قطوتي فبها اسهال و ترجيع ابي نصايحكم بليز :(

[Mystique]

بنات و الله من قمت من النوم و انا قاعده انظف يا فيها با فالبيت مسكينه قطوتي فيها اسهال و ترجيع (تكرمون) انا ما سبحتها لأن صارلها اقل من اسبوع امطعمينها بس ما كان فيها شيئ معقول يطلع الأثر بعد 5 ايام؟؟

انا نظفت الوصخ عنها بعدها رجعت مع ان اكلها نفس ما كان و الحين اهيا نايمه عندي و انشالله تكون عدت السالفه بس بليز بنات اللي عندهم خبره شسوي؟

يعطيكم العافيه

 

[AL 3la]

وكليها موز

 

[سكارف.فوشي]

بعد قلبي حاسه فيج انا قبل فتره جذي صار فيني واخس منج بعد صج الله يعييييينج جربي طريقتي يمكن تفيد معاج
اول شي شيلي الاكل عنها لمدة 12 ساعه بس خلي الماي عقب 12 ساعه عطيها دراي فود بس وكرري كل 12 ساعه عطيها بس دراي فود وماي خليه موجود
واذا مافادت هالطريقه اعلمج على طريقه ثانيه

 

[Mystique]

مشكورين عالرد

 

[Mystique]

و كل عاده سكارف فوشي ما قصرتي حبيبتي
انا بس مستغربه لأن صارلها جم يوم ما قاعده تاكل من نفسها إلا اذا من ايدي ف أنا خايفه انها ياعت و كلت شي من الأرض
ماني عارفه و الله
ما كانت جذي من قبل و انا اساسا معودتها على الدراي فود و بعض المرات نعطيها شويه لحم او دياي من اكلنا

تسلمين لنا مشرفتنا :eh_s(7):

 

[سكارف.فوشي]

اي عادي حبيبتي انا مرات يصير فيني جذي سهال بدون سبب بس عقب ما سويت سيرج بالنت سويت هالطريقه اني اوكلها كل 12 ساعه وصج وقف الاسهال شوي وصار متماسك ادري لوعت جبدج ههههههههههههههه بس شوفي جربيها واذا مافاد معاج سوي مثل طريقتي انا فادت معاي الي اهي

مهلبيه ( 4 ملاعق نشا على ثلاث ارباع كوب ماء وربع كوب حليب خالي الدسم او قليل الدسم )
ويحلى وينطبخ على النار لما يستوي توكلينه القطوه وهو دافي طبعا
حتى لو بالغصب هالطريقه توقف الاسهال
مو توكلينه مره وحده وبس لا كل يوم وكليه لين يوقف يكون احسن كل 12 ساعه


او

عطيها دوا اطفال اسمه انتيتال 2سم

مع 2سم محلول معالجه الجفاف

وهذا في حاله الاسهال المزمن يعني مستمر

 

[Mystique]

يعطيج الف عافيه يا رب

راح اسوي اللي قلتي و احفظ كلامج عندي

بس شنو محلول معالجه الجفاف ؟ ممكن توضحينه اكثر و من وين الاقيه؟

 

[سكارف.فوشي]

محلول يمسك المعده عشان لا يحوشها جفاف من الاسهال يي على شكل جياس صغار
تاخذين جيس واحد تحطين نصه مع ماي 1 ونص سم وتذوبينه وتشربينها بأبره على جنب عشان تبلعه وماينكت بره وهذا صورته
http://romyimages.googlepages.com/poster_smecta.jpg

طبعا في انواع ثانيه لما تروحين الصيدليه تقوليلا محلول معالجة جفاف يعطيج كذا نوع انتي اختاري الي يناسبج

 

[ابي قطوة ميوووو]

ووديها البيطري الي بالوفرة لان احسن بيطري ولكل يمدحى
وان شاء الله تتشافى

 

[Mystique]

مشكورين على ردودكم بنات

 

[دمي مـטּ ذهب]

ان شاء الله سكارف فوشي تكون فادتج حبيبتي
بشرينا عن قطوتج ان شاء الله صارت أحسن ؟
أب الموضوع لين تتحسن قطوتج
لأني آسفه والله ما اعرف شيئ بالقطاو الا شوي وماقدر افيدج بشيئ

 

[غـــلا روحــي]

الله يشفيها يارب

ومادري والله ماقدر انصحج في اي شي لانه ماعرف

 

[rosemary777]

انا قطوتي تعبانه بعد شسالفه الظاهر كل القطاوه مرضى هالايام من الجو ماادري التلوث والحر

تعبانه وماتاكل وعطيتها حليب امس صار اسهال

 

[سكارف.فوشي]

ها حبيبتي بشري شصار وياج

 

[*صَبا*]

سبحان الله

ماكنت اعرف ان القطو يمرض مثل الانسان

والله بديت انشد لمواضيع القطط

 

[Candie]

الله يخليها لج

 

[Mystique]

مشكورين بنات
الحمدالله قطوتي بس ياها المرض يوم واحد و دلعناها تدليييع (بس من غير اكل! :dddds و الحين اهيا اب احسن حال
قطوتي بطله!! :j013:

مشكورين للي اسألوا عنها بالأخص حبيبتي سكارف فوشي ما تقصر ما شالله عليها :eh_s(7):

 

[girl lesh]

معلومه بسيطه الانسان يعادي القطو لكن القطو مايعادي الانسان الا بحساسيه ولا شي بسيط

 

[سكارف.فوشي]

اشوه الله يخليها حقكم