- إنضم
- 15 فبراير 2009
- المشاركات
- 1,122
- مستوى التفاعل
- 0
- النقاط
- 0
- الإقامة
- kuwait
- الموقع الالكتروني
- www.3roos.com
السلام عليكم
شلونكم بنات ؟ شخباركم ويا الحمال ؟ و شخبار اللي ولدو ويا اليهال ؟
الله يحفظكم ان شالله
طبعا انا مو نوعي اكتب قصص ولاده و جذي ، احب اقرا حق البنات - بس ما فكرت اكتب
بس هالمره قلت بكتب عشان الاشياء اللي مريت فيها عشان تعرفون و تستفيدون =)
انا الله وكيلكم كان وياي عوار بس متباعد يوم 24-4-2010 ، و تحملت لان اساسا يوم كنت مراجعه عند دكتورتي
قالت لي ان تقريبا مفتوح 2 سم ، و رحت مشيت بالليل ويا بنت خالتي و امي نص ساعه تقريبا
و ظل وياي العوار كل 10 دقايق بس يوقف مثلا ساعه و يرد ، المهم نمت الساعه 2
يوم 25-4-2010 قعدت عقب بالصبح صليت الفير
بس كان في دم خفيف .. المهم يات الساعه 1 الظهر و يشتغل العوار كل 5 دقايق ، المشكلة بروح حق الطبيب بس اخاف
يلعبون بحسبتي ، قلت بنطر لين تفتح عيادة دكتورتي - سلوى الرفاعي - و العياده تفتح الساعه 5 العصر
دقيت عليهم و رحت لهم محاري الساعه 6 .. يوم فحصت قالتلي 3 سم روحي المستشفى خلال ساعتين و بلحقج
و قوليلهم يدقون علي ، رحت البيت تسبحت و خلصت و ع الساعه 7 و نص طلعت انا و اختي و اخوي
و اشوا الحمدلله الطريج كان سهالات مو وايد زحمة .. طبعا انا ولدت بمستشفى السيف ، لان بالبداية كنت ابي رويال حياة
بس عقب غيرت رايي على اخر اسبوع .. المهم دشيت سوا اخوي اوراقي و دشيت على ما جيكو النبض و الحوسه و الفحص و باجي
المعلومات حق فتح الملف صعدوني حق قسم الولادة ، صج المكان شرح بس خوف الولادة اييب الغلقه خخخ استغفرالله
كنت انا و امي وياي طبعا
الساعه 8:45 قالتلي الحين بتطلع من العيادة و اتييلي .. طبعا بدلت و انسدحت و ركبولي التخطيط و الدرب و الحقنة الشرجية
بس الله يخسهم على هالابرة ما تسوى علينا ولاده خمرت بالحمام سااااعه ههههه مو قادره لا من هالابرة و لا من هالطلق
طلعت من الحمام يوم وصلت فراشي جان ارد الحمام قلت لهم لا تطقون الباب باخذ راحتي لووول
يوم طلعت مرة ثانيه على الساعه 10:15 و لا الدكتورة تنطرني و قاعد اتسولف ويا امي
قالت انتي خلال ساعه بالكثير ساعه و نص الا والده
انسدحت جان اتقول ببط جيس البيبي .. اهي افتحته مني و انا اشتغل بجي ، استغفرالله تنهنهت من العوار احس مو مستحمله شي
طقيت ايدها و الله فشيييله .. و طبعا 3 سسترات حقي والله عنايتهم حلوة بالولاده و بالهم وسيع
وحده فلبينية بس ماسكة الكمام كل ما ياني عوار حطته
و الدكتورة حبيبتي يوم قمت ابجي تمسح على راسي .. و انا من العوار بس احس ظهري متكسسسسر
قمت اصارخ ظهرررري ظهرررري بمووووت .. قامت الدكتورة حطت ايدها تحت ظهري تدلكه - تدري ماراح يخف بس تخفف عني
طبعا من الالم احوس بالفراش مو خبركم طلق صناعي درب حطتلي قالت عشان عوار مرة وحده و تخلصين بسرعه
بلا ما تتنهنهين جم ساعه حرام ، و من هالحوسه بالفراش كل ساع مطيحه الدرب من ايدي و يركبونه
و كل ساع و اوصل نص الفراش و يردون يصعدوني لي فوق خخخ فلم اسم الله علي
آخر شي من العوار احس ان نفضت نفسي حييل جان الدكتورة تقول خلاص بيطلع ، و تروح تلبس الدسوس و ايون السسترات
