قهوة عربيه اصليه

[Fajory]

السلام عليكم
ممكن تعلموني احس طريقه قهوة عربيه؟
ومن وين اشتري القهوة الزينه؟
يعني ابي كل شي بالتفصيل ما عليكم امر ..

 

[غاده]

وعليكم السلام ورحمه الله وبركاته ومبارك عليج الشهر
شوفي حبوبه احسن قهوه عربيه وسنعه واتقند الراس القهوه الهراريه تلقينها عند المحلات الي تبيع تمر الي يم سوق لندن محلات (بريده/ الحويس)انا هذيله اتعامل معاهم واشتري اذا عنده بهارات القهوه
الطريقه:
اتييبين القوري الي بتطبخين في القهوه اتحطين 3-5 فناييل قهوه واتصبين الماي لي ثلاث ارباع القوري
تطبخين القهوه للللي فارت اتقصرين عليها واتخلينها ربع ساعه علا نار هاديه
اتيبن المطار اتحطين فيها الهيل 3 قفاش وبهارات القهوه والليفه علشان اتصفي القهوه لما اتصبينها
عقب اتزيدن قوري القهوه ماي حار علشان اتخفينها واتصبينها بالمطار
وعليكم بالعافيه

 

[جارة القمر]

حبيبتي أنتي تبين القهوة محموسه وجاهزة ولا تشترينه خضراء وتحمسينه بالبيت


http://www.q8yat.com/t429834.html

 

[معشوقتهـ]

الصراحه امي كل سنه تاخذ قهوتنا من وحده تكون حامستها ومسويتها مادري بس تكون جاهزه ومطحونه كل شي فيها اذا تبين اجيبلج رقمها ..

 

[معشوقتهـ]

دزيلي عالخاص لان ماراجع للردود

 

[q8dvd2000]

اب اب انا بعد ما اضبط القهوه

 

[مذهلة 5/5]

حبيبتي القهوة اخذي خيشة بنهاري وحمسيها بالبيت او خليهم يحمسونها لج عند المحل وحطي بالغوري تقريبا نص الغوري ماي او ثلاث ارباع الغوري وبعدين لمن تطبخ حطي عليها ملعقة صغيرة خلطة القصيم الزرقاء وملعقة صغيرة كوفي ميت وخليهم يطبخون مع القهوة وبعدين قصري عليها تقريبا 10 دقايق وسكري عنها وخليها تخدر تقريبا دقيقتي وبالدفايه حطي ملعقة صغيرة هيل متروسة وملعقة من خلطة القصيم وبعدين صبي القهوة وبالعافية
ونصييييييييحه ترا القهوة انتي تشوفين حمستها اذا خفيفة حطي بالغوري قهوة فنجانين ونص قهوة بس واذا ثقيلة حطي فنجانين بس

 

[<<المها>>]

السلام عليكم
اولا مبارك عليج الشهر والله يتقبل منا ومنكم صالح الاعمال

بالنسبه للقهوه من وين تشترينها مادري لاني من السعوديه بس اذا لج جيات للخبر او الدمام عندج محل (بن بايوني)بالخبر ومحل (توفيق المبارك سابقا اسمه الحين بن عفيف) بالدمام صوب سوق الجمله هذولاء من اشهر المطاحن وافضلها

افضل نوع قهوه هي الهراريه .. ويفضل تشترينها حب محموس نص حمسه يعني يكون اشقر او بني ماتكون غامجه وخليها بالفريزر عندج وكل فتره طحني منها مقدار يكفي حق اسبوعين مثلا ..

الطريقة ..
بعلمج هالطريقة ولا تعتمدين غيرها ابد وبتدعين لي باذن الله ..

اخذي الترمس او المطاره اللي بتسوين فيها القهوه وعبيها ماي لين تفيض وفرغي هالماي بالدله اللي بتفوحين فيها القهوه

وزيدي عليه تقريبا قلاص ماي عشان تحسبين حساب الفور.. وشبي النار عليه اول مايفور الماي قصري النار وحطي مقدار

فنجان متروس ونص اذا كان الفنجان وسط والمطاره كبيره يعني ام لتر ونص واذا كان الفنجان كبير والمطاره ام لتر حطي بس

واحد متروس وخليها تفور على النار لمدة ربع ساعه بس تكون النار قصيره مره ..

تعالي للمطاره وحطي فيها شويه زعفران وملعقة وسط هيل مطحون لاتترسينها حيل لا مسح الملعقة وعقب تكون القهوه جاهزه

شخليها عليه

وبس .. بالعافيه

 

[ريماس--]

ااااب