قطوتي ولدت

[boOnita]

صباح/مساء الخير ‏

بناااات انا قطوتي ولدت صارلها 7 ايام

ويابت لي ‏8 قطاوه يهبلون

وكل شي كان تمام وترضعهم وتهتم فيهم

بس امس اكتشفت ان مافيها حليب

مع ان لما ولدتهم شفتها فيها حليب

بس شلي صار وليش مادري

مع العلم هذي مو اول مره تولد

بس اول مره يصير فيها جذي

بلييز بناات ساعدوني شسوي

 

[sweet cake]

وديها للبيطري يعطيها ابره لهرمون الحليب.. اذكر اني قريت ان البيطري يعطي ابره لـ هـالشغله..
ودفي البيبيات عدل واشتري رضعات وااجد وحليب للقطاوه واهتمي فيهم انتي معاها

 

[$$كويتية$$]

مبروووووووووك

مثل ماقالت سويت طيري فييها البيطري



الله يخليهم لج ويخليج لهم

 

[boOnita]

تسلموون قلبي
بس الحين شسوي علي ما اوديهم باجر

 

[shurooq]

ماشاءالله تبارك الرحمن

يمكن عشان العدد الكييتنز تبارك الرحمن وايد عشان جذي ماكو حليب

مادري يالغاليه ولا مره جربت قطوة تولد عندي


يا انج اتشربين الام حلييب نفسنا عشان يصير فيها حليب

او رتروووحين مركز سلطان واشتري حليب الكييتنز والمميه وشربيييهم

 

[shurooq]

او اذا عندج ام ثانيه والده وترضع حاولها اتخلينها اترضعهم

وان شاء الله تنحل المشكله

 

[ســكــّر]

ليكون القطه اخذت دواء ؟

ممكن يكون جف الحليب واذا بالحاله هذي ترضعينهم صناعي

بس تاكدي من الطبيب البيطري لانه ماشاء الله اعدادهم كبيره

 

[boOnita]

شروق مالا شغل العدد هذي 4 مره تولد وكله تييب 7 او 8 وماصار جدي فيها

سكر لا خذت دوا ولا شي بس مستغربه ليش جذي صار فيها وهم اقولج ماله شغل العدد

 

[sweet cake]

مثل ما قلت لج وديها البيطري وتأكدي.. ولازم الحين يكون عندج مميات وحليب ترضعينهم واذا ما حصلتي حاليا شربيهم حليب بس مخفف بماي ويكون الماي اكثر بشي بسيط.. بس مؤقتا على ما تشترين الحليب

الله يكون بعونج

 

[boOnita]

فديتج سويت شربتهم حليب عادي بس الماي اكثر بشوي
وباجر بوديها ان شاءالله وعندي ماميات
بس اخاف يضرهم الحليب بس غريبه ليش صار جذي هذي اول مره

 

[كوووكه]

بصراحه ماعندي خبرة بالقطاوة بس احبهم,,,,


ودخلت اباركلج بولادتهم,,,,

على البركة ويتربون بعزج يارب,,,,,<<<

 

[بــدويه]

جيبي حليب للقطط من البيطري ..

وترى العدد كبير تبارك الرحمن حاولي تساعدينها ورضعي البيبيات معاها

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

ألف مبرووووووك .’,~ :ioljnmlk:

و بالنسبه للسبب في كثير من الخيــآرتالي ذكروهــآ بعض البنــآت .’,~

و إن شــآء الله البيطري لمــآ اتروحين له يحدد لج السبب .’,~

و مـــــع السلامــــه ,,,

|~|

 

[حلاها بلاها]

ياااا الله عالبركه .. الفال للي عندنا.. وناااسه يونسون الكيتينز اول ما ينولدون

شوفي ضروري الامايه تاكل عدل .. لازم اكثر من وجبه باليوم لان ماشاء الله عددهم حيل كبير والام ماراح اتلحق اتسوي حليب

وانتي بعد ساعديها بالرضاعه .. اشتري حليب مخصص للكيتينز و اذا ما حصلتي اشتري من الجمعيه حليب اطفال خالي من اللاكتوز

انصحج بهالنوع اسمه s-26 LF

علبته لونها اخضر فاتح و الغطى ازرق .. مرسوم على العلبه خروف اصغيرون.. هذا امجربينه على اقطاوتنا وااايد زين ما يسوي لهم اسهال

عطيهم كل ساعتين رضعه.. بس مو وايد اشوي شوي عليهم لانهم صغار بسرعه معدتهم تمتلي..اول رضعه لا تسوين الحليب ثقيل و الماي اللي تستخدمينه لازم يكون دافي ..