حسيت بعوار جنه شي يشق عبالي الدكتورة ، جان اقولها لا لالااااا .. جان اتقوول مو انا البيبي عادسويت بوش مرتين ثلاث و لا البيبي طلع
الساعه 11:25 يوم 26-4-2010
الحين طلع البيبي بس ما سمعته يبجي
بس طبعا غيبت و نمت مادري شصار .. و لا ولدي اسم الله عليه كلش ما بجى
و يحاولون فيه ماااكو .. و اتيي دكتورة الاطفال طبعا كلمة غبية شويه عليها اهي مصرية و تسويله انعاش
و مادري شنو و تشيله من ريله و تطققه و مااااااكو .. جان اتيي سستر اسمها لينا ، اهي كانت تشتغل بمستشفى هادي
جان اتقزه ابره بسرّه مالت ادرينالين ، و يات عاد دكتورة ماريا صج هذي دكتورة مو المصرية الله يزيد النعمه ، من غباءها تشنج الولد لان ما تنفس اختنق
عاد د. ماريا خذته شالته بحضانة وودته العناية المركزة و حطتله بحلجه اللي تشفط من داخله طلع شارب ماي اخضر و حطتله جهاز تنفس و كل شي
ع الساعه 2 بالليل نزلوني الجناح و كانت امي بالغرفه تنطرني
كان قلبي قارصني ع الياهل بس ما سألتها مسكينه حسيتها تعبانه و ما بغيت ازعجها
عقب يوم قامت تصلي الفير و عقب على الساعه 5 سألتها و قالتلي هاللي صار و ذكرته فوق
بصراحه السسترات بالولاده يهبلون و هم تحت بالجناح نفسيه حلوة و اهتمام
حتى كانوا يخففون عني يقولونلي ترى ولدج لا تخافين عليه طبيعي وايد يهالي يصير لهم نفسه و يطلعون عقب عادي
طبعا يوم رخصوني عقب يومين قالت الدكتورة ان البيبي يحتاج يقعد اكثر 3 او 5 ايام .. قلنا اوكي
ظل الولد اسبوع! و طبعا طول هالاسبوع اروحله باليوم 3 مرات .. لمن اسال السسترات عنه يقولون انه كلشي اوكي و جذي
بس في وحده هندية بطه ، لمن تشوفني مستانسه انه تحسن اتكسر مياديفي تقولي لا اهو شوي الحين تعب و وقفنا رضاعته و جذي
و لمن ايي و تلقاني ابجي تقولي لا اهو زين .. لعبت بحسبتي حسبي الله عليها
المهم عقب هالاسبوع حسيت ان الدكتورة تبي تشتغل على وتر الفلوس عقب ما تحسن الولد
جان اتقول خلوه بعد اسبوع و اسويلكم خصم !! شاللي خصم انا مادري شاريه جنطه و لا ملابس !! جان اتقولها امي خلاص مانبي حوليه الصباح
قالت ما اعطيكم اياه للبيت و لا لمستشفى خاص بس اذا تبون مستشفى حكومي اوكي .. قلنالها حوليه الصباح
و الحمدلله نفس اليوم بالليل لقوله مكان بمركز غنيمة الغانم و نقلوه .. يوم وصل هناك فحصه الدكتور قال طبيعي انا ما اشوف فيه شي
بس لازم كل مستشفى اذا يتهم حاله يديده يخلونه بالعزل و ما يرضعونه بس ع المغذي و عقب يوم او يومين تقريبا يبدون الرضاعه تدريجي
يعني اول شي 15 مل و عقب 20 مل و جذي
ظل عندهم 11 او 12 يوم و عقبها رخصوه الحمدلله .. و يوم ييت اطلع عطوني كرت مراجعات حقه
كل مره يشوفون حالته و يعطوني مراجعه له
و الحمدلله ليلحين يقولون انه مافيه شي و طبيعي الحمدلله
بالنهاية اقولكم ان المستشفى حلوو اذا بتولدين فيه الستاف مالهم حلو و يهتم وايد
بس لاسمح الله و صار شي للبيبي نقلوه للصباح اشرف لكم ، خو كل المستشفيات يعجبها حال الحضانات
لانها طريقه ثانيه حق الفلوس ، سواء البيبي تعدل حاله و لا لأ .
اما الحكومة لو تشافى بيعطونج اياه على طوول عشان يوفرون سرير لليهال اللي بداله و مالهم مصلحه .
