قطوتي ما تاكل شسوي

[......هلا......]

السلام عليكم


بنات ساعدوني عندي قطو ما ياكل ضعف من قلة الاكل لانه متعود ياكل نوع معين من الاكل اختفا من السوق دورت بمركز سلطان ولولو هايبر بس ماحصلته.... اسمه اعتقد felix .... انصحوني شسوي شريت كل أنواع الاكل بس والله يجابل الاكل وما ياكل ..... احترت معاه :0bee2e8d89:​

 

[همس البحر]

حبيبتي في مركز سلطان قسم للطلبات يعني اي شي ماتلاقينه يطلبونه لج .

 

[......هلا......]

شكرا ياقلبي عل رد .. توني أدري راح أروح وأسأل :tek:

 

[BlueGirl]

و عليكم السلام
حرام احرجتيه قلتي عنه قطوتي لوول

فيلكس موجود
روحي الجمعيات الكبيرة موجود مثل كارفور و لولو هايبر و مركز سلطان بس جنه هم مقطوع مركز سلطان
اهوا يقطع عشان الشركه راح تغير الاسعار و راح يرد الجمعيات اللي تنزله بعد ما يغيرون سعره القديم

 

[sambosa]

هلا حبيبتي..

كلش كلش عندج جمعية الشرطة بجنوب السرة ممتازة كلشي فيها و ارخص من الجمعيات
و انا الصراحة واايد اهتم بالحيوانات ف اقترح انج تودينه بيطري يشوف شعلته
انا كان عندي قطو ما ياكل الا اكلنا لووول يعني يطب معانا ياكل سمج و دياي و لحم يعني اكله الجياس ما يجيسه
فا ما ادري واللة

 

[......هلا......]

BlueGirl
هههههههها عيل لوتدرين صارلي شهرين علبالي نثية بالصدفه اكتشفت انه >كر




سمبوسه:
صراحة أنا ما أدل البيطري ولاودي أوديه .... وصج حسبي الله عليهم زادو الاسعار .... وأكل البيت مايعجبه عزج الله معدته ماتقبله يرجع بسرعه

 

[×-Mjro7H-×]

لوووووووووووووول يحليله
مايعجبه ؟ هههههههههههههههههه
صج قطو كشخه هذا
الله يحفظه ههههه

 

[......هلا......]

×-Mjro7H-×


إولله مره حطيت له دياي تخيلي يطالعني ويطالع الصحن ثلاث مرات جان يعطيني ظهره ويمشي ......دلللللللوع

 

[BlueGirl]

امبيه حتى انا قطوي عبالي نثيه و المصيبه كنت بزوجه ذكر وخزياه لووووووووووول
ترا احنا اللي دلعناهم و عودناهم على اكل جاهز حسافه الحين صعب نعدلهم
هذاك اليوم قررت اعطيه اكل بيت انا اسويه يعني اخذ دياي مجمد و سمج مو الغالي و اسويه و حاولت فيه ما يبي حسبي الله عليهم معلب الوسكاس وصل 470 اشدعوة اكل الاوادم ارخص
تخيلي لما اعطي قطوي قطعة دياي يشمها و يشوتها يلعب فيها استغفر الله هههههههه

 

[......هلا......]

ههههههههاي والله العظيم نفس حالتي ... كنت أدور له على نثيه صراحه تفشلت ظحكو علي أهلي.

أنا شريته وهو كبير مدلع ...

بس سويت حركه علشان يتعود على أكلنا كنت أخلط أكلنا مع أكله تخيلي يوخر أكلنا وياكل أكل المعلبات... بس مافاد

 

[الأم الصغيره]

والله عليج سوالف قالت قطتي ما تاكل ايش اسوي هههههههههههههههههههههههه ااااي قاعده اضحك عليج عمررري واي

 

[BlueGirl]

لوووووووووووول والله جنج انا
جربت اخلط الاكل وما فاد .. قمت اسوي و اعطيه القطط الضاله يحليلهم ما يقولون لأ
فكرت اشتريله مشهي حق الطعام اذا تبين اسألج عنه .. نعطيهم المشهي و نحط لهم لحوم منزليه شرايج ؟
احسن من المعلبات

الام الصغيرة يحليلج والله
صراحة ما ادري شاللي يضحك بالموضوع !! بس انتي غير عنا لأن من توقيعج عرفت دورج و تفكيرج بالحياة لوووووووووول

 

[......هلا......]

BlueGirl



رحت أمس لولو هايبر وجمعية الشرطة مالقيت معلبات فيلكس .... وقلت ليش ما جرب أكل جلاب شريتة بس هم ما فاد مثل ماقلتي راح يكون من نصيب قطاوت الشارع


أوكي خلينا نجرب المشهيات والفيتامينات... بس تعرفين نوع زين؟

 

[kikoo]

بنات ماكو أحد ربا قطاوه كثري إذا ما تاكل إلا أكل معين خلطي أكلها اللي تاكله مع شغلات ثانيه تبيها تاكلها راح تاكل عادي وأحسن شي اتعودينهم على أكلج أنتي يعني قطاوتي وحده الله يرحمها كانت تاكل معاي منقا وبطيخ وأي شي أنا أكله اترز ويها تبي ولا اتدلعونهم ترا صج صج صج بتميلقون لوول إّذا بتعلمين القطو لازم ومن أهو صغير ولا اتعودينه على شي معين كان عندي قطو ما اينام إلا بكفر مال ايكيا اذا شلته عنه ما اينام لازم يندعس داخله واينام ذبحني إلا اعطيه الكفر ولا ما اينام أخر شي راح المخيم مال ريلي تسنع صار ريال لوول اينام كل مكان

 

[همس البحر]

حبيبتي قبل يومين انا بمركز سلطان لقيت الاكل اللي تدورينه متوفر.

 

[بنت عبدالغني شربت]

هلا اختي انا قطوتي جذي بالضبط اطلعت الاخت شنو تبي

تونه مالت الاوادم مالتنا لا ومالت امريكانا الي فيها ماي مو زيت زيتون بس ما تاكل الحين الا تونا امريكانا بالماااي اشوه جزاهم الله خير مسوين عليها عرض :dddds:

 

[ديمة الحلوة]

ممكن حامل