قلبتها يمين قلبتها يسارر بس ماش خاطري افهم ؟؟

[rooo7 alkuwait]

السلام عليكم

تقبل الله طاعتكم يارب والله يتقبل صيامنا وقيامنا في شهر رمضااااااااااان وهالله هالله بديونكم بالصيام يابنات لاتنسونها ولاتنسون صيام 6 شوال ( الذكرى تنفع المؤمن )

الموضوع
انا صار لي شهرين متزوجه وفي شي غريب بصراحه مافهمت قلبت يمين قلبت يسار بس مااااااااااااش مو محصله له تفسير

مرات هالشي يضايقني ومرات اقول عادي

الموضوع ان زوجي اذا كان فالدوانية او عند شباب يكلمني كأني واحد من الشباب لدرجة والله مره افتر مخي يسولف وانا ساكته على بالي يكلم واحد من ربعه عنده طلع يكلمني
:tomato2::tomato2::tomato2:
تصدقون مرات لما يكلمني امبيه اشك بأنوثتي :0bee2e8d89::0bee2e8d89::0bee2e8d89:

اقول ليش يعني ما يبي يبين ان يكلمه زوجته عادي والا فيها ناقص وانا مادري

فديتكم ابي تفسير لهالموضوع

تصدقون لما كلمت رفجتي قالت عادي انا زوجي يناديني ابو انور واهي اسمها انوار لوووووووووووووووووول ومشت عليها هاللحين ابو انور سواء بالبيت والا بالدوانية :krkrkr::krkrkr::krkrkr:​

 

[عاشقه القيصر]

لا اختي عاادي .


انا لما ادق علة اخواني واهم بالدوانيه يكلموني جني صبي لان جذي اهم او يقول الاهل ويكمل بكلامه على اني صبي .


عادي يالغاليه

 

[شوق الجوري]

عادي يا قلبي
كلنا جذي
أنا زوجي يكلمني بصيغة الجمع
يعني وينكم.. وشلونكم.. وأكلمكم شوي..
يعني يستحون لا يكلمونا جدام الرياجيل
ما أدري ماكأن هم عندهم أهل وأمهات وحريم
بكرة تعودين

 

[لبـى قلبـي]

؛

لآآآآ أنا أخوي إذا رد علي وعنده أحد يستخدم صيغة الجمع ..
( تبون شي ) (أكلمكم بعدين ) ......إلخ
:eh_s(6):

 

[اشتياق]

عادي ياعمري كلنا نفس الحالة

 

[rooo7 alkuwait]

يعني مو بس انا بس ليش خااااااااااااااااااااطري افهم يعني مو شي عيب الكل يدري ان هالشخص مثل متزوج او عنده اهل او عنده


وووووووووووووووووووواي خاطري افهم

 

[بنات حواء2]

حبيبتي عادي وايد رياييل جذي طبعهم لا تكبرين المسأله و هي صغيره
و من يوم ورايح بسميج بو روح الكويت

 

[آخ ياقلبي]

تدرين ليش ...

لان في بعض الرياييل .. يعارون الريال أدا كلم مرته بالدوانيه ..

مثلا ..

ها الحكومه صاكه عليك صك ..

و لا

ها تستأدن .. الله يرحم أيام العز ..

و لا شورك من بيده الحين ..........الخ ..


فهو مسكين ينحرج و يكلمج بالتدكير .. عشان ما ينحرج ..


تلقينه هو مسوي باربعه جدي .. قبل لا ياخدج ...

عاااادي .. أصلا هالشي يضحني ..

ليش الشك عاد .

 

[rooo7 alkuwait]

حبيبتي عادي وايد رياييل جذي طبعهم لا تكبرين المسأله و هي صغيره
و من يوم ورايح بسميج بو روح الكويت

هههههههههههههههههههههههههههههه

لا يامعوده اخاف بعدين يلزق الاسم وابتلش والله مو مكبره الموضوع مرات اصلا اموت ضحك واكلم زوجي على اساس اني ولد يقعد يضحك

 

[rooo7 alkuwait]

تدرين ليش ...

لان في بعض الرياييل .. يعارون الريال أدا كلم مرته بالدوانيه ..

مثلا ..

ها الحكومه صاكه عليك صك ..

و لا

ها تستأدن .. الله يرحم أيام العز ..