حتى يوم نقلت ولدي مابقى ياهل مو ياي من رويال حياة و السلام و غيرهم .
و بس سلامتكم
شلونكم بنات ؟ شخباركم ويا الحمال ؟ و شخبار اللي ولدو ويا اليهال ؟
الله يحفظكم ان شالله
طبعا انا مو نوعي اكتب قصص ولاده و جذي ، احب اقرا حق البنات - بس ما فكرت اكتب
بس هالمره قلت بكتب عشان الاشياء اللي مريت فيها عشان تعرفون و تستفيدون =)
انا الله وكيلكم كان وياي عوار بس متباعد يوم 24-4-2010 ، و تحملت لان اساسا يوم كنت مراجعه عند دكتورتي
قالت لي ان تقريبا مفتوح 2 سم ، و رحت مشيت بالليل ويا بنت خالتي و امي نص ساعه تقريبا
و ظل وياي العوار كل 10 دقايق بس يوقف مثلا ساعه و يرد ، المهم نمت الساعه 2
يوم 25-4-2010 قعدت عقب بالصبح صليت الفير
بس كان في دم خفيف .. المهم يات الساعه 1 الظهر و يشتغل العوار كل 5 دقايق ، المشكلة بروح حق الطبيب بس اخاف
يلعبون بحسبتي ، قلت بنطر لين تفتح عيادة دكتورتي - سلوى الرفاعي - و العياده تفتح الساعه 5 العصر
دقيت عليهم و رحت لهم محاري الساعه 6 .. يوم فحصت قالتلي 3 سم روحي المستشفى خلال ساعتين و بلحقج
و قوليلهم يدقون علي ، رحت البيت تسبحت و خلصت و ع الساعه 7 و نص طلعت انا و اختي و اخوي
و اشوا الحمدلله الطريج كان سهالات مو وايد زحمة .. طبعا انا ولدت بمستشفى السيف ، لان بالبداية كنت ابي رويال حياة
بس عقب غيرت رايي على اخر اسبوع .. المهم دشيت سوا اخوي اوراقي و دشيت على ما جيكو النبض و الحوسه و الفحص و باجي
المعلومات حق فتح الملف صعدوني حق قسم الولادة ، صج المكان شرح بس خوف الولادة اييب الغلقه خخخ استغفرالله
كنت انا و امي وياي طبعا
الساعه 8:45 قالتلي الحين بتطلع من العيادة و اتييلي .. طبعا بدلت و انسدحت و ركبولي التخطيط و الدرب و الحقنة الشرجية
بس الله يخسهم على هالابرة ما تسوى علينا ولاده خمرت بالحمام سااااعه ههههه مو قادره لا من هالابرة و لا من هالطلق
طلعت من الحمام يوم وصلت فراشي جان ارد الحمام قلت لهم لا تطقون الباب باخذ راحتي لووول
يوم طلعت مرة ثانيه على الساعه 10:15 و لا الدكتورة تنطرني و قاعد اتسولف ويا امي
قالت انتي خلال ساعه بالكثير ساعه و نص الا والده
انسدحت جان اتقول ببط جيس البيبي .. اهي افتحته مني و انا اشتغل بجي ، استغفرالله تنهنهت من العوار احس مو مستحمله شي
طقيت ايدها و الله فشيييله .. و طبعا 3 سسترات حقي والله عنايتهم حلوة بالولاده و بالهم وسيع
وحده فلبينية بس ماسكة الكمام كل ما ياني عوار حطته
و الدكتورة حبيبتي يوم قمت ابجي تمسح على راسي .. و انا من العوار بس احس ظهري متكسسسسر
قمت اصارخ ظهرررري ظهرررري بمووووت .. قامت الدكتورة حطت ايدها تحت ظهري تدلكه - تدري ماراح يخف بس تخفف عني
طبعا من الالم احوس بالفراش مو خبركم طلق صناعي درب حطتلي قالت عشان عوار مرة وحده و تخلصين بسرعه
بلا ما تتنهنهين جم ساعه حرام ، و من هالحوسه بالفراش كل ساع مطيحه الدرب من ايدي و يركبونه
و كل ساع و اوصل نص الفراش و يردون يصعدوني لي فوق خخخ فلم اسم الله علي
آخر شي من العوار احس ان نفضت نفسي حييل جان الدكتورة تقول خلاص بيطلع ، و تروح تلبس الدسوس و ايون السسترات
