قعده البيت و لا الوظيفه ؟؟؟؟؟

[(ضحاوي)]

بسم الله الرحمن الرحيم

السلام عليكم و رحمه الله و بركاته


شلونكم بنات .... شخباركم

بنات أنا عندي سؤال حق المتزوجات الموظفات

أنا حاليا أبي أكمل دراستي بالجامعه و محتاره أحس إني راح أدخل بمشاكل مع زوجي و السبب تقصيري في حقه
بس هم أنا عندي إحتياجاتي و طلباتي اللي حدها بسيطه ما يقدر عليها زوجي
و عندي شويه أسئله أتمنى حبايبي تردون عليها بكل صراحه


1- تنصحون بالوظيفه إذا كان عندج عيال صغار و زوج و بيت يبيله مره تشرف عليه ؟
2- أدري راح تقولون إن الوظيفه تحقق لج كيان و استقلاليه بس هل هذا راح يكون على حساب زوجج و عيالج ؟
3- أخاف باجر زوجي يتكل على بكل شي يعني بمصاريف البيت و الماجله و الخدم .

بنات تكفون ردوا على و أنا إن شاء الله راح أستخير

و جزاكم الله خير​

 

[حرم الاسلمي]

صباح الخير
ابئ اشارك الموضوع واشوف الخبرات القديمة لأنئ جديدة للحين فى حيرة وخائفة
من الصدمة
واللة محتاجئن نعرف اللى توظفوا شنؤ التغيرات بحياتهم لأنئ مو مقصرة
مع زوجئ وذى أعرف شكثر راح تكون نسبة تقصيرئ و قصب عنا
أنا بشتغل بعد العيد وخائفة مثلج

 

[Rnwah~q8]

انا مو موظفة ولا متزوجه .. بس اذا سمحتي لي بقول لج رايي

الحين البنيه بأيامنا هذي .. تحتاج الشهاده و الوظيفه

أقل شي يكون عندج مصدر مالي مستقل عن الزوج ..

او انج بـ طيبج تساعدين زوجج بمصاريف البيت و تخففين عليه .. و فوق هذا كله

الوظيفه و الدراسه تغيير لج جو عن البيت و العيال .. احيانا تزهقين من بيتج و عيالج و زوجج .. محتاجه انج تتفرغين لـ نفسج .. بهالشي انتي تحققين ذاتج و تكونين راضيه عن نفسج

و حبيبتي ياما مروا علي حريم .. عندهم بيت و عياااااااال و يدرسون و يشتغلون

مابي اروح بعيد .. بس هذي امي !! تخيلي كانت تدرس و تربي و تجابل ابوي و فووووق هذا مجابله عمامي الصغار و مهتمه بكل شي و مو مقصره .. تدرين ليش ؟

لان متظمه وقتها و كانت تضحي بالنوم و تجابل دراستها .. و ماشاء الله عليها نسبتها ما تقل عن الـ 90 !!

اذا لج طموح و ارادتج قويه .. نصيحه مني لا تترددين ماتدرين باجر تدور الدنيا و تحتاجين الوظيفه و وقتها تقولين " ياليت "

و اذا حيل متردده استخيري .. و اذا فيها خير لج ربي بيكتبها

موفقه

 

[(ضحاوي)]

رد : رد: قعده البيت و لا الوظيفه ؟؟؟؟؟

صباح الخير
ابئ اشارك الموضوع واشوف الخبرات القديمة لأنئ جديدة للحين فى حيرة وخائفة
من الصدمة
واللة محتاجئن نعرف اللى توظفوا شنؤ التغيرات بحياتهم لأنئ مو مقصرة
مع زوجئ وذى أعرف شكثر راح تكون نسبة تقصيرئ و قصب عنا
أنا بشتغل بعد العيد وخائفة مثلج

هلا حبيبتي

حياج يا قلبي الموضوع كله لج

انا مو موظفة ولا متزوجه .. بس اذا سمحتي لي بقول لج رايي

الحين البنيه بأيامنا هذي .. تحتاج الشهاده و الوظيفه

أقل شي يكون عندج مصدر مالي مستقل عن الزوج ..

او انج بـ طيبج تساعدين زوجج بمصاريف البيت و تخففين عليه .. و فوق هذا كله

الوظيفه و الدراسه تغيير لج جو عن البيت و العيال .. احيانا تزهقين من بيتج و عيالج و زوجج .. محتاجه انج تتفرغين لـ نفسج .. بهالشي انتي تحققين ذاتج و تكونين راضيه عن نفسج

و حبيبتي ياما مروا علي حريم .. عندهم بيت و عياااااااال و يدرسون و يشتغلون

مابي اروح بعيد .. بس هذي امي !! تخيلي كانت تدرس و تربي و تجابل ابوي و فووووق هذا مجابله عمامي الصغار و مهتمه بكل شي و مو مقصره .. تدرين ليش ؟

لان متظمه وقتها و كانت تضحي بالنوم و تجابل دراستها .. و ماشاء الله عليها نسبتها ما تقل عن الـ 90 !!

