*الهوا الغايب*
New member
........
خلنا بنتدي
اول شي حطي شوية زيت زيتون في مله وحطي وياه ثوم مفروم
.........
ســوي خلطة الجبن
راح تحـتـاجين
علبة جبنا بيضا .. كل مره استخدم الجبنه البيضا مالت بوك ( هالمره استخدمت مالت المراعي ) بس بووك وايد احلى وما فيها ملوحه وايد مثل المراعي
افرمي بقدونس ونعناع وقطعي فلفل بارد أحمر قطع ضغيره جدا
اخلطي المقادير مع بعض ( اللي تحب الشبنت ، تحط )
.........
نسيت اقول ان راح تحتاجين مله فيها اوريغانو .. خليها على جنب
نجي لمقادير العجينه :
٣ أكواب طحين
٣ م . ك حليب نيدو + 1 م . ك سكر + رشة ملح + بيالة شاهي زيت زيتون
١ كوب + ٢ م . ك ماء دافي و نذوب فيه ١ م . ك خميرة فورية
نعجن المقادير بالعجانه .. اقل شي ١٠ دقايق ونتركها ترتاح لمدة نص ساعه
هاي شكل العجينه قبل لا تنتفش
..........
بعد ما تختمر العجينه
ناخذ جزء منها ونفردها على الرخام ونقطعها بالقطاعه المتوسطه
.........
اخذي من خلطة الجبن وزعيها في الدواير
........
سكري اطراف الدوائر وسويها على شكل قارب
........
اخذي فرشاه وادهني جوانب القوارب بزيت الزيتون .. اللي نقعنا فيه الثوم .. بس حاسبي لا تجي قطع الثوم في الفرشاه .. احنا ما نبي الثوم .. نبي النكهه
........
غمسي الفطيره في الاوريغانو
.......
نصف القوارب اللي سويناها في قالب التشيز كيك بشكل مايل .. هالشكل .. خلي شوية فراغ علشان راح تنتفش في الفرن
........
راح يكون جذي شكلها بعد ما نمليها
.......
تخبزينها في الفرن .. لازم تكونين مسخنه الفرن من قبل على حرارة ١٨٠
انا اخبزها من ١٠ - ١٥ دقيقه ..
هذا شكلها بعد ما طلعناها من الفرن .. انا خذت شوي من الزيت زيتون ودهنت فيه الفطاير بعد ما طلعتها من الفرن عشان تطعيها شوية لمعه
.........
حطيها في صحن تقديم
.......
هني .. كلوووووووووس
انشــاءالله تــعجبكــمـ مثــلي
وكـــل الشــكر والــتقدير لــصــاحبة المــوضـوع
