قلت لزوجي تتوقع هاللي يغازلون متزوجين ؟؟؟

[أسيرة القمر]

مرحباااااا



ذاك اليوم زوجي عزمني بميس الغانم

رحنا وتعشينا واستانسنا ،،، بس شفت اشكال اللهم يا كافي اقول بقلبي ( العرب علامها استخفت

مالهم والي )


واحنا طالعين زوجي سلم ع واحد وكان معاه مجموعة شياب قاعدين بكوفي وحوالينهم طاولات متروسات بنات

غير اللي واقفين ينطرون تفضى طاوله وكل من ماسك تلفونه وشيشه وزقاير والبنات اشكالهم ولبسهم يعني

اللي ما يشتري يتفرج !!!!


المهم ركبنا السيارة عاد انا تلقفت شوي وقلت لزوجي تتوقع هاللي شفناهم في منهم متزوجين

قال اي اللي سلمت عليه متزوج وعنده عيال ويقولي دايم يعزمني ع مطاعم وكافيهات بالويك اند

بس انا اتعذر منه ... جان اقوله صج عاد يعني لو حصلت لك تروح ؟؟؟


قالي وهو يضحك اروح ليش ما اروح انا صرت جذي>>>:rgewrg:


وطول الطريق بس اهاوش واقول انت وانت .. مافيك خير بس همك الطلعات والروحات وزوجتك ماتدري

عنها ولا تدري عن عيالك وانت ماتهتم فيني هذاك اليوم سويت كذا وكذا وتذكر لما .......


<<< نبشت بالماضي العريق خخخخخخخ


تعرفون لا بغيناها سالفه ماخلينا شي بقلبنا لوووووووول



بس ابي اعرف يا بنات انتوا لا رحتوا لبيت اهلكم ونمتوا عندهم ازواجكم وين يهيتون بمعنى

وين يروحون ووين يسهرون ومع منو ؟؟؟


ودمتم ...

 

[سيلينا]

مو شرط قعد بكافيه ولا طالع مع ربعه معناتها نفس الي شفتيهم

اعتقد انتي تعريف زوجج من اي نوع واشلون طريقته وهل عيونه زايقه ولا لا!!

انا ما انام في بيت اهلي بس اهو مرات يطلع مع ربعه يااا جمعات ديوانيه ياا مطاعم

مااجذب عليج مرات ابدي اشك او اغااار بس الرجال ما تحكمينه لو عنده شي او بيسوي شي بيسويه لو ما يطلع مع ربعه
وبس دواوين

بس ما ابالغ لي قلت لج احاول اتقرب منه واصير حليوه وسوالفي حلوه عشان يفضل الطلعه معاي اكثر منهم وهالشي اهو الي صار

مثل ما انا اطلع براحتي وروح مطاعم وكافيهات اهو بعد لي حصلت له فرصه مو معقول اهو ما تحكم فيني انا اتحكم فيه!!​

 

[** محبوبه**]

أسيره القمر بدعتي:krkrkr::krkrkr:
بطي الجربه بيتج
ألحين يحط باله مايطلعج ولايونسج كل ما طلعنا نتهاوش بالرده خل هواشنا بيتنا وفلوسي بمخباتي:eh_s(10):
الحمد لله أعرف ريلي وين يروح وين يرد لأنه مراقب ربه عسى الله يثبته ليوم لقياه بربه:yaaaaaarb:
وشفتي الريال لي أشتهى يشوف ويخزخز البنات لو بيته ويم مرته يقدر عسى الله يهدييييهم:eh_s(7):

 

[miss_jamsheer]

لوووول اي خو احنا من نزعل نطلع الاكو والي ماكو ذاك اليرم سويت جذي كان قصدك جذي انا ادري لوووول لازم جذي
شوفي صج الصاحب ساحب يقولج بس موشرط اللي يروح كافيهات وقهاوي يعني همه البنات وهالخرابيط تغيير جو عادي كا احنا قاعدين انروح مع اهلنا مجمعات ومتزوجات يعني قصدنا انغازل؟؟ طبعا لا بس في شباب مايندرا عنهم

 

[الأميرة جوري]

صدقيني كل وحده تعرف ريلها واصلا واضح من الحركات .انا ما اسال لانى اعرفه ادمان سيارات يحب يروح معارض السيارات ..والله يحفظهم

 

[miss_jamsheer]

سيلينا صح كلامج الريال اذا يبي شي يسويه
اختي اتقولي لاتخلينه يطلع بروحه يعني اربطه ولا شسوي مادري ولا لاتخلينه يسافر يعني مادري شنو عبالهم اذا قلنا لا بيسمعون كلامنا