اذا لج طموح و ارادتج قويه .. نصيحه مني لا تترددين ماتدرين باجر تدور الدنيا و تحتاجين الوظيفه و وقتها تقولين " ياليت "

و اذا حيل متردده استخيري .. و اذا فيها خير لج ربي بيكتبها

موفقه

هلا و الله و أنا أتقبل جميع الأراء
بس هذا إنتي تقولين ضحت بنومها يعني ضحت بصحتها و عافيتها الله يخليها لج و يطول بعمرها
بس و الله أخاف بعدين أصير أنا رجال البيت و الزوج طايحلي نوم و أنا كل يوم دوام
و لوعه
و إن شاء الله بستخير
ومشكوورررررررررررررررررره

 

[ترفه الكويت]

زوجك والأ وظيفتك؟؟؟؟

نصيحة نصيحة نصيحه

تري محد راح يدخلك الجنة الأ الزوج ....الوظيفة ماراح تنفعك والوظيفة تعب وهدة حيل وبيئة العمل مو شى

كله فلانه قالت وفلانه راحة وصدقينى المعاش طاير طاير بالعكس خلى زوجك يصرف عليك من كده وصدقينى البركة من الله

ترى الأنثى أذا تشتغل تتغير عندها هرمونات الأنوثه وهذا مو كلامى هذا كلام خبراء

أسفة على الأطاله وعسى ربى يحفظج

 

[(ضحاوي)]

رد : رد: قعده البيت و لا الوظيفه ؟؟؟؟؟

زوجك والأ وظيفتك؟؟؟؟

نصيحة نصيحة نصيحه

تري محد راح يدخلك الجنة الأ الزوج ....الوظيفة ماراح تنفعك والوظيفة تعب وهدة حيل وبيئة العمل مو شى

كله فلانه قالت وفلانه راحة وصدقينى المعاش طاير طاير بالعكس خلى زوجك يصرف عليك من كده وصدقينى البركة من الله

ترى الأنثى أذا تشتغل تتغير عندها هرمونات الأنوثه وهذا مو كلامى هذا كلام خبراء

أسفة على الأطاله وعسى ربى يحفظج

هلا حبيبتي أدري و الله إنج صاجه
بس بالنسبه لي أنا زوجي مو راضي يصرف علينا مثل الأوادم كاني لي 10 سنين بدون وظيفه و قاعده بالبيت لا شغل و لا مشغله لا طلعات مثل الناس و لا عمري سافرت مع زوجي كله يقول ماله داعي و تحملت عشانه بس أحس جتني النفسيه
لا أقدر أشتري على كيفي و حتى عيالي يكسرون خاطري لا شافو أحد يقولون ليش إحنا ما نقدر نشتري و نسافر مثلهم
و الله العظيم يكسرون خاطري و أنا قلت خل إهو يصرف علينا و أنا أرتاح بس ما كو فايده زهقت
و مشكوره إختي على ردج

 

[مذهــلــه]

رد: رد : رد: قعده البيت و لا الوظيفه ؟؟؟؟؟

والله الشهادة بوقتنا اهم من الزوج

توكلي على الله وكملي دراستج وكلها جم سنة وتخلصين دراسة واذا على الوظيفة كل الحريم يشتغلون ومو مقصرين بحقوق ازواجهم بالعكس على الاقل تتغير نفسيتها عن البيت والعيال وترد لهم بنفسية حلوة

توكلي على الله ودرسي كلها جم سنة وتمضي ضغطي على نفسج فيهم

 

[(ضحاوي)]

رد : رد: رد : رد: قعده البيت و لا الوظيفه ؟؟؟؟؟

والله الشهادة بوقتنا اهم من الزوج

توكلي على الله وكملي دراستج وكلها جم سنة وتخلصين دراسة واذا على الوظيفة كل الحريم يشتغلون ومو مقصرين بحقوق ازواجهم بالعكس على الاقل تتغير نفسيتها عن البيت والعيال وترد لهم بنفسية حلوة

توكلي على الله ودرسي كلها جم سنة وتمضي ضغطي على نفسج فيهم

إي والله أحس النفسيه صج راح تتغير
مشكوره حبيبتي

 

[سيدة الذوق]