 

[a7la-86wa]

مثل ماقالت حلاها بلاها
انا ولد اخوي عنده حساسيه من اللاكتوز فديته قطوتي لووووووووول
كنت اخذ من حليبه ههههه
خلص حليبها يمكن لانها ما كانت تاكل وايد
يمكن ساده نفسيتها عن الاكل
وكليها وهي منسدحه
طبخي لها اكل بيت لانه يمتن بسرعه
بس اذا قطوتج نوعيه اول ماتدخلين عندها تقوم تروحلج هاذي مشكله
حطي لها الاكل عند راسها ولا تدخلين عندها
انا مادري خايفه على سالفه الهرمونات مادري يمكن تتسرب مع الحليب مادري مادري
تدرين عاد مرات البيطري اذا شاف القطوه يابت 5 يقول ساعدوها بالرضاعه واشتروا رضاعات
بس في حليب ينباع بمركز سلطان من ماركه هارتز هذا مو زين لان فيه فانيليا
وان شاء الله اكون ساعدتج

 

[boOnita]

ثاااانكس لكل اللي ردوا
وكل كلامك هدا اعرفه لان مو اول مره اولدها واساعدها بالرضعه
بس استغربت هالمره ليش مافيها حليب
لاعطيتها دوا ولاشي ولا لان العدد كبير
اهيا دايما يا تييب 7 او 8 وهذي مو اول ولاده لها بس ماكان يصير هالشي
بس اتوقع لانها ماتاكل عدل مو ملحقه عليهم
مسكينه اشوفها بعد ماترضعهم تطلع مهدود حيلها وبس بتنام وماتأكل عدل اتوقع هذا السبب
اذا ماكو اكل شلون بترضعهم

 

[a7la-86wa]

اي بس خلاص
من الاكل مافي اكل ماكو حليب
معروفه وهي ماشاء الله عليها مو اول مره تولد اكيد بيهد حيلها
طبخي لها دياي مع جزر وسلقي بطاطا
وحطيهم بالخلاط مع ماي
وعطيها ياه سائل
بسرعه بتشتهيه
وماراح تتعب وهي تاكله

 

[آبـلـہ نـونـو]

مآ شآء آلله تبآرك آلرحمن .. ~

عآلبركة حبيبتي ،

..

 

[lojeeen]

ماشاء الله على البركه ان شاء الله البنات كفو و وفو

بس صج غريبه ليش ماصار فيها حليب المفروض القطوه طول فتره حمالها اتكون شهيتها حيل قويه على الأكل حتى تجمع بالحليب
يمكن طول فتره حمالها ماكانت تاكل ؟

 

[boOnita]

واي فديتكم والله
اليوم وديت المسعده طلع فيها حليب بس حيل قليل
وعطاها ابره يزيد من الحليب وفيتامينات
وناسه صار فيها حليب وايد لدرجه بس تمسكينها يطلع ناافوره
لووووووووووووووووول

اي بس خلاص
من الاكل مافي اكل ماكو حليب
معروفه وهي ماشاء الله عليها مو اول مره تولد اكيد بيهد حيلها
طبخي لها دياي مع جزر وسلقي بطاطا
وحطيهم بالخلاط مع ماي
وعطيها ياه سائل
بسرعه بتشتهيه
وماراح تتعب وهي تاكله

مع اني مومعودتهم علي اكل البيت بس بجرب ابي نفسيتها تنفتح وتأكل وايد
يسلمو خيتو

مآ شآء آلله تبآرك آلرحمن .. ~

عآلبركة حبيبتي ،

..

الله يبارك فيج حبوبه ويسلموو عالمرور

ماشاء الله على البركه ان شاء الله البنات كفو و وفو

بس صج غريبه ليش ماصار فيها حليب المفروض القطوه طول فتره حمالها اتكون شهيتها حيل قويه على الأكل حتى تجمع بالحليب
يمكن طول فتره حمالها ماكانت تاكل ؟

اي حبوبه وانا قلت جذي بعد بس طلع فيها بس حيل قليل لان من ولدت واهيا ماتأكل مو مشتهيه مادري ليش
بس وحياتج لاراح اخليها غصب تاكل