قـــــــــــــوة الشـــــــــتخصية :) ومااادرااك بقوة الشخصية :*

[شذى الحب]

بنات انا اعرف نفسي ماحب اتجمع بمكاان في ناس واجد

مع اني احب اكون اجتماعيه وعندي رفيجات الحمدلله

بس مادري احس فيني ضعف ضخصيه ماتخذ قراارااتي كل يوم لي راي

اذكر مره كنت مقاابله عشان وظيفتي والله ثم والله انهاا قالوا لي انا ماعندي شخصيه كنت مرتبكه حتى قالوا لاخوي

بنات جدجد سااعدووني حتى ماخذ قراارااتي اخلي اهلي هما ياخذون قرااري

اخذ راي امي اختي خالاتي حتى في لبسي وزواجي اوكي اشااورهم اذا قالوا لا اقول لا اذا قالوا اي قلت اي احس ماعندي قراار مع العلم عمري الحين 26
ساعدوني شسوي

 

[Tom ♥ Jerry]

,


عمرج 26 و شخصيتج جذي ما يصير حبيبتي !!!
آختلطي بالناس روحي واجهي و تكلمي و اخذي حقج و اخذي قرارج بعد تفكير
محد يدري بمصلحه الآنسان الا آلآنسان نفسه !
شلون تخليج آحد غيرج يفرض عليج قرار معين
ترا مشكله كبيره هاذي و خصوصا آنه انتي متزوجه > حسب التوقيع

طوري شخصيتج دخلي دورات و اقري كتب آكثر
الله يكون في عونج :$

 

[om MaRyooM]

الحل بالدعاء ثم يكون عندج قناعه بتفكيرج وبجسمج وشكلج عشان تحبين نفسج
والشغلة الثانية انج تاخذين كتب بهالاشياء

واخذي الدورات اللي ينزلونها خدمة المجمتع من التطبيقي وايد بتساعدج

 

[عادت ذكرياتي]

حبيبتي خالطي الناس ودوسي شويات على قلبج ولا تخلين طيبتج تتغلب عليج وتأثر على قرارج خلي كلمتج وموقفج ثابت حبيبتي وشوي شوي شخصيتج تتغير للأفضل ...


وعندي مداخلة بالنسبة للأمهات :::


أطفالج من هم صغار علميهم يختارون ملابسهم بنفسهم ويتخذون قراراتهم وماكو مشكلة إذا ساعدتيهم وشاركتيهم %%%

 

[ماركة انثى‘]

حبيبتي عمرج ٢٦ و ما عندج راي شخصي !!

قعدي مع الناس اكثر أخذي حقج و دوسي شوي ع قلبج فديتج

خلي الراي اول و اخر لج انتي شخصي وانتي الحين متزوجةة !! أخذي حقج اكثر

 

[الزورق222]

مو معنى قوة الشخصية ان اخذ بحقى بالطالعة والنازله ومحد يقرب لج بهالاسلوب راح تكونين شخص كريه مو قوة شخصية هذى ..
الشخصية القوية هى التى لاتعتمد كثيرا على احد ولا حرية التعبير عن رايها واتخاذ القرارات مع التروى والحكمة باتخاذها وعدم الظلم . هذى هى الشخصية الاسلامية القوية وكلما يكون الانسان قريب لربه اكثر يكون اكثر قوة ..ابتعدى عن الحساية الزايده هذا اللى فهمتها من قرائتى لشخصيتج من خلال الموضوع ويهمج اراء الناس ..

 

[‏ڝڋٸ ٵڸڪٿہـآڻ]

أقرأي كتب التنمية الذاتية حلووه حيل وتغيركـ للأفضل
الله يوفقكـ ..

 

[قمر بيت أبوها]

شوفي قوة الشخصيه

ايمان قوى ان كل شي يحصل لك سواء بقرارك الجيد ولا السيئ من القدر ويجب الرضا فيه
البحث عن تعدد اراء بكل موقف يكسبك خبره بالعقول والمجتمع وتقدرين تنتجين رأى يفيد الكل بدون اختلاف بينهم
تسمعين من الأخر وتناقشينه برايك مع ادله وتقتنعين ولا تقنعين من غير عصبيه او اعجاب بالنفس
لازم يكون لك تطلعات خاصه من كل شي تضيفين له لمستك الخاصه سواء بالكلام ولا الفعل
أقري بسيرة محمد صلي الله عليه وسلم والصحابه رضوان الله عليهم اقري بكل شخصيه تفاصيلها راح تلاقين كل ضالتك

 

[* ليــــدي *]

لاصار شي فكري عقب قولي رايج انتي الظاهر متسرعه عشآن جذي تاخذين راي غيرج ..
و اقري كتب ترى الكتب تعلمج حيييييل حيييييل حيييييل

 

[Special eve ~]

حبيبتي ضروري تعالجين هالمشكلة الي عندج لا تنقلب ضدج في يوم ..

هالشي يصير بسبة انعدام الثقة بالنفس , اهتمي بنفسج وشكلج وشخصيتج
خلج واثقة من نفسج ومن كلامج .. خالطي الناس اسمعي آرائهم وابدي رايج
شوفي الاشياء من منظورج الخاص .. انتي وبس
تخيلي ان هالدنيا مملكتج وانتي الاميرة ولج الحرية بكل شي

بتحصلين واجد كتب حلوة عن هالموضوع .. عندج كتاب " فنون تنمية الثقة بالنفس واحترام الذات"
وايد حلو وعن نفسي وايد استفدت منه

الله يوفقج حبيبتي^^
ps : حبيت مداخلتج عادت :*

 

[el.mlkaa]

انتي فكرري فيييها ! ثبتي رررآيج قولي هآذآ ررااييي كيفكم موتفرضينه عليييهم ثبتييه انشآالله فهمتيني

 

[بنت النوخذا]

بـــــــــــــــــــــــــدون
اي تردد او حرج وقبل لا يكبر الامر اكثر

لازم لازم لازم

مراجعه دكتور مختص
استشاري
لانه يدخل فيها كورسات علاجيه
وادويــه علاجيه
هذي المواضيع ما تستشيرن الناس

غلــــــــــــــــــــــــــــط

دور دكتور مختص