رد: رد : رد: رد : رد: قعده البيت و لا الوظيفه ؟؟؟؟؟

شوفي الرجال اذا يبي يتحجج بيعصب حتي لو قعدتي بالبيت
بس مدام انتي موفقه بين بيتج وبين وظيفتج مافيها شي

الله يوفقج

 

[أو عبوش]

انا جربت حياه البيت وزوج وطفل

وبعدها بسنه ونص

جربت حياه وظيفه وزوج وطفلين



صراااحه



توظفي وبقوه................. واقوى شي بعد



مصاااريف البيت والعيال وانتي والخدامه والسياره والتلفون والبنزين و...و......و.... ووناستج ولبسج وتهدين رفيجاتج بكيفج...



مو يقط عليج الرجال مبلغ بسيط اول الشهر ويقولج دبري روحج فيه!!!!!

قبل كنت اذا عندي مناسبه عرس ولد عمي ولا جذي والله اشتري البدله واتوهق بالميك اب والتسريحه ماعندي مايكفي..... واقعد باقي الشهر لله يامحسنين لووووووول



اذا انتي هبهّ ريح وشاطره بتقدرين توفقين بين بيتج وعيالج ووظيفتج.... صج ضغط وتعب بس منو بهالزمن تلقينها مرتاحه حتى ربه البيت مضغوطه.......

 

[(ضحاوي)]

رد : رد: قعده البيت و لا الوظيفه ؟؟؟؟؟

شوفي الرجال اذا يبي يتحجج بيعصب حتي لو قعدتي بالبيت
بس مدام انتي موفقه بين بيتج وبين وظيفتج مافيها شي

الله يوفقج

إن شاء الله أقدر أوفق
مشكوره

انا جربت حياه البيت وزوج وطفل

وبعدها بسنه ونص

جربت حياه وظيفه وزوج وطفلين



صراااحه



توظفي وبقوه................. واقوى شي بعد



مصاااريف البيت والعيال وانتي والخدامه والسياره والتلفون والبنزين و...و......و.... ووناستج ولبسج وتهدين رفيجاتج بكيفج...



مو يقط عليج الرجال مبلغ بسيط اول الشهر ويقولج دبري روحج فيه!!!!!

قبل كنت اذا عندي مناسبه عرس ولد عمي ولا جذي والله اشتري البدله واتوهق بالميك اب والتسريحه ماعندي مايكفي..... واقعد باقي الشهر لله يامحسنين لووووووول



اذا انتي هبهّ ريح وشاطره بتقدرين توفقين بين بيتج وعيالج ووظيفتج.... صج ضغط وتعب بس منو بهالزمن تلقينها مرتاحه حتى ربه البيت مضغوطه.......

و الله أنا ما تقولين عني هبه ريح لأني تعودت على الكسل و قعدة البيت و نوم و أكل بس لوووول
و صاجه بسالفه لله يا محسنين و أنا زوجي ما يعترف فيني بأي مناسبه و لا أفكر إني أخذ أو أتسلف منه لأن ما يعطيني كلش
و إن شاء الله بستخير و أشوف
بس والله ضحكتيني على سالفه التك البدليه


مشكوررررررررررررررررررررررررررررره

 

[noo7a]

انا بعدي طالبه
بس كل الي حواليني من اهلي
موظفات و شايلين بيوتهم
بالنهار حزه دواماتهم عيالهم يكونون بالمدارس و رياييلهم بالدوام
و قادرين ينسقون وقتهم و مو مقصرين لا بحق بيتهم ولا عيالهم ولا رياييلهم

 

[missnohaa]

شوفى حبيبتى اهم شىء اخذى شهادتج ومسكيها بايدج

واذا زوجج طلب منج انج تقعدين بالبيت وتجابيلنه مع عياله طيعينى قعدى بالبيت لان المره مالها الا ريلها وبيتها
وريلج اهو جنتج واهو نارج

انا كنت موظفه والحين بالبيت بصراحه الحين وايد احسن اقول اشلون قضيت كل هالمده وانا تاركه بيتى وعيالى حق الخدم ؟؟؟؟؟


بيتج اولى فييييييييييييج

 

[chanel N22]

الزمن هذا الشهادة مهمه في الزمن هذا

 

[GLAM™]

آنا آقول كملي درآستج وتوظفي
صدقيني آلشهآده آهم من الريآل بـ مليون مره ، الشهآده دآيمه لج بعكس الريآل ..
وكآفي آنها تخليج تعتمدين على نفسج ومآتحتآجينْ آحد
آحييج على قرآرج وآلله يوفقج ويسهل آمورج يآرب . . !

