قطوه ولدي مريضه

[sadeem yam yam]

السلام عليكم .. شلونكم بنات :0bee2e8d89:
حدددي ضااايق خلقي .. هذا الله يسلمكم عندي ولد وحيد بالروضه .. ولانه ماعنده اخوان مطلع حرته بالحيوانات يلعب وياهم ويستانس معاهم .. بالاخير رحت شريت له قطوه شيرازيه صغيره لاني حسيته راح يستانس فيها وايد ..
وانا الصراحه ماعرف لهم كلشششششش
عمرها يابنات شهر ونص او شهرين .. ومن اول ماجت زينه .. اليوم شوي شوي تكح .. وبعدين صادها اسهال عزكم الله .. وبعدين ترجيع .. واخر شئ صارت تتبرز دم :0bee2e8d89:
المشكله شنو الهندي يقول لاتطعمينها الحين لانها صغيره وانا ماوديتها الطبيب .. والمشكله الثانيه ولدي الله يهداه كلها حاطها عند ويهه وحاظنها وطايح فيها تبوس < عنده نقص وعليه
افيدووووووني اخاف تضر ولدي .. وزوجي الله يهداه يقول بقطها بالشارع حرااام ماتهون علي
بنات اذا تعرفون مكان دكتور بيطري قريب من صباح السالم .. او عندكم حل ساعدوني بسرعه​

 

[AmOoNa-]

لالالالالالا لاتقطونها بالشارع حرام عليكم وتاخذين اثمها هذي بذمتج عالجيها وبتاخذين فيها اجر
بالنسبه للاسهال طبيعي جدا جداااااا لانه صغيره وتغير عليها الاكل عطيها روب قليل الدسم دربالج كامل الدسم سواء حليب او روب موزين حق القطاوه والطريه انه تحطينه اب ابره مالت الدوا وترعصينها بحلجها هذي احسن طريقه عشان اتاكدين انها كلته

حطيلها كميه قليله من الاكل كل جم ساعه ولاتغيرينه عليها لانها صغيره معدتها ماتحمل تغيرين النوع وهم لانها صغيره ماراح تعرف اهي شكثر تحتاج اكل يمكن تاكل اكثر من تحمل معدتها

اذا ماصارت زينه وديها الطبيب يغزونها ابره تطلع كل اللي ابطنها وتصير زينه انشالله

وبخصوص ولدج لاتخافين ماراح يصير فيييي شي والله انا ورفيجاتي سنين نربي قطاوه لاصار فينا امراض ولاحساسيه ولاشي وانا قبل فتره قاريه مقاله يقولج اللي يتعايش مع الحيوانات من صغره تقوه عنده المناعه ضد الامراض

 

[sadeem yam yam]

ياقلبــي انتي يااموووووونه شاكره لج ردج حبيبتي .. وانا اصلا مااابي اقطها بس زوجي الله يهداه تضايق خايف على الولد .. واقوله نوديها الطبيب يقول اقطها احسن .. < شكلي بقطه اهو واخلي قطوتنا
انزين حبيبتي عادي الدم .. لانها الحين اذا جت تتبرز يطلع نقاط دم بس وهالشئ مخووفني وااايد .. الله يستر بس

 

[جوجو.]

ودوها الطبيب البيطري وااي الله يهديج عاد القطو مو شي يخرّع لما يمرض بسرعه ينقل العدوى

 

[AmOoNa-]

ايي عادي الدم طبيعي جدا مع الاسهال ومثل ماقتلج الاسهال بهالعمر طبييعي لانه اول شي تغير عليها الاكل من حليب امها لي اكل القطاوه بعدين انتو غيرتو عليها الانوافع فيصير معاها جذي لاتخافين انشالله تصير زينه مثل ماقتلج بخصوص الروب مانفع البيطري

