قــبـــاقـــب أحلى من FiSh Market + أسياخ الربيان المتبلة و المشوية

[beauty rose]

مشرفة القسم ( أحلى همبه كويتية)









السلام عليكم و رحمة الله و بركااته​

شلوونكم بنات
كتبت لكم موضوع شطولة شعرضه و انمسح شوي و ابجي اهئ اهئ​

حملت لكم الصور و كلهم راحوا
بس مو مشكلة لعيونك كاني عدته​

يبت لكم اليوم طبق يديد و مميز و اتحدى فيه fish market​

قباقب + اسياخ الربيان المتبلة و المشوية بالفرن​

اول شي هذي قباقبي 30 قبقب​

​

نغسلهم و ننظفهم عدل بهالطريقة :​

​

​

​

نشيل الزوائد اللي حاطة عليها سهم
و هذي الصدفة اللي شلعناها و اللي راح نستخدمها مرة ثانية عشان نحط فيها الحشوة​

​

نحط الاصداف + القباقب في ماي مغلي و نضيف له مسمار و دارسين حب
و نخليه يغلي لمدة ربع إلى ثلث ساعه مو اكثر ما نبيه يستوي عالآاخر
بتشوفون الزفرة تكونت ​

​

​

و لون القباقب صار حلو برتقالي

​

​

اتوقع عقب هالصورة محد بياكل هههههههههههههههه​

​

ناخذ القباقب و نطلع اللحم منها و نقط الجزء الاصفر اللي اهوه بيض القبقب​

​

نحتاج ربيان منظف و مغسول عدل انا انقعه بطحين و ليمون و ملح لمدة نص ساعه عشان الزفرة
و بعدين افرمة بهالشكل
الكمية نص كمية لحم القبقب
و حبه فلفل اصفر و احمر و جزر و كزبرة كلهم مفرومين​

​

بصلتين مفرومين و شوية ثوم​

​

 

[beauty rose]

احمس البصل بزيت ليما يذبل و اضيف له الربيان و لحم القباقب​

​

​

اضيف الخضرة كلها و البهارات عبارة عن : بهارات مخلوطة + ملح شوية + فلفل اسود
و لا تكثرون ما نبي طعهم الخلطة يصير بهارات
بس مجرد نكهه خفيفه و ريحة​

​

هذي حمستها خلصت يمي يمي

​

نضيف من 4 الى 5 قفشات اكل مايونيز

​

​

نحشي الصدفات بالخلطة
و بكون هذا اهوه الشكل النهائي​

...........................
...................
.............
........
....​

..​

 

[beauty rose]

​

​

​

​

​

طريقة عمل أسياخ الربيان المتبل بالفرن ​

ربيان منظف و منقوع بطحين و ملح و ليمون لمدة نص ساعه​

​

و بعدها اتبله بالتتبيله التاليه :
ملح + فلفل اسود + بهارات ربيان + كركم + بهارات مخلوطة
زنجبيل مطحون + زيت نباتي ( مو زيت زيتون ) + شوية ماي​

احط الربيان بالتتبيله و اضيف عليهم مكعبات فلفل ملون او اخضر
و بصل صغير
عادي انتوا شو تحبون تحطون ...​

نشكهم بالاعواد الخشبية عقب ما نبللهم بماي​

و نحطهم بقصدير نصب باقي التتبيله عليهم و نسكره عدل
و ندخلهم الفرن ثلث ساعه​

​

نفتح القصدير و نفتح الفرن من فوق و نحمل الربيان من الجهتين​

و هذا الشكل النهائي​

و يالله وروني الردودالسنعه لان سويت لكم الموضوع بذمة و ضمير​

تحياتي لكم​

Beauty Rose​

 

[ام فطومه الحلوه]

يا سلاااااااااااام الصراحه روعه
شكل القباقب حده راقي وترتيب شغل عدل والربيان امممممممممم شكله لذيذ
الصراحه شغلج حلو ومرتب الله يعطيج الف الف عافيه
وتسلم ايدج يا الغاليه​

 

[HOPE 88]

يعت يم يم يعطيج العافيه تسلم ايدج ,, بس اشلون ماخفتي من القبقب ؟ هههه

 

[زوجة عزيز]

يعطيج العافيه تسلم يدج ماادري ليش مو طالعة لي الصور !