 

[انتظر حبه]

رد : قعده البيت و لا الوظيفه ؟؟؟؟؟

اهم شي الشهاده امسكييه بدينج ولا طوفينها
اما الوظيفه انا جربت بدون وظيفه والوظيفه
صراحه الوظيفه تغيير جو ونفسيه شحصلت من قعدت البيت الا الضيقه والكسل

 

[بحر الذكريات]

والله كملي دراستج احسن

ايام الدوامات يتسلطون ودهم تعطينهم وجه واذا جت العطله وتفرغتي له ينحاش عنج لوووووووووووول

 

[Jolia-007]

رد : قعده البيت و لا الوظيفه ؟؟؟؟؟

كملي دراستج احسن :33_1185028183:

 

[أم يوسف وأمونة]

الصرااااااااااااااااااااااحه أنا عن نفسي لالالالالالالالالالالالا كلش ما أيد أنه موظفه وعندها عيال وتشتغل

بالله قولي الصج وانتي بالدوام واليهال صغار يعني رضع او اعمارهم متقاربه منو بيجااااااااابلهم

بصراحه اغلب الموظفات يخلون عيالهم عند الخدم وهذا ووووووواقع ترا لا أحد يزعل

شوفي في حاله انج قاعده عند اهله ممكن او قاااااااعده عند اهلج او قريبه منهم

والله لأسف الحيييييييين اليهال ينادون الخدم بدال اسامي امهاااااااتهم والله لما تروحين جمعيه ولا مطعم وتشوووفين

الخدامه مع اليهال توكلهم وتلعبهم بذمتج هالموقف ما يعور القلب يعني الاهل ووووين

لا تزعلين والله اغلب الناس عايشه جذيع شووووفي انا كنت موظفه وممرضه واستقلت من داومي لاني قلبي عورني

كنت اخلي ولدي عند الخدامه واروح الدوام وساعات من 2 الظهر لي 11 بليل وباجرها يكون صبح بالله قوليلي من وين لي وقت اجابل

ريلي ولدي والريال لي متى بيتقبل الوووووووضع لالا تقولين خذاج موظفه وبيرضى انزين يسكت يوم يومين وبعدها

ترا والله يوم قعدت في البيت تعلمت ووووايد وايد اشياء عيالي جدام عيني وأموري انا اقضيها ولا احاتي منو يوديهم المدرسه ولا

منو ييبيهم ولا منو بيجابلهم بتقولين هذي مسوؤليه الريال اوكي بس مو مسؤوليته يطبخ يوكلهم او يسهر على راحتهم لما يمرضووون

والله اظني متحسفه على كل يوم هدذيت عيااااااااااااااااااااالي فيه

وكا انا حامة نفسي من وايد اشياء عشان خاااااطري اليهال لانهم قطعه مني واتحمل اي شي عشااااااااانهم

بقولج على شي انا ما قتلج لالا تدرسين ولا تتوظفين هذا وجه نظري انا واانتي الله يسهل عليييييييييييج

وأسفه على الطوااااااااااااااااااااااله ومشكورة وايد وايد على المووضووووووووع

 

[اخت فايز]

رد : قعده البيت و لا الوظيفه ؟؟؟؟؟

والله مادري هلموضوع انا بعد شاغلني لاني عندي دبلوم بس قاعده بالبيت ماقدمت

مرات اقول ودي اتوظف علشان تتعدل الظروف الماديه وعلشان اشوف نفسي وماقصر ع عيالي صج انه مايقصر بس الماديه شوي صعبه

ومرات اقول اهو قاعد يكمل دراسته وبعد جم سنه بيترقى ويزيد المعاش وتتعدل الاوضاع ان شاء الله

ومرات اقول اخاف من الايام يعني ماتدرين باجر شنو يصير لج يتزوج او يخليج او او او او احتمالات واجد وبالحاله لو اكون موظفه احسن لي

ومرات هم اقول اذا توظفت بيعتمد علي وبتصير حياتنا ماديه وماراح اكون تابعتله بشئ عني بيصير عندي استقالاليه وهشئ بالنسبه لي اشوفه مو حلو حلات المره مع زوجها تحتاجه ويصرف عليها وتطلب منه كل مابغت( هذا طبعا للي ازواجهم مايقصرون عليهم)





والله مااااادري هلموضوع حييييييييييييييييييييل شاغلني



بس عسى الله يكتب اللي فيه الخيره لي ولج وييسر امورنا ويرزقنا من حيث لانحتسب



ع فكره الموظفات المتزوجات اعرف جم وحده ينصحون بقعدة البيت وعن تجربه




الله يعينا ويسر امورنا يارب