اختي الجوري الوردي منو قال هالحجي بالعكس احنا من سنين نربي قطاوه موبس انا صديقاتي واهلي ونعرف ناس يربون ماشفنا انتقلهم اي مرض؟؟ انا قطوي صارله سبوعين عيونه ملتهبه وينام يمي ماصار فيني شي؟ ونفس الشي قبل فتره في فطريات وكاني الحمدالله مافيني شي ولااحد ابيتنا في شي

 

[barbreeta]

حبيبتي لا تخافين شي طبيعي لانها صغيره وانتقلت من مرحلة الرضاعه لي الاكل حرام وديها الطبيب اول شي ولا تخافين على وليدج انا 24 ابوس قطيوي الحمدالله ماكو شي واهوا بعد يعاطس بعد عمري بس عادي الحمدالله ماعاداني واذا ما يبيها ريلج حرام اتقطونها صغيره عطوها احد

 

[نبضي جابر]

ياقلبي مره قريت بالنت إن موزين إذا طلع معاها دم والله أعلم
إنتي شخسرانه وديها البيطري روحي للدهماء وهو راح يعطيج علاج
والله يشافيها يااارب حاسه فيج والله

 

[sadeem yam yam]

مشكوووووورين .. الله يعطيكم العافيه كلكم ماقصرتوا
نبضي جابر .. خرعتيني انا خوفي كله على ولدي الله يستر
بنات ماقصرتوا بس سؤال مستشفى الدهماء خاص .. وجم يكلف لاني بخلي السايق يوديها بروحه .. زوجي معاند ورااافض يوديها .. يقول لاتعبين روحج قطيها احسن .. فأنا ابي اعرف جم تكلف عشان ادزها مع السايق بدون لايدري .. مهما كان ماتهون علي وااعليه تكسر الخاطر

 

[AmOoNa-]

مكانه يم سوق الحمام والسعر ماراح يتعدا ال10 دك بس مادري جم

 

[barbreeta]

بس حبيبتي شلون السايق بيشرح للدكتور اشفيها عيل كلمي الدكتور بالتلفون احسن قوليله المشكله وانشالله بعالجها ومثل ما قالت امونه خلي معاه 10 دنانير احتياط

 

[sadeem yam yam]

فعلا حبيباتي وهذا الي صار .. عطيت السايق عشر دنانير ومن دخل ع الدكتور كلمته .. بس الدكتور نفسييييه .. ومعصب ويزف يقولي هذا مريض واجد .. قلت له توني شاريته من سوق الحمام .. حسبي الله عليه الهندي غشني .. المهم عطاها ابره وهم بيعطيها باجر وعقب باجر .. وعطاني محلول احطه لها بالماي .. بس اهي كلششششش ماتشرب الماي .. اخر شئ حطيته مع الاكل وخلطته بشووي ماي عشان تشرب .. واهي من جبتها كسوله وكله نايمه .. والحين جنها احسن شووي ,,,, ياااااااااربي تشفيها والله معووره قلبي
تصدقون بنات يوم كلمت الدكتور سمعت صوتها عنده شوي وابجي
الي استغربته يقول الطبيب فيها فايروس بس مايضر الانسان .. وانه لو ماجبتها اليوم جان ماتت .. < ياقردي شلي حادني اشتري قطوه واتعلق فيها :0bee2e8d89:
والله صاايره جنها بنيتي .. ع العموم مشكورااات حبيباااتي ماقصرتوا الله يعطيكم العافيه امووااااااه

 

[barbreeta]

