قمت اكره زوجي

[Loloki]

سلام عليكم بنااات

مادري قمت اكره زوجي من تصرفاااته

شااكه فيه شك مو طبيعي

حركاته متغيره لما اشوفني يايه الصاله اصك تلفون بسرعه ومرتبك ولما اقوله منو اقول البنك

ووايد اخلي تلفونه سايلنت ويقلبه

وطوول وقته ناايم دوانيه مايقعد معاي ولا شي طبعا يقعد من نوم اقولي سويلي غدا اسويله. يقعد شوي ينسدح بالصاله

وينام لين ايي وقت دوانيه ويروح الدوانيه ويتاخر لين 3 ونص ولما يرد ينام

شنو الحل معاه لدرجه اليوم على الغدا قمت ماكليت شي ودخلت الحمام عزكم الله تسبحت ويوم طلعت من حمام لقيته نايم

ابي حلللل تكفون نفسيتي تعبااااانه :yaaaaaarb:

 

[ام شووووق]

الله يهديه يارب

 

[سحـورة]

ربي يعينج ع هالعيشه
ان شاء الله ربي يسخرلج إيـاه ... حاولي تتكلمين وياه
و تناقشيه بـ هدوء إذا كان يستمع لج ويفهمج ,.

 

[leeny]

الله يعينج حبيبتي بس تعودي من ابليس هاللي قاعد يوسوس لج ماكو شي عادي ترا ك اللي معاج يمكن قاعد يحش فيج ومايبيج تقرين يعني برقع ولايمكن قاعد يكلم رفيجه بموضوغ خاص او محرج عادي كلش مافيها شي والله بس تعوذي من ابليس

 

[iLLuMinaTion]

الله يهديه

 

[Loloki]

وكل ما اكلمه يصرخ يقول انا مو مره اقعد بالبيت

ااااااخ ياثلبي مليت من عيشته يوم كنت عزوبيه وااايد ارحم بس الله بلاني مصيبه

بس ما اقول الله كريم وطول بالي على هالعيشه ممله

 

[xprincessx]

وكل ما اكلمه يصرخ يقول انا مو مره اقعد بالبيت

ااااااخ ياثلبي مليت من عيشته يوم كنت عزوبيه وااايد ارحم بس الله بلاني مصيبه

بس ما اقول الله كريم وطول بالي على هالعيشه ممله

اي تصدقين
انا نفس احساسج احس قبل الزواج وايد ارحم
مادري اهما ليش مصرين يلغونا من حياتهم
ليش تزوجونا ؟؟؟
ما عمري حسيت بالوحده إلا لمن تزوجت

 

[السيدة مده]

السلام عليكم ورحمة الله
اولا الله يهديه لك ويرجع مثل ما كان وافضل ولكن حبيبت قلبى لازم تعرفى ان الله لا يغير ما بقوم حتى يغيروا ما بأنفسهم "
شوفى ممكن يكون انشغالك انتى عنه ادى الى انشغاله عنك او ان اهملك له او يكون التعامل معه جعله يمل حولي ان تكون انت له صديقة قبل ما تكونى له زوجه حولى تفهمى ايه شغله ممكن يكون مشاكل فى العمل او اى شيء تانى فى الحياة وحول ان تصلى معه الى حل لهذه المتاعب " وقبل كل ذلك ادعى فى سجودك ان الله يرد عليك زوجك مثل ما كان وافضل

 

[عاشقة_الجمال]

الله يهديه لج يا رب

ويسخرررررررررررره وان شاء الله فتره وتعدي

ولازم تتكلمين معاه وشوووفي شنووو اللي مغير حاله

 

[جذابه بنت ذيابه]

الله يهديه ,,

ليش ما تناقشينه وتصارحينه

 

[alzeen- almuteri]

عليج بالاستغفااار
الزمي الاستغفاااار
كل شي تبينه راح يصير وراح يرجعلج حبيبتي​

 

[وحش سعود]

الله الهادي

 

[Loloki]

اي تصدقين
انا نفس احساسج احس قبل الزواج وايد ارحم
مادري اهما ليش مصرين يلغونا من حياتهم
ليش تزوجونا ؟؟؟
ما عمري حسيت بالوحده إلا لمن تزوجت

انا مثلجحاليا انا وحيده ماعندي احد وكل ما قتله بطلع مع خالتي يقولي لا

يوم كنت عند اهلي ماكانت الطلعه تهمني بس الحيت لشفق غلى طلعه

ملييييييييييييييت والله:eh_s(16):

 

[غمزه وإبتسامه]

الله يهديه لج ويسخره يارب

 

[Loloki]

وكل ما اناقشه ابجي لان يصرخ ماكو حل الا انا بغرفه واهو بالصاله ههه مليت منه

مادري شسوووي

 

[لاتكابر غلطتي]

يابنت اذكري الله
ولا يوسوسلج الشيطان .. ماكو الا الخير ..
انتي حاولي تتقربين منه ، غيري جوو .. حببيه بالبيت .. لاتحنين ولاتتطلبين .. كل شي يجي بالسياسه
واهم شي رااااحة الليل .. اذا لقااا هذا كل جدامه ، يستحي على نفسه حتى لما يطالع حرمه غيرج ..
ولاتعطين لبنات ابليس فرصه يخربون بينج وبينه

وربي يسخركم لبعض

 

[عالمي المجنون]

الله يهديه ويسخره لج

بس للعلم اغلب الرياييل هالنمونة

والي عندي مثل ريلج بس قمت ازعل واطنقر وصارحته

لان جد لاعت جبدي يبيني بس اقعد بالبيت اكرف لين مرة قتله

ترى انت مو متزوج خدامة ولا انت عزوبي 24 ساعة هايت

والحمدالله احسن من قبل بس مو مثل الي ابيه بالضبط

اخرتها بتطق جبدي بكلم يااهله او اهلي >> كان ه\ا اخر حل لي

بس ضبط اموره هاليومين وتعدل

 

[*الجود*]

الله يهديه و يهديج و يسخره لج و يسخرج له و الله يوفقج

 

[برميتا]

بقولج شغلة
الريال لي شاف المرا قاعدتله قعدة
وما عندعا شغل إلا اهو وين راح ووين رد
ينفر منها وتشوفينه كله يتنحش ما يقعد معاها بمقعد
ولا يحب يسولف معاها سالفة

اهتمي بنفسج وشغلي وقت فراغج
فيه أشياء وايد ممكن تسوينها
أبسطها القراءة أو تشتركين بنادي صحي
ركزي على اهتماماتج والاشياء اللي تحبينها
بس من غير اهمال لبيتج
خليه اهو يركض وراج
وادعي ربج يسر اموركم

 

[كــوب كــرك]

شوفي حبيبتي ترى ممكن يكون الشيطان يوسوس لج00
لا تكونين زعلانه على طول والج خلق ترى يمل ومايتوب
تقربي له سولفوا في اشياء اتهمه اشغلي وقته روحوا اشتروا اغراض البيت تقضوا لوازمكم لا تقعدون الفراغ والله يجيب المشاكل والنكد
والله يوفقج ويسخره لج
استغفر الله العلي العظيم