة كيرارا]

طنشيها و لا تردين عليها
عامليها بأصلج و أخلاقج
في ناس ما تعرف غير الانتقاد

 

[um jarra7]

بسييييييييييييييييييييييييييييطة حيييييييييييييييل
كل مرة تعلق على شي خلي ردج يكون : ابتسامة بسيطة + كلمة ( اها ) = حد ام التدقر منها تفهم ان ( ادري فاهمة قصدج بس احتفظي برايج لنفسج + منها تتفشل من وقاحة اسلوبها ) = تفتكين من سوالفها وما تتمادى

 

[* فطامي *]

الله يعينك بس اشكره هذي محتره وميته قهر

أنا اللي عندي من اول ما تزوج حماي ما حطت لسانها بلساني ولا كلمتني بس شلونج
بس التطنيش و النظرات الله لا يوريج منها صرت ابجي من حركاتها ونظراتها لي لو تكلمت تخزني ذيج النظره الخايسه

بس قلت لنفسي لازم علي ادخل واسلم وأتكلم و اسوي اللي ابيه من غير ما انتبه شلون إتخزني

عمري ما توقعت أني ما احب مرة حماي ما اكرها لكن أسلوبها يقهر واحد الله يهديها اجمعين