فعلا حبيباتي وهذا الي صار .. عطيت السايق عشر دنانير ومن دخل ع الدكتور كلمته .. بس الدكتور نفسييييه .. ومعصب ويزف يقولي هذا مريض واجد .. قلت له توني شاريته من سوق الحمام .. حسبي الله عليه الهندي غشني .. المهم عطاها ابره وهم بيعطيها باجر وعقب باجر .. وعطاني محلول احطه لها بالماي .. بس اهي كلششششش ماتشرب الماي .. اخر شئ حطيته مع الاكل وخلطته بشووي ماي عشان تشرب .. واهي من جبتها كسوله وكله نايمه .. والحين جنها احسن شووي ,,,, ياااااااااربي تشفيها والله معووره قلبي
تصدقون بنات يوم كلمت الدكتور سمعت صوتها عنده شوي وابجي
الي استغربته يقول الطبيب فيها فايروس بس مايضر الانسان .. وانه لو ماجبتها اليوم جان ماتت .. < ياقردي شلي حادني اشتري قطوه واتعلق فيها :0bee2e8d89:
والله صاايره جنها بنيتي .. ع العموم مشكورااات حبيباااتي ماقصرتوا الله يعطيكم العافيه امووااااااه

وااااااااااي الحمدالله لحقتي عليها جان راحت ديربالج حبيبتي على دواها ومواعيد الابر مسكينه الله يشفيها ديربالج عليها ترا والله تاخذين اجرها ايه والفايروس صج ماله شغل انشالله مايعاديكم بس حرام قولي حق ريلج فيها اجر مسكينه واهيا انشالله اذا صارت زينه بتشوفينها حليوه وتلعب عاد اذا مايبيها ريلج عطوها احد لاتقطونها بالشارع:0bee2e8d89:

 

[AmOoNa-]

حبيبتيي لايضيق خلقج والله عادي كلهم بهالعمر يعانون من هالمشكله ومحلولها الي ببالماي شربيها يا بالابره

 

[sadeem yam yam]

قوه بنات ماقصرتوا حبيباتي امونه وبربريتا ,,
حبيت اقولكم القطوه الحمدلله صارت احسن .. واخر شئ عطيتها حق واحد يعرف له ناس بالمستشفى وتكفل بعلاجها وعطيته اياها مجانااا طبعا .. واهو المستفيد لانه اذا صارت زينه راح يبيعها ويتكسب من وراها .. والصراحه للحين قاعده اعيش تأنيب ضمير .. يوم اني مافهم بالقطاوه شحقه اشتريها وااااايد كاسره خاطري وكله افكر فيها
بس ع الاقل عطيتها حق ناس فاهمين ويعرفون حقها اكثر مني .. والله معووره قلبي ااااخ ياقطوتي
والله يابنات اهي مع غراضها كلفتني فوق 60 دينار ..
الحين متوهقه بغراضها .. السرير مالها ومشطها وااااي ياقلبي بس :0bee2e8d89: .. والرمل والحوض حق الرمل .. لا وفوق هذا زوجي شرالها اكل ب11 دينار .. بالله هذيل وين احطهم الحين .. وانا طالعه ولا نازله اشوف غراضها ويضيق خلقي .. صراااحه مالوووومكم يوم تحبون القطااوه
بنات عفيه الي تبي غراضها هذيل ترسلي ع الخاص
الله يحفظج ياتوتو وين مارحتي ويشفيج يارب .. بشتاق لج واااايد :0bee2e8d89:

 

[kikoo]

الله ايسامحج ليش وزعتيها عاد اذا بتشترين قطوه لازم عمرها 3 شهور علشان اتكون بصحه زينه
والاكل والاغراض تبرعي فيه حق أحد عنده قطاوه لأنه أدري أنه ايكلف وايد
لو أدري أنج ما تبين القطوه جان أخذتها منج حق عيال خالتي ميتين يبون قطوه قاعدين ينطرون قطاوتي يولدون بس للأسف كلهم ذكوره لوول يعني بيحصلون قطو لمن أنا أصل نثيه

عاد طبيعي أنه القطوه الصغيره ايحوشها اسهال لمن تتعود على الاكل والكحه والعطاس هذا من الفلونز تاخذ تطعيم واتصير جنها العافيه
مسكين ولدج الحين أكيد ضايق خلقه أخذيله سلاحف ما فيهم مشاكل وايد بس ما يبيلهم مكان بارد