 

[شندوخه]

حتى انا ماكو صوووور

 

[زعفرانة_73]

يعطيج العافيه بيوتي
ياليت اذا تقدرين تحملين الصور ، لأن طريقة الوصفه عجيبه وودى اشوف الصور اذا امكن:eh_s(7):​

 

[جارة القمر]

تسلم ايدج



موضوعك متعوب عليه حبيبتي




بالعافيييييييييييييييييييييية

 

[beauty rose]

يا سلاااااااااااام الصراحه روعه

شكل القباقب حده راقي وترتيب شغل عدل والربيان امممممممممم شكله لذيذ
الصراحه شغلج حلو ومرتب الله يعطيج الف الف عافيه

وتسلم ايدج يا الغاليه​

حبيبتي الله يسلمج و مشكورة عالكلام الحلوو :eh_s(17):​

 

[beauty rose]

يعت يم يم يعطيج العافيه تسلم ايدج ,, بس اشلون ماخفتي من القبقب ؟ هههه

هههههههههه على طاري الخوف لمة رحت مع ريلي نشتري القباقب
كان في قباقب لونها ازرق سألت اللي يبيع هذا ليش ازرق ؟
قال هذا ذكر مو نثيه
عاد انا شفت لونه يشوووق سماوي و شكبرة جان اجيسة
جسته و ياريتني مااااااااااااا جسته :eh_s(16):
تحرك طلع مو ميت متتتتتتت من الخررررعه
جان يقول لي البايع هذا صيد اليوووووم :eh_s(1):
و ليش ما تقووول بغى يوقف قلبيييي
و قمت اتخيل بالمطبخ واحد من القباقب يتحرك ههههههه :krkrkr:​

 

[beauty rose]

بالنسبة للصور اللي ما طلعوا انا بعد مو طالعين عندي الحين
المووضوع هذا فيه ان لووووول
انمسح و عدته و الحين الصور مو طالعه

بس انا مستغربة ليش مافي ايقونه تعديل الموضوع ؟ شلون برد الصور ؟؟​

 

[أملي بعد الله]

الموضوع روعـــــــــة والصور تشوق تشوق تشوق خصوصاً القباقب ماتوقعت شكلها يطله حلو جذذذذي إلا رووووعة

تسلم إيدينج حبيبتي وصفة ولا أرووووووع

الصور طالعة عندي

الله يعطيج العافية

حتى الربيان عاد هذا غرامي وأحبه بأيييي نكهة

ماقصرتي وعوافي عليكم يارب

 

[beauty rose]

حمدلله عدلت الصور و كل الشكر لجارة القمر عالمساعده
يعطيج العافية حبيبتي


​

 

[الوردة المنسية]

تسلم الأيادي
يشغل متعوب عليييييييه

​

 

[beauty rose]

الموضوع روعـــــــــة والصور تشوق تشوق تشوق خصوصاً القباقب ماتوقعت شكلها يطله حلو جذذذذي إلا رووووعة

تسلم إيدينج حبيبتي وصفة ولا أرووووووع

الصور طالعة عندي

الله يعطيج العافية

حتى الربيان عاد هذا غرامي وأحبه بأيييي نكهة

ماقصرتي وعوافي عليكم يارب

حبيبتي مشكورة عالكلام الحلووو و عيونج الحلوة :eh_s(22):
تسلمين يا قلبي

 

[سندس 90]

يمال العاااافيه
صج شغل راااقي يااارب اعرف أطبخ چذي أحس إني فااااشله بالطبخ مع إني ماجربت شغلات دسمه يعني مااسوي الا جاي قهوه حليب بيض بس
أفششل صح ههههه
الله يعطيج العااافيه

 

[سندس 90]

ايه صج بسألج سؤال <<< يعني سنعه 
القباقب شويتيها ولا اكتفيتي بطبخها ابو ربع ساعه

 

[جوري الكويت]

يمي يمي


تسلم ايدج يوعتينا

 

[beauty rose]

ايه صج بسألج سؤال <<< يعني سنعه 

القباقب شويتيها ولا اكتفيتي بطبخها ابو ربع ساعه

هلا حبيبتي الله يعافيج يا قلبي

القباقب اول شي سلقتهم عن الزفرة استووا بس مو عالآخر
عقبها طلعت اللحم اللي داخل القبقب و حمسته مع الخضرة و حطيت المايونيز
و رديته داخل الصدفة و رشيت عليه شوية جبن موزاريلا نتفه
و فتحت الفرن بس من فوق عشان يذوب الجبن

و اذا عندج اي سؤال انا حاضرة يا قلبي​