قـــصـــة أثـــيـــر _…ـ-*™£روايتي الأولـى£™*-ـ…_

[LaMaR al q8]

---> روايتي الأولـــىζζ…ΨΏΨஇقــصــة أثــيــرஇ₯ ΨΏΨ…ζζ​

السلام عليكم و رحمة الله و بركاته ​

القصة :​

قصة أثير قصة كويتية من خيالي الواسع ، تتحدث عن مشاكل مجتمعنا الكويتي و الخليجي ، و هي قصة حب حزينه ، فهل سيستمر الحزن على أثير ؟ أم أنها سوف تعيش حياة سعيده ؟ كل ذلك ستعرفونه في نهاية القصة ، تابعوني ،،،



بــرووؤب ..

 

[LaMaR al q8]

بـــاآآآكـ ،،،

شخصيات القصة :

شخصيات القصة هي الشخصيات التي ستمثل قصتنا ،


البـــطله : أثير

أبوها : خالد الراجحي

امرأة أبوها :سلوى

أختها من أبوها :أسيل

جدتها :نوير

خالتها :حسنه

زوج خالتها :سعد

بنات خالتها :لجين و ساره و امل

و عمها الكبير :حمد

و مرت عمها :نصرة

بنات عمها :نوال و ريان

عيال عمها :عادل و عامر

عمها الصغير :محمد

زوجة عمها الصغير :منى

بنت عمها :نورا

بـــــروؤب ..:ggdw:

 

[LaMaR al q8]

بــــاآآآآكـ ..

Part 1

أثير عمرها 6 سنوات ، كانت زايره يدتها يوم الجمعه ، أخليكم مع الحوار بينها و بين جدتها :

أثير : يدتي

الجده : هلا يا بنيتي

أثير : يدتي متى امي راح ترجع ؟

الجده : حبيبتي انتي الحين كبرتي ، و لازم تعرفين ان الشخص لما يموت ما يرجع

أثير : بس أنا أبي أم تحبني أكثر شي بالدنيا ، مرت ابوي تحب بنتها أسيل أكثر مني

الجده : شلون تحبها أكثر منج ؟

أثير : أمس راحت السوق و شرت لبنتها لعبة حلوه ، و انا ما يابت لي شي ، يدتي تكفين ابي أعيش عندج ، مابي مرت ابوي ، كله اختي اسيل تحرني

الجده : يا بنيتي ما يصير تعيشين عندي ، لازم تعيشين عند أبوج ، هذا بيت أبوج ، و ما يصير تخلين أبوج بروحه ، انتي ما تحبين أبوج ؟

أثير : امبله .. يدتي والله أحب أبوي ، بس انا احبج بعد

الجده : حتى أنا احبج ، بس البنت الشاطره تقعد عند ابوها .

فجأة يدخل أبو أثير البيت ، تركض أثير تحضن أبوها ..

خالد : هلا ببنيتي أثير .. هلا بالحلوه ..

أثير : يبا .. عادي أنا عند يدتي اليوم ؟

خالد : لا لا .. تزعجينها

أثير : عفيه يبا الله يخليك

الجده : خلها تنام عندي و باجر تعال اخذها

خالد : بس يا يمه أخاف انها تزعجج

أثير : والله يبا ما راح أزعجها ، راح اصير مؤدبه و ما اسوي شي

خالد : اثير .. خالتج سلوى هناك ناطرتج ، تقول وين بنيتي أثوره الحلوه

أثير : اهي مو امي و انا ما احبها

خالد : اوف ليش جذي يا يبا .. هذي حسبة امج

أثير : يبا اهي كله تشتري لأسيل ألعاب و انا ما تشتريلي شي ، تحب بنتها أكثر مني

خالد : عيب هالحجي يا يبا ما يصير

الجده : خلاص يا خالد .. خلها عندي الليلة تنام ، و باجر اخذها ، ولا بتكسر كلامي ؟

خالد : الحشيمه لج يا يمه .. خلاص بعد تنام عندج ، ما نقدر نقول شي للغاليه ، بس ترى ما معاها ملابس ولا جنطتها موجوده ، بطرش اغراضها مع السايق

الجده : زين تسوي ..

خالد : يالله يالغاليه تبين شي ؟

الجده : سلامتك يا يمه .. ما تشوف شر

خالد يبوس راس امه و يبوس بنته و يطلع ..

00000000


و الحين مرت الابو قاعده تطالع تلفزيون و يدخل زوجها خالد البيت ..


سلوى : الحمدلله ع السلامه

خالد : الله يسلمج

سلوى : شفيك متأخر ؟ و بعدين وين أثير ؟ ما أشوفها معاك !!!

خالد : بتنام عند يدتها

سلوى : ليش ؟ ما عندها بيت ؟

خالد : سلووه لا تعورين راسي ، ترى انا راد البيت و حدي تعبان و مالي مزاج ..

سلوى : هاو ... انا شقايله عشان أعور راسك ؟

خالد : خلاص سلوى بس ، انا صاعد انام

سلوى : نوم العوافي ..

و يصعد خالد فوق .. و يمر غرفة بنته أسيل .. يشوفها نايمه و يبتسم و يسكر باب غرفتها و يروح غرفته

000000000

أثير حاطه راسها على حضن يدتها ، و يدتها تلعب بشعرها ..


الجده : احنا قبل ما كان عندنا مكيفات ، الحين الناس عندهم مكيفات يتبردون بهالحر ، ولا احنا قبل حر و خيسه .

أثير : يدتي .. شلون كنتو تتحملون الحر ؟ الشمس وايد حاره

الجده : والله يا بنيتي كنا متعودين على الحر ، يعني كنا عايشين عادي ، و ما نفكر بهالشي ، و الانسان لما يتأقلم على شي ، يتعود و يحس انه عايش عادي ، مثلج الحين .. تقدرين تعيشين بديره فيها ثلج ؟

أثير : لا

الجده : شفتي شلون ؟ في ناس متأقلمين مع البرد و عايشين عليه .

أثير : يدتي سوالفج وايد تونس ، و انا أحبج ، أحسج مثل أمي .

الجده : انا يدتج ، يعني أمج .

أثير : لا يدتي .. الأم غير .. اهي اللي تولد و تربي ، اهي ولدتني ، بس انحرمت من تربيتها ، يدتي انا وايد أجذب على رفيجاتي بالمدرسة ، أقولهم ان عندي أم ، و باجتماع الامهات قالولي وين أمج ؟ قلتلهم امي مسافره بعيد و بترجع .

الجده : حبيبتي انتي تعبانه .. امشي ننام .. يلا حبيبتي .

الجده تمسك أثير و يروحون الغرفه ينامون

0000000



يلا أبي حماس و تفاعل عشان أنزل البارت الثاني


إذا ما لقيت تفاعل ما راح أكمل الرواية ..

 

[انوار الكوويت]

انا متابعه يديدة
الروايه روعه

 

[النزغة أسيل]

تابعي تابعي
اثير تكسر خاطري ..
واسيل هذي مع انها سميتي بس شكلها تبط الجبد
متابعتج ..

 

[روز بآريس]

يلا يلا آآآآآآآآآآآ كممممممممممممممملي

 

[انوار الكوويت]

كملي​

 

[رتبه دبلوماسيه]

أب اب لعيونج لمور

 

[LaMaR al q8]

ماكو تفاعل وايد


بس راح اكمل البارت الثاني و اذا صار في تفاعل اكثر بنزل البارت الثالث

 

[رتبه دبلوماسيه]

أووك ناطرين