قوة بنات توشيبا والا ديل اشرايكم ايهو الاحسن استعمال واطول عمر وارقى كد ومد

[رزة كويتية]

السلام عليكم بنات

عندي استفسار


انا بشتري لاب توب
لاعت جبدي من اتش بي الحرامية
ابي اشتري شي كد ومد ما يحتر من تحت
لاتقولون لي روحي وسالي
اكيد يوريكا او الغانم او اكس سايت تجاريين وبيبعون الاغلى ما ينصحون من قلب
ابي حسب تجربتكم

توشيبا والا ديل؟

 

[Qـويتية]

حبوبة Toshiba معروووووووف أقوى شركة لاب توبات وأنا جربت الـDell وبسرررررررعة يحتر وثقيل .. اشتري Toshiba وشوفي أحسن يكون الـRam مو تحت الـ1GB والـHard Disk يكون على حسب استعمالج يعني المساحة شوي إذا انتي مو من النوع الي يسوي download أو تنزلين games وإذا العكس اخذي لج مساحة كبييييرة يعني 320 تمااااام 100% وشوفي عروض الكتروزان أسعارهم واااااااو تنزيلات عليهم روعة ^__^

 

[Kawaii GiяL]

عندنا dell و hp موشي و يختربون بسرعه توشيبا ما جربته

بس احسن لابتوب مر علي و من تجارب رفيجاتي سوني فايوو حده واااااااااو شكل و مضمون

 

[زيـטּ عَبْس]

ديل وربي يهبل وعجيب

شريت اول واحد قعد عني 4 سنوات كديت عليه كد أيام الكلية

وتوظفت وشريت لابتوب ثاني وهمن ديل ولي الحين عندي صارله سنتين


وخدمتهم وصيانتهم تهبل

وعليج بالعافية مقدما

 

[رزة كويتية]

بعد عمري خواتي اللي رردو علي
بس الحين تعادل توشيبا وديل

مووودري اشرايكم ودي اعرف راي خواتي اللي عندهم ديل واللي عندهم توشيبا
انا يهمني باللاب توب اني ما اضطر نفس اتش بي اركبه عالشحن ويحتر يصلخ من تحت
ويهمني وزنه خفيف

وماتكون خراباته وايد
انا استعمالي نظيف لاي جهاز سواء موبايل سيارة لاب توب لاني من النوع اللي يحافظ عالشي وكل شي ارده بكرتونه وما اصلح الا بوكلات واماكن عليها قرنتي
وكان لاب توبي اتش بي دي في 2000 واهو من اللاب توبات المطورة والراقية بس هذا وانا محافظه عليه طلعت فيه خرابات الدنيا واضطريت ابيعه ب 30 دينار

مع ان مافيه ولا خدددددددددش

اخوي يقولي توشيبا
رفيجتي ديل
وانا بصراحه ما اعرف ايهو احسن

 

[قطوة@@]

شوفي حبيبتي اج بي ابتعدي عنه

اختي عندها توشيبا تقريبا من 5 سنين كد كد للحين موجود عندهاا يهبل و خرابته اشوي


وتوني شاريته dell تقريبا من شهرين حلو ما اشوف فيه شي لا يحتر ولا شي

و الوانه حلوة بعد

 

[أم حمودي**MALL**]

توشيبا طبعا وبدون نقاش
ديل و hp xxxxxxxxxxxxxx

 

[رزة كويتية]

يسلمو فديتج
تنصحيني بنوع معين من توشيبا

 

[رزة كويتية]

فديتج ام حمودي
في نوع معين ؟

 

[مووون العسل]

تووووووووووووووشيبا بلا منازع
نمبر ون بأمريكا

 

[الحــــالمة]

لاب توبي

توشيباااااااا

عجيب والله

كد ومد

 

[حجيه هيونه]

توشيبا وايد قوي ومعروف بقوته

شوفي المواصفات العاليه اخذيها والافضل تخلين احد من الشباب لانه يفهمون فيها

اخذي ذاكره عاليه وبروسسر قوي وحجم الشاشه صغير

على فكره الى يخلي البروسسر يحتر اهو نوع البروسسر

والبطاريات بكل الاجهزه حساسه يعني مايصير تخلينه على الشحن 24 ساعه

عادي لما يكون عندج شغل يطول على الجهاز افصلي البطاريه وخليه بس على الشحن

يعني اكو شغلات شوي راعيها بالاستعمال عشان يطول عندج الجهاز

 

[رزة كويتية]

مشكورين خواتي اللي نصحتوني كلكم
ان شاءالله بنطر الرواتب وبروح اخذ توشيبا باذن الله

جزاكم الله الف خير ووعساه بميزان حسناتكم

 

[اميرة-الاحجار]

شوفي احسن ماركه السوني نمبر ون بس غاليه


ونصيحه روحي الوزان انا نشفت ريجهم على ماخذيت لاب توبي ينصحون بظمير ومايتوصون بس على السعر يقولونلج المواضفات حق كل جهاز شنو احسن وشنو موزين وهذا احسن من هذا بشنو

 

[nooralhda]

طبعا التوشيبا لاكلام عليه

والله لابتوبي جم مرة طايح من ايدي عالارض ولاصار فيه شي والله لو ماركة ثانيه جان مصارينه تفججت ههه او حاشه فقد ذاكره ههههه

توشيبا

 

[~Princess~]

كان عندي توشيبا كديته كدددد غير ان طايح جم مره وكنت استخدمه ايام الجامعه وتم عندي ٣ سنين

كنت وايد افتحه واتعبث فيه لين مره فصلت واير بالغلط واخترب :eh_s(10):

بس ما صلحته لأن كان قديم وكبير وكنت متخرجه شريت لي " ابل " وكللللللللش مو عاجبني

 

[آلـ ζ ــــلآ]

ابتعدي عن اتش بي وديل نصيحه مو مال كد بسرعه تعليق وخرابات خليج على توشيبا او ايسر ايسر رخيص وحق كد يقعد فتره شحلاته

 

[أسرار الطبيعة]

ايسر لا تقريبن صوبه بتاتا

توشيبا واقطع

اشتريت خمس اجهزة وكلهم توشيبا

في بعضهم ال جي وفي بعض أسس وفي ماركات لكن الأغلبيه توشيبا

 

[ام آمنه]

اختى توشيبا لا يعلى عليه ابد انصحك فيه

 

[عروسه new]

توشيبااااااااا وبسسسس
انا قبل كان عندي توشيبا كان مال اخوي استخدمه تقريبا سنه وشي تقريبا وبعدها انا سنه وشي وبعدها اختي جم شهر واللحين عند اخوي صارله جم شهر يعني افتر ع العايله كلها لوووووووووول وشحلااااته للحين يهبل ومافيه شي بس خرباتة خفيفه وحله الفورمات
وانا شريت ديل مااااااااااااانصح فييييه انا اغتريت من شكله بس اللحين متكسر اطراف الشاشه والدقم طايحه هم الشاشه ماتشتغل يخرب لازم اطفيه واسويله مساج بعدين يشتغل لوووووووووووووووول وهم الشحن خرب وشريت ثاني الصراحه ديل مو شييي

توشيبا حق الكد والمد مالج الا اهوووااااا

وتتهنين فيه ان شاء الله