قطو نوح الحمام الراكدول الدلوع (صور)

[نوح الحمام]

الصورة الثانية اعيونه شوية الفلاش ضارب فيهن ،، بس حلوة صح ،، اونه حركة منخش في الكيس ،،ههه

 

[كدووشه]

مشااله حلوووويين

يتربون عزك

 

[AUKQ8]

وااااااااااااااو مشاءالله شي حده شنو نوعه ؟

 

[نوح الحمام]

هذا اسمه منصور ،، ونوعه راكدول ،، يصير وزنه من 7 الى 10 ما شاء الله ،،

ويوم تشيلينه ،، يصير مثل اللعبة القماش لذلك يسمونه راك دول ،،

وشكرا حبيباتي على التعليق اللطيف

 

[**روان**]

الله ، يحلااااااته احب القطاوه :$

الله يخليه لج

 

[الطموحه]

ما شالله عاشت الاسامي يا منصور وربي يخليلج اياه:eh_s(15):
امي بعد عمري فيها حساسية و تخاف من الامراض اللي تسببها القطاوة فخلينا على السلاحف والسمج أحسن لنا

 

[نوح الحمام]

فديتكم والله

مشكورة روان على التعليق

وسلامة الوالدة يا الطموحة ،، عندي سلاحف برية وبحرية وبنزل لج صورهم ،، وايد عسل ،،

وعندي سمكة وحدة اللي هي الفايتر ،،ما شاء الله عليها صار لها خمس سنين عندي زي الفل ،،

 

[M!SS CHARISMA]

حبوبه هذا قطوج؟؟
انا من زمااااااااااااااااااااااااااااااااااااااااااان ادور على نوعيته قطوج ragdoll
ماشاءالله ماعنده بيبيات نفس نوعيه بخاطري ذكر عنونو ^_^

 

[daloo3ah]

يحليله يونس بس انا عندي الشيرازي وايد احلى و الي يصير ويههم مفقص >> حدي مو خبره بالقطاوه خخخخخخخخ

 

[قلم رصاص]

ما شاء الله
عجيييب الله يخليه لج

 

[سكارف.فوشي]

حلو شكله ونوعه عليج بالعافيه يا قلبي

 

[نوح الحمام]

chocolate90 الحبوبة ،، هذا مخصاي من بلاده ،، يا زعم ممنوع الانتاج منه ،، ويا ريت والله ،،ما يغلى عليج

خواتي قلم رصاص وسكارف فوشي الف شكر وتحية لمروركم الطيب

daloo3ah فديتج الشيزاري يجنن كان عندي واحد منه بس وايد يزكم عشان خشمه المفعص وجبان

اما الراكدول يحب يستعرض لما يشوف ضيوف يتمشى جدامهم ولكن ما يحب الصغارية يدري بهم شياطين وومكن يأذونه

 

[بيسان الكويت]

الصورة الثانية عيونه تخرع
بس يونس

 

[نوح الحمام]

لا فديتج غلطتي ما عدلت اعيونه بالفوتو شوب ،، سوري بس اعيونه قتاله ، ههههههه

تسلمين بيسان

 

[lojeeen]

يا حلاتاااااااااااه ماشاء الله يونس ربي يخليه لج ان شاء الله

يحليله و اهو مستانس على الكيس هههههههه ذكرني بقطوتي هايدي من تشوف كيس يصير فيها حيص بيص إلا تدخل داخله و ساعات يعلق برقبتها و رجولها و ما تعرف تتفجج منه ههههههههه و ترد مره ثانيه تدوره و تنام داخله

 

[(كويتيه عسل)]

ماشالله يااااااحلوه

 

[الطموحه]

،، عندي سلاحف برية وبحرية وبنزل لج صورهم ،، وايد عسل ،،

وعندي سمكة وحدة اللي هي الفايتر ،،ما شاء الله عليها صار لها خمس سنين عندي زي الفل ،،

ننتظر صور السلاحف وخبرتج لان عندي سلاحف برية وابي اتعلم

 

[زينة الشرق]

ماحب القطاوة كلش بس شكله كووول

 

[sara al3soola]

يحليله

الله يخليه لج

 

[دلوعه الكل]

ربي يوفقج