قهرني هالكب كيك مو راضي ينتفخ .. ساعدوني

[قمر2012]

?..السلآم ع ـليگم..

شلونكم بنات

ادري كثرت استفساراتي عن الكب كيك بسس ياانا يا اهو غصب اسويه لووول

بنات انا خذيت وصفه من منتدى فيها طريقه الكل كيك سويت العجينه و حطيت البكينج بودر وكل شي بالظبط ليش ما ينتفخ يحترق ؟

بنات بليز الي تعرف تسوي كب كيك تقولي الطريقه الصحيحه الي يسوونها عشان ينتفخ ؟ اظن مايحتاج خميره صح لووول؟

انطر ردودكم و ارجو انكم ماتنقلون الموضوع لانه هني اخبر فيه والله يوفقها الي ترد او عالاقل ترفع الموضوع:eh_s(7):

 

[زوزو210]

مسا ءالورد
توقعاتي الخطأ في درجة حررة الفرن
سخني الفرن لمدة 10 دقائق وبعدها تدخليه ولاتفتحي الفرن الا بعد 20 دقيقه او25
مجربه

 

[أحلى همبه كويتية]

في قسم الحلويات
لي موضوع مثبت عن الكيك وشروط نجاحه راح يفيدك وايد

http://www.q8yat.com/t605833.html



اهم شي
البيض تطلعينه من الثلاجة قبلها اقل شي بربع ساعه وضيفي له عند الخلط نقطة خل للزفرة هذا من تجاربي
البيكنج باودر صالح مو قديم ( حطي ماي بقلاص وعليه م ص بيكنج باودر اذا شفتي يفور يعني ممتاز ) :ggdw:


الطحين والبيكنج باودر نخليهم مرتين احسن

الفرن شغليه قبل لا تسوين الكب كيك على درجة 180 مو اكثر

والكب كيك يفضل تستخدمين ورق البلاسيه واذا ما عندك دهني القوالب بزيت ورشي طحين قبل لا تصبين الخليط

والشبك بالفرن بالوسط مو قريب من النار ولا عالي فوق

الكب كيك عادة يأخذ فترة اقصر ويستوي بسرعه


وبالعافيه

 

[قمر2012]

مشكورين بنات ماتقصرون

بجرب اليوم وبرد لكم خبر وان شاء الله ينفع

 

[M!SS.LOBY]

بالعافية