قولولي اذا الي صار نحس ولا قضاء وقدر؟!؟

[تووت ورمان84]

السلام عليكم ورحمة الله وبركاته،،،

اشياء صارت لي غريبببه ماقدر افسرها قولولي شرايكم وهل تؤومنون بالنحس؟؟

من جم يوم رحت اييب خدامتي وصلت يابنات اول ماصعدنا المصعد الكهربائي وقف علينا فجأه وبعد فتره يالله احد سمعنا وطلعنا ولاتشوفوون شلون الرعب كاان قلت قدر الله ومااشاء فعل.

ركبنا السياره بعد 5دقايق ولاذاااك الجيب الي يهفني انا وسيارتي والحمدلله مافيني شي جت سليمه

(للعلم انا اسوق من زمان) قلت قضاء وقدر والحمدلله ع كل حال،،،

الفجر وصلنا خبر وفاة واحد من الاهل >>>>>>لاحول ولاقوة الا بالله انا لله وانا اليه راجعوون

ثاني يوم بنتي طاحت وتعورت ريلها >>>يالله قلنا شطانة يهال

بعد شوي ولافوووني اخترب واااااااي راسي افتر كل هذا بيومين


قدر الله وماشاء فعل


بنات تكفووون قولولي الخدامه هاذي قبسه ؟؟؟؟بحياتي مافكرت بالاشياء هاذي بس خلاص راسي بينبط

وحت شغلها مو ذاك الزود ورحت رديتها قبل شوي مابيهاا خلاص اخاف اقعدها بعد تصير مصيبه

 

[نهى الأحمد]

وعليكم السلام

أختي العزيزه


انتي قلتيها بلسانج

قدر الله وماشاء فعل


مايصير نقول عن شي مو زين يصير معانا نحس

حرام ياقلبي


كل شي يصير معانا مقدر ومكتوب من رب العالمين

والحمدالله ربي سلمكم من كل موقف صار معاج


والله يحفظج من كل مكروه

 

[روح العطش]

أختي الحبيبة سبحان الله الأقدام لها أحكام

تعودنا عند استلام الخدم وقبل دخولهم لمنازلنا نسأل الله أن يكفينا شر ما جائوابه

ويرزقنا خير ما جائوا به

هذا الدعاء كفيل أن يبعد عنك شرور الأنفس نصيحتي لك أختي الغالية

حاولي يوميا وضع سورة البقرة في

منزلك بصوت مسموع سبحان الله سورة البقرة تبعد الشرور وتريح النفس

وكل الاحداث التي مرت عليك هي أمر كتبه الله لك لا دخل للخدامة به

كل أمرنا لله سبحانه وتعالى لا يجب علينا التطير والتشاؤم كلما اسلمنا بإن مايأيتنا خير

ثبت إيماننا بالقضاء والقدر

أبعدي عنك وسوسة الشيطان فأنها مذهبة للأجر

والحمدة على سلامتك وسلامة أهل بيتك

عليك بالدعاء والأستغفار فأنهما كنز لا يندثر.​

 

[manoooram]

قدر الله وما شاء فعل​

 

[Patcholli]

سبحان الله انا ملاحظه ساعات الحظ يكون ضدي بشكل مو طبيعي ..
لي درجة اخاف اطلع من البيت واخاف اسوي اي شي ..

حبيبتي لاتحطين فبالج ان الخدامه اهي السبب .. اشدراج يمكن عين ماصلت عالنبي على الخادمه اليديده ..

 

[دلوعة صلوح]

يمكن قضاء وقدر ماتدرين وسبحان الله صادف مع ييتها ..

الحمد الله ع السلامة وماتشوفون شر يارب.

 

[سكتلز]

عين ماصلت عالنبي ...عوذوا نفسكم كل يوووم وخطاج السوء ماتشوفون شر ان شاء الله

 

[تووت ورمان84]

جزااكم الله الف خير يابنات ومشكورين علئ جمييع الردووود

والله من رجعت هلخاادمه وانا احس برااحه سبحان الله


والله يحفظ الجميع ،،،،*

 

[ليلو جبريت]

وعليكم السلام والرحمه

ممكن تفكرين فيها بطريقة ثانية

المصعد الي وقف كان ممكن يطب ويصيدج شي بس الله حفظج ولله الحمد

دعمج واحد كان ممكن تتعورين بس الله احفظج

بنتج طاحت كان ممكن تنكسر ريلها وتتجبس او تتضرر والحمدالله الله حفظها

الوفاة قضاء وقدر ومكتوب

تلفونج اخترب الحمدالله دفعت بله وفرصه لج تشترين تلفون جديد وتقدمين هديه لنفسج

اول ثلاث نقط تكلمت عنهم يدل انج ماشاء الله انسانه محظوظه جدا

 

[ReeM ^ Style]

بالعكس انا اللي اشوف من جهة ثانيه غير اللي انتي تشوفينه
اشوف كل اللي صارلج دفعة بلاء عنج وعن اهلج

بس اذا حصرتي كل تفكيرج بالبدايه بالخدامه فشي طبيعي تحسين ان كل اللي يصير من وراها
فهذا مو سبب كلش
اهم شي اذا كنتي مستخيره فاكيد ماراح يصيرلج الا اللي كاتبه الله لج

تحياتي

 

[منو انت]

لاتفكرين جذي تتعبين


بس طالما ارتحتي لما رديتيها حلو لان قلب المومن دليله انا مره جذي اختي كان عندها وحده ماقعدت عندها الا اقل من شهر وكل يوم تحلم فيها انها ذابحه بنتها او مسويه فيها شي تقول حسيت براحه عقب ماودتها المكتب ولما ودتها قالو الخدامات حق اختي انها كان تطق بنت اختي وكان وقتها بنت اختي عمرها شهرين بس

 

[حبي بيرين]

انا صراحه مافهمت هل تقصدين انه كل اللي صار من جت الخدامه يعني قصدتك وجهه شر؟ والله فيه ناس ملفاهم على الغير شر وانتِ ان كنتِ مو مرتاحة وحاسه بيصير لكِ شئ رجعيها والافضل تستخرين عنها اما اذا كان قصدكِ غير ترى دائما يصير كذا البلاوي تجي بوقت واحد على راس الواحد

 

[تووت ورمان84]

ماقصرتو خواتي فعلاً احس براحه نفسيه من رديت هلخادمه

انا توقعت انها قبسه او نحس لان من ركبت معاي بلشت الاحداث الي تضيق الخلق


الحمدلله ع كل حال

قدر الله وماشاء فعل*