قطوتي شعرها يطيح

[hello1]

شعرها كل ما اشيله القاه لازقه بهدومي
شنو الحل ؟؟

مع اني اسبحها بالصيف كل اسبوع او اسبوعين

 

[رفيف الورد]

وديها البيطره شكلها فيها فطريات وراح يعطونها العلاجلأن إذا الشعر يتساقط بشكل مو طبيعي من القطوه فهذا يعني إن عندها فطريات

 

[shrouq]

رد : قطوتي شعرها يطيح

لا يمكن لانج ما تمشطينها يوميااا عشان جذ يتراكم ويطيح

 

[مس كوكا]

وي ليش والله ما عندي خبره بالقطاوه

 

[دلوعه مامي]

لووووووووول

 

[سارة الورد]

لا يمكن عندها مرض السلطان افتكي منها ؟؟ مو زين بعدين تنقلج المرض ؟؟والله

 

[lojeeen]

ههههههههههههه لا عاد قويه سرطان و امراض القطط ما تنتقل للبشر

يا ليت لو تتكلمين اكثر عن شعرها شلون يطيح يعني لي مسحتي على ظهرها من اول راسها لآخر ظهرها اتشوفينه تجمع بيدج ؟
و لا بس لي شلتيها ملابسج تنترس شعر ؟

أو انه فروتها فيها فراغات على شكل دائره خاليه من الشعر فيها قشور بنيه او سوده أو الجلد متهيج ؟

 

[سارة الورد]

عااادي القطط نفسنا ؟؟؟ انا اقول 99% انة مرض ؟؟ ويمكن السرطان ويمكن تصاقط الشعر

 

[اختي نحيسه]

انا اشوف انه طبيعي يطيح شعر القطوه انا قطوتي يلصق شعرها بهدومي استحاله ما يطيح منها شعر
حتى لاب توبي متروس شعرها

 

[mi corazon]

بنات ترى لا تبالغون

حبيبتي شي طبيعي إن شعر القطوة يطيح

انتي حاولي تمشطين شعرها 3 مرات عالاقل بالاسبوع

ولو كانت صغيره لا تسبحينها ليمن توصل 5 شهور عقب سبحيها مرة كل اسبوعين لا تبالغين ترى قد يكون سبب للتساقط

واهتمي بأكلها لا توكلينها سمج وتونه لأنه يسقط الشعر

حاولي تشوفين منتديات بيطر يتكلمون دكاترة مختصين عن هالاشياء

ولو حاسة ان قلبج مو متطمن روحي دكتور بيطري

ملاحظة: بنات لا تهملون تطعيمات واكل القطوة لأن لو زاد تساقط الشعر ممكن يضرها لأن القطو يلحس جسمه والشعر يعلق بلسانه فلو زادت الكمية راح تتكون كرات شعر " نفس بفلم شريك لو تذكرون" .. ولو تكونت كرات تسد الأمعاء ويحتاج الموضوع تدخل جراحي أو يسبب نفوق وموت القط يكافينا الشر


فا اهتموا وبحثوا بالنت

 

[hello1]

شعرها يستاقد ويلزق بهدومي

بس بحاول اسبحها كل اسبوع

مادري عن موضوع السرطان اول مره اسمع فيه
وما أعتقد في يهيج بجلدها


بس حاليا موسم التزواج وابي قطو حقها منو عندها قطو شيرازي يومين اخذه وارجعه

 

[جمانة الطبيخ]

رد : قطوتي شعرها يطيح

حبيبتي انا اقولج شتسوين اولاد اذا سبحتيها حاولي تشترين الشامبو اللي عند البيطري وضيفي عليه شوي ديتول الاخضر الخاص بالعناية الشخصية
ثانيا حاولي كل يوم اذا نامت قطوتج بليل تمشطين شعرها عشان تشيلين الزايد بدل لا يتساقط
ثالثا بعدي عنها الحليب والسمج فترة لما تستصح
والف سلامه عليها