قوارب الكوسا بالبشاميل بالصور من اختكم رفرف

[رفرف]

أكلة سهلة ولذيذة وسريعة ...
وحتى شكلها بالتقديم حلو ...

اخليكم تشوفون شكلها أول

المقادير :
نص جيس لحم مفروم (انا استخدم لحم البيف أخف)
بهارات اللحم
بصل + ثوم + طماط مفروم
معجون طماط
اوريقانو
صلصة سباقيتي (حسب الرغبة مو ضروري)
كوسا العدد حسب الرغبة
صلصة بشاميل جاهزة من ماجي + حليب
جبن موزاريلا


الطريقة :
1- اول شي قبل السلام والكلام تاخذين الكوسا وتقصين كل وحدة نصين بالطول وتخلينه يفوح شوي مع ملح وشوي بهارات

2- الحين تجهزين اللحم المفروم مثل طريقتج العادية ..
انا اغسله وافوحه اول مع بصل علشان لا يطلع زفر بعدين ارد احمسه مع بصل وثوم وطماط وبهارات اللحم واحط فوقه معجون طماط
وهني حطيت فوقه صلصة سباقيتي يمكن 3 قفاش كبار وشوي اوريقانو رشيته فوقه ..


3- تاخذين الكوسا وتطلعين اللي داخلها بالقفشة بس مو كله .. اتصير جنها قوارب .. ولا تقطين اللي داخل انا سويت فيه شوربة كوسا بس ماصورتها .. المهم اتسوين الكوسا على شكل قوارب

4- اتحطين شوي من اللحم المفروم داخل الكوسا .. وتكونين محضرة صلصة البشاميل مثل مامكتوب على الجيس .. تحطين شوي بشاميل فوق اللحم .. واخر شي تحطين جبن موزاريلا وتدخلينه الفرن يتحمر شوي ..

وبالعافية

 

[تينه المتينه]

مشاركة: قوارب الكوسا بالبشاميل بالصور من اختكم رفرف

تسلم أيدينج شكلها يشهييييييييييييييييييييييييييي

 

[حبنا الله عليه]

مشاركة: قوارب الكوسا بالبشاميل بالصور من اختكم رفرف

وشكلها رووووووووووعه

يامالــ العافيه يارفرف

 

[.]

مشاركة: قوارب الكوسا بالبشاميل بالصور من اختكم رفرف

يمي يمي.....

تسلم ايدج رفرف.......

 

[السفيرة عزيزة]

مشاركة: قوارب الكوسا بالبشاميل بالصور من اختكم رفرف

تسلم ايدج


شكلها روعه

عاد انا عندي كوسا طايحه بجبدى ما ادري شسوي فيها

بسويها ان شاء الله هالزواره

 

[جارة القمر]

مشاركة: قوارب الكوسا بالبشاميل بالصور من اختكم رفرف

رفرف


تسلم الأيادي

يارب


روووعه

بس أنا احط فيه عود اسنان وأثبت فيه قطعة خبز

يصير شكله صج قارب

 

[xxx]

مشاركة: قوارب الكوسا بالبشاميل بالصور من اختكم رفرف

يميميميميمي

رفرف تسلم ايدددددددددددددج

 

[رفرف]

مشاركة: قوارب الكوسا بالبشاميل بالصور من اختكم رفرف

حياكم الله بنات احلى شي فيها ماتاخذ وقت

عزيزة سويها وانشالله اتعجبج

جارة القمر حلوة فكرة العود والخبز بسويها انشالله يوم اليمعة حق اهلي بحط فيها خبز بعد

 

[فراولة]

مشاركة: قوارب الكوسا بالبشاميل بالصور من اختكم رفرف

تسلم ايدج صج سهلة وتشهي للاكل...رفرف ابداااااااااااع

 

[bnt q8 in usa]

مشاركة: قوارب الكوسا بالبشاميل بالصور من اختكم رفرف

اموت علي هالطبق مشكوره وعسانا ماننحرم من ابداعاتكم

 

[زيـنـه]

مشاركة: قوارب الكوسا بالبشاميل بالصور من اختكم رفرف

حلوه ..
1-تهقين تصير على دياي و يكون مسحب ؟

2- و ممكن نسويها على خضار يعني الحشوه فطر و ذره و جزر و بطاط و بزاليا ؟

و تسلم الايادي

 

[^^دموع الكويت^^]

مشاركة: قوارب الكوسا بالبشاميل بالصور من اختكم رفرف

شكله عجيييييييييييييب تسلم ايدج رفرف

 

[fulla]

مشاركة: قوارب الكوسا بالبشاميل بالصور من اختكم رفرف

حرااااااااام عليج انا صايمه
ذكرتيني فيها خل اسويها
يعطيج العافيه

 

[jolie_q8]

مشاركة: قوارب الكوسا بالبشاميل بالصور من اختكم رفرف

تسلم ايدج

رفرف

انا اسويها كامله يعني الكوسا احشيها

بجرب طريقتج

 

[نفيشه]

مشاركة: قوارب الكوسا بالبشاميل بالصور من اختكم رفرف

تشوووووووووووووووووق
والاحلى انها سهله

تكفين نخيتج


لا تسوينها الجمعه علشان اسويها حق ريلي واكشخ فيها
تكفييييييييييييييييييييييييييييييييييييييييييييييين وهالخشم

 

[رفرف]

مشاركة: قوارب الكوسا بالبشاميل بالصور من اختكم رفرف

روحييييي زين نفووووش امي تشفقت عليها تبيها مالي شغل فيج بسويها حق امي وانخشها عن ريلج ...

جولي ..
جذي اسهل واسرع من الحشو مايحتاج تفرغينها من داخل بس اتقصينها وبالقفشة اتشيلين اللي بالنص دقااايق

باقي البنات حياكم

 

[زيـنـه]

مشاركة: قوارب الكوسا بالبشاميل بالصور من اختكم رفرف

حلوه ..
1-تهقين تصير على دياي و يكون مسحب ؟

2- و ممكن نسويها على خضار يعني الحشوه فطر و ذره و جزر و بطاط و بزاليا ؟

و تسلم الايادي

ما رديتي علي يالغاليه ؟

 

[نفيشه]

مشاركة: قوارب الكوسا بالبشاميل بالصور من اختكم رفرف

رفرفووووووووووووو
خشوها للعشى لا سشوفها ريلي تكفين ناخيتج يابنت خل اسويها له على يوم
تغدوا اي شي ولي راح طلعوا الكوسا

 

[رفرف]

مشاركة: قوارب الكوسا بالبشاميل بالصور من اختكم رفرف

زينه سامحيني والله نسيت ..
شاغلتني نفووووش الحنانة
اتوقع يصير عادي بس هالاطباق البيديان والكوسا احلى مع اللحم المفروم ..
بس ماكو شي يمنع جربي التجربة خير برهان ..


نفوش ..
خلاص انسويها عالعشا يادعللللللللللج
اخليها بخاطر اميمتي علشان ريلج لا يشوفها ؟

 

[نفيشه]

مشاركة: قوارب الكوسا بالبشاميل بالصور من اختكم رفرف

عفية عالشيخة