قطووتي ضاعت :(

[^emy^]

السلام عليكم
بنااات قطوتي مختفيه من اسبوعين اهي متعوده تطلع وتقعد بره يم بابنا وترجع البيت صارلها 3 سنــين عندي يعني عشرة عمر وهديه من اخواني ضااايق خلقي عليها ..

ذكر عمره 3 سنين ولونه بيج فااتح بالقرين :0bee2e8d89:
وهذي الصور ​

 

[عسوله تحب بطسايه]

انشاءالله تلقينها ..:**

 

[mss.lol]

مسكييين اي والله الفراق صعب
ان شاء الله البنات يساعدونج وتلقينها

 

[^emy^]

ان شاء الله مشكورين حبيبااتي

 

[sweet cake]

انتي بأي منطقه؟؟
دوريها بسوق الجمعه.. ودوري بالمزاد واحنا ندور فيه بعد.. وحطي اعلان بالبيطري وبالأماكن القريبه منكم..

 

[lojeeen]

الله يرده لج سالم >< انا ساكنه بالقصور ان شاء الله لي شفته امسكه لج

 

[ابي قطوة ميوووو]

:yaaaaaarb:ان شاء الله تلقينا ويرد لج ساااااااااااالم :yaaaaaarb:

 

[sweet cake]

توني انتبه.. بالقرين.. احنا ابعد مكان عنكم

ادعي ادعي وان شاء الله يرد لج .. هذي العضوه طباخه 20 يوم جلبهم ضايع والحمدلله لقته.. ان شاء الله تلقينها وادعي وخلي أملج بربج كبير

 

[^emy^]

ان شاء الله يعطيكم العافيه على ردودكم اللي تبرد القلب

 

[girl0lisheis]

انشاء الله تلقينه ونفس ماقالوا البنات دوري بالمزاد وبسوق الحمام

 

[miss colors]

انشاءالله تلقينها ... ودوريها بسوق الحمام لان ماشاءالله قطوتج حلوه وغاليه

 

[ســكــّر]

انزين حبيبتي اهو الذكر مخصي ولا لا
لانه لو كان طالب التزاوج الله يعينج راح يفتر بالشوارع ويتوسخ
وهذي دايما نسمع فيها قطوتي ضاعت او قطوي ضاع اسبوع الى راجع متغير 180 درجه

وممكن يكون انسرق لانه نوعه حلو وممتاز ماشاء الله
اكيد الي ياخذه يايربيه او يبيعه


وشغله الاخيره هذي غلطتج تعودينه يقعد برا هذي قطط مدلله بالبيوت واذا طلعت انسى ترجع الى ماندر يرجع


وان شاء الله يارب يرجع لج بالسلامه

 

[^emy^]

صارله 3 سنين عندي ويعرف ويفهم والله بس اناديه يركض يعرف صووتي ماعتقد يروح ومايرجع .. اول مره يختفي هالكثر
تسلمون على ردودكم

 

[جويجهـ]

ياعمري انتي
ياربتلقينها قريب

 

[بــدويه]

ياحياااتي

أدعي من الله انج تلقينه يارررب ...

بناااااااااااااااااااااات القررررررررررررررررررين فزعتكمممممممممممممممممممممممممممممممممم

 

[lojeeen]

احسن بعد تحطين رقم نقالج بالموضوع حتى نخزنه عندنا سبحان الله يمكن نلقاه و لا نقدر نصيده لأنه خايف فنتصل عليج تجين و يعرفج

 

[rosemary777]

يارب يرجع
بس ليش تخلينه يطلع برا يمكن احد ياخذه لا سمح الله تدعمه سياره
قطاوه يطقونه

 

[^emy^]

مشكووورين حبايبي كلكم وان شاء الله القااه ..

 

[^emy^]

يارب يرجع
بس ليش تخلينه يطلع برا يمكن احد ياخذه لا سمح الله تدعمه سياره
قطاوه يطقونه

حبيبتي اهو يطلع يم الباب ويرجع مايروح بعيد .. وبعدين فريجنا هدووء وصخه حيل ومايخلي احد يمسكه الا انا لانه متعود علي

 

[وردة-الكويت]

يارب تلقينه ان شاءالله

اهو شكثر صارله ضايع جم يوم ؟؟