و لا شورك من بيده الحين ..........الخ ..


فهو مسكين ينحرج و يكلمج بالتدكير .. عشان ما ينحرج ..


تلقينه هو مسوي باربعه جدي .. قبل لا ياخدج ...

عاااادي .. أصلا هالشي يضحني ..

ليش الشك عاد .

لا بالعكس ما انتابني الشك ولا للحظة بس فضوووووووول ذبحني وكلامج فيه منطق سليم

بصراحه

واشكر مرورج الحلو

 

[امواج الكويت]

انا نفس حالتج وريلي قاعد يمي وسالته ليش تكلمني على ابو اني ولد قال لان الرياييل نوعيتهم خايسه بينهم وبين ربعهم كل واحد يسوي نفسه هو القوي وهو الحمش وبينه وبين ربعه هو القوي بينهم وفى مثل يقول ابوى مايقدر الا على امى وعشان جذى تلقينه متمصخر بينهم ومايلقى احد يحط الحره فيه غيرج واول مايرد هاا سويتى عشا غسلتى ملابسى

 

[rooo7 alkuwait]

انا نفس حالتج وريلي قاعد يمي وسالته ليش تكلمني على ابو اني ولد قال لان الرياييل نوعيتهم خايسه بينهم وبين ربعهم كل واحد يسوي نفسه هو القوي وهو الحمش وبينه وبين ربعه هو القوي بينهم وفى مثل يقول ابوى مايقدر الا على امى وعشان جذى تلقينه متمصخر بينهم ومايلقى احد يحط الحره فيه غيرج واول مايرد هاا سويتى عشا غسلتى ملابسى

الظاهر جذي بس سالفه الحره لا والله فديته ما يطلع الحره فيني

بس اتوقع كلامج صح ان الشباب يتمصخرون على بعض بهالسالفه


يسلم لي مرورج الراقي

 

[باتشا لوتشي]

لاتضخمينهااا ترى كلهم جذي اغلبيتهم يكلمونج بصيغة الجمع مثل ماقالو الاخوات

والاغلبيه يكلمونج بصيغة الرجل

علشان يرتاح انا زوجي جذي نادر مايكلمني بصيغة بنت الا اذا كان عنده جهال بالدوانيه او مايكون فيه احد في البدايه استغربت

وبعدين تقبلت عادي ويكفي اصلا انه يرد علي عندهم وهذا كافي

بعض الرياجيل والله العظيم مايردون على حريمهم الا مسج يقولون ها في شي ؟؟

انزين ليش ماترد لااا عنده شباب مايقدر

فحمدي ربج انه يرد عليج عندهم غيرج لاا

انشالله يكلمني بالهندي بس يرد علي مايحقرني

وبالتوفيق يالغاليه

 

[انا مميزه]

يحليج والله ضحكتيني ههههههههههه
تدرين انا مرات لما يكلمني وعنده احد بالدوانيه
ياويله مني لأنه ابيه يغار علي وابي خصوصيه
بيني وبينه و كذا مره انبه انه لا تكلمني اذا عندك احد

 

[حلا قطر]

عااااااااااااااادي ياقلبي كل الرجاجيل كذا بس انا اذا دقيت له وعنده احد يرد بصيغة الجمع

 

[مندوبة ام بندر]

شغله عاديه اي رجال ما يحب يكلم مرته قدام ربعه

 

[JaDeL]

تصدقون انا ابوي عادي لما انا ادق عليه يكلمني عادي ولما امي تدق عليه هم يكلمها عادي مايتكلم ويانا بصيغة المذكر او الجمع سواء كان مع ربعه بالدوانية ولا بالدوام ولا بأي مكان

 

[fdeetni]

لا عادي بس في رياييل مايرضون يكلمون حريمهم جدام ربعهم او اي احد ثاني

 

[الزهر الابيض]

ويييييييييييييي ماعندج سالفة الصراحة ..


عادي حبيبتي كلش مافيها شي ..واعتقد اغلبية الشباب جذي


عيل انا شقول .. لما مرات يقولي هاا بو الشباب اشعندكم داقين ؟!!!!!!!!!!!!!!!


هههههههههههههههههههههههه عادي فديتج

 

[كعبية]

عادي حبيبتي اغلبهم جذي