حسيت بعوار جنه شي يشق عبالي الدكتورة ، جان اقولها لا لالااااا .. جان اتقوول مو انا البيبي عادسويت بوش مرتين ثلاث و لا البيبي طلع
الساعه 11:25 يوم 26-4-2010
الحين طلع البيبي بس ما سمعته يبجي
بس طبعا غيبت و نمت مادري شصار .. و لا ولدي اسم الله عليه كلش ما بجى
و يحاولون فيه ماااكو .. و اتيي دكتورة الاطفال طبعا كلمة غبية شويه عليها اهي مصرية و تسويله انعاش
و مادري شنو و تشيله من ريله و تطققه و مااااااكو .. جان اتيي سستر اسمها لينا ، اهي كانت تشتغل بمستشفى هادي
جان اتقزه ابره بسرّه مالت ادرينالين ، و يات عاد دكتورة ماريا صج هذي دكتورة مو المصرية الله يزيد النعمه ، من غباءها تشنج الولد لان ما تنفس اختنق
عاد د. ماريا خذته شالته بحضانة وودته العناية المركزة و حطتله بحلجه اللي تشفط من داخله طلع شارب ماي اخضر و حطتله جهاز تنفس و كل شي
ع الساعه 2 بالليل نزلوني الجناح و كانت امي بالغرفه تنطرني
كان قلبي قارصني ع الياهل بس ما سألتها مسكينه حسيتها تعبانه و ما بغيت ازعجها
عقب يوم قامت تصلي الفير و عقب على الساعه 5 سألتها و قالتلي هاللي صار و ذكرته فوق
بصراحه السسترات بالولاده يهبلون و هم تحت بالجناح نفسيه حلوة و اهتمام
حتى كانوا يخففون عني يقولونلي ترى ولدج لا تخافين عليه طبيعي وايد يهالي يصير لهم نفسه و يطلعون عقب عادي
طبعا يوم رخصوني عقب يومين قالت الدكتورة ان البيبي يحتاج يقعد اكثر 3 او 5 ايام .. قلنا اوكي
ظل الولد اسبوع! و طبعا طول هالاسبوع اروحله باليوم 3 مرات .. لمن اسال السسترات عنه يقولون انه كلشي اوكي و جذي
بس في وحده هندية بطه ، لمن تشوفني مستانسه انه تحسن اتكسر مياديفي تقولي لا اهو شوي الحين تعب و وقفنا رضاعته و جذي
و لمن ايي و تلقاني ابجي تقولي لا اهو زين .. لعبت بحسبتي حسبي الله عليها
المهم عقب هالاسبوع حسيت ان الدكتورة تبي تشتغل على وتر الفلوس عقب ما تحسن الولد
جان اتقول خلوه بعد اسبوع و اسويلكم خصم !! شاللي خصم انا مادري شاريه جنطه و لا ملابس !! جان اتقولها امي خلاص مانبي حوليه الصباح
قالت ما اعطيكم اياه للبيت و لا لمستشفى خاص بس اذا تبون مستشفى حكومي اوكي .. قلنالها حوليه الصباح
و الحمدلله نفس اليوم بالليل لقوله مكان بمركز غنيمة الغانم و نقلوه .. يوم وصل هناك فحصه الدكتور قال طبيعي انا ما اشوف فيه شي
بس لازم كل مستشفى اذا يتهم حاله يديده يخلونه بالعزل و ما يرضعونه بس ع المغذي و عقب يوم او يومين تقريبا يبدون الرضاعه تدريجي
يعني اول شي 15 مل و عقب 20 مل و جذي
ظل عندهم 11 او 12 يوم و عقبها رخصوه الحمدلله .. و يوم ييت اطلع عطوني كرت مراجعات حقه
كل مره يشوفون حالته و يعطوني مراجعه له
و الحمدلله ليلحين يقولون انه مافيه شي و طبيعي الحمدلله
بالنهاية اقولكم ان المستشفى حلوو اذا بتولدين فيه الستاف مالهم حلو و يهتم وايد
بس لاسمح الله و صار شي للبيبي نقلوه للصباح اشرف لكم ، خو كل المستشفيات يعجبها حال الحضانات
لانها طريقه ثانيه حق الفلوس ، سواء البيبي تعدل حاله و لا لأ .
اما الحكومة لو تشافى بيعطونج اياه على طوول عشان يوفرون سرير لليهال اللي بداله و مالهم مصلحه .
حتى يوم نقلت ولدي مابقى ياهل مو ياي من رويال حياة و السلام و غيرهم .
و بس سلامتكم