 

[أحلا اثنين]

هههههههههه
يعني قلبتي الطلعة نكد بعد ما كنو مبسوطين!
يا ستي الله يبعد عنك المشاكل

 

[كادى الحب]

اللة يهدى الكل

 

[كويتية نايس]

حياتي ليش قلبتي الطلعه نكد يعني لو جذب عليج وقالج لا بتستانسين ماماتي لاتخلين شيء تافه يكدرج على فكره مو كل مره تسلم الجره يعني زين منه مازعل عليج ترى بعدين يكره يطلع معاج يقول اخلي فلوسي بجيبتي واتهاوش في بيتي
اتمنى اكون ماضايقتج بس انا لو ماتهمني مصلحتج جان ماقتلج جذي

الله يسخر لج زوجج امين:yaaaaaarb:

 

[روحي زوجي]

زين سويتي

 

[اسم والسلام]

والله انتو تجيبون الكلام والسوالف والمشاكل وكل شي لنفسكم

الحين طالع ومغير جو معاج نكدتي عليه بهواش وسالفه ماصارت هو قالج انا اعتذر منه خلاص لاتحنين وتخلينه يفضل الطلعه مع ربعه لانهم يسولفون ويفرفشون وماينكدون الطلعه

 

[( مي )]

انتي الحين أثبتي له نقطتين عن نفسج
1 - نكدية والطلعة معاج فيها مشاكل وعوار راس وحنة ورنة وتحلطم وتنبش بالمشاكل من يوم زواجكم لي وقت طلعتكم ، وما عندج مانع تقلبين الوناسة نكد .
2- انه راح يحرم يقولج الصج مرة ثانية تجنبا للمشاكل ، فلا تزعلين إذا جذب عليج لمجرد انه يبي يتلافى المشاكل معاج .

انتبهي لا تعيدين اللي صار​

 

[الصعيريه]

اصابع ايدج موسوا
مثل مافي الشين فيه الزين

وانا الحمدالله زوجي راعي دوانيه مايحب الطلعات مع ربعه

 

[الهيــام]

انا مانام عند اهلي الا بالنفاس
بس لازم اعطيه الثقه واخليه قدها
و لو قال لي شي حتى لو يكدر ابين له ان عادي حتى لو مقهوره
بس عشان مايحرم يقول لي شي مره ثانيه

 

[نفهمها صح]

كان حرتيه لوو منج اقووله لاتنسي خذني معك واضحك
انا بلغلط اطلع معه مره كنت مظطره اطلع معه صباح الموول
وهوو زي الاهبل يطالع شينه وزينه
(مسكته قلتله خلك ذرب ميطلعوون بطريقه هذي زي الهبلان روويته حركه بعيوني قلتله شفت بطريقه هذي يطلعوون واذا شفتهم لاتلتفت بقووه كانك اوول مره تشووف حريم مردها بتجي قدامك)
هههههههههههه
وقف يطالع فيني وهوو مستغرب
اقوولج رووحي قلتله شدعووه اعلمك الاسلووب وطريقه
لازم نتعامل معهم بطريقتهم
اما وين يرووح
مابي اعرف
ولا افكر اساله​

 

[nono93]

انتي الحين أثبتي له نقطتين عن نفسج

1 - نكدية والطلعة معاج فيها مشاكل وعوار راس وحنة ورنة وتحلطم وتنبش بالمشاكل من يوم زواجكم لي وقت طلعتكم ، وما عندج مانع تقلبين الوناسة نكد .
2- انه راح يحرم يقولج الصج مرة ثانية تجنبا للمشاكل ، فلا تزعلين إذا جذب عليج لمجرد انه يبي يتلافى المشاكل معاج .​

انتبهي لا تعيدين اللي صار​

معااااااااااااااااااااااااااااج

 

[أسيرة القمر]

ماعليش بنات

لاتحكمون علي من هالموقف اني نكديه

بالعكس الطريقه اللي كلمته فيها ماكان بصراخ مثل ماانتوا متخيلين

وبعدين من حقي اتكلم واعلق واطلع اللي بقلبي ولا اذا سكت صحيح راح يسويها ويطلع...

بنات انا ماقلت موقفي هذا بس عشان تعلقون ع اللي دار بينا بالسياره

نقطتي الاخيره هي المهمه لان بزمنا هذا حتى المتزوجيين يغازلون

هو مجرد تنبيه لان اللي شفته فتح عيوني وخلاني اراقب زوجي اكثر

وشكرا ع الردود