قطوتي سوسو عادتني !!!!

[Anchor.]

بنلت القطوه عادتني اهي فيها فطريات قاعده اعالجها صارلي اسبوع والحين ايدي فيها فطريات ومابي اقول حق اهلي راح يصرفونها وانا ابيها
عفيه قولولي يروح اللي بيدي وشلون يرووح ؟؟؟

 

[صلو على رسول الله]

كيف عرفتي ان فيها فطريات ترا في وايد امراض جلدية

و كل نوع علاجه يختلف

عن تجربة مع قطوتي الصيدلاني تفلسف و قال فطريات ووصفلي كريم ضد البكتيريا كل ما احط على القطوة يزيد سقوط الشعر جنه نير!!!

و وديته غقب حق البيطري انصدم قال شنو هالدوا ما يناسب نوع مرضها و غيره لي

 

[Anchor.]

لان وديتها بيطري وقالتلي فطريات وعطتني مثل دهان ادهنها كل يوم بسىعادتني ايدي صار فيها مثل فطريات

 

[tnkora]

ويي روحي الطبيب اذا عندج سياره

 

[ZAMessi]

يمااااا انا قطوتي فيها فطريات بعد ياا ويلي
اتوقع لو تستعملين دكتارين لمدة اسبوع يرووح لان رفيجتي هم تعادت و استعملت دكتارين و راح

 

[Moim]

الله يعييييينج

 

[صلو على رسول الله]

بقولج شيء قالي البيطري يقول ان عااادي تستخدمين نفس دهان القطوة المريضة ههههه لكن عقولته يوم شاف ويهي متفاجا خذي من صيدلية البشرية في حال لا سمح الله عدتنا

انا كنت كل عشر دقايق اغسل ايدي و الله بلشة

 

[monaaaay]

اهلين حبيبتي

شوفي انا اتوقع اكثر وحدة عانيت من القطاوة و امراضهم و الحين توتو حبيبي فيه حصى و قالولي ما منه امل و راح يموت
او عملية بس الحمد الله الحين اعطيه علاج و من الصيدليه العادية مو البيطرية هههه

الباكتيريا تخلي الشعر يطيح يصير مكانه جلد و يمكن يتورم

عااااااادي كل قطاوتي مر فيهم بس لا تخلين اليهال يقربون منه و انتي يمكن تحطيله بدون ما تلبسين قفازات


انا البيطري كان يعطيني محلول امسح عالمنطقة و بعدين كريم و في بعد بخاخ ترشينه عالقطو و تفركينه على جسمه كله عقب تسبحينه

بس ترى يطول العلاج

و نصيحة خليه بغرفه بروحة او قفص شوي كبير عشان بس لا يعادي احد


و لا تحاتين اللي فيج يروح

 

[Anchor.]

مشكورين وبجرب اللي قلتو عنه
واي شنو هذا يوم كانت مريضه قلت حق الدكتوره تعادي ؟ تقولي لا لا ما تخافيييييييش
اخر شي ايدي كلها فطريات احس تشوهت

 

[㋡ 3so0oLa ㋡]

الله يعيييينج المفروض تلبسين دسوووس بدون محد يقووولج
انا كنت البس واسويلها كل شي وما اجيسها بدوونه

 

[بحر الياسمين]

يا أخت لازم تروحين لدكتور يشوف يدك ويعطيك مرهم مناسب لك

وحاولي أنك ما تلمسين القطة الحين والبسي قفازات معها

والحين اغسلي يدينك بماء وملح عشان تقتلين البكتيريا واغسلي بصابون ديتول لين يعطيك الدكتور المرهم المناسب

وسلامتك يا غالية

 

[$fdaitny$]

روحي دكتور جلديه لازم

 

[om.aly]

ماتشوفين شر ان شاء الله
اهم شي على طول استعملي ديتول . والفطريات ترى عادي مثل ماتجي فجأة تروح فجأة
لاتحاتين عاديه . روحي لاي صيدليه وخليه يشوف ايدج ويصرف لج علاج .. ترى بعض صيدلانيي ابرك من مليون دكتور
بس لاتاكلين بيدج ولا تلمسين عيونج او حلجج

 

[بطبط نوسا]

وي يا حسسسرتي انا ليما قطوتي صار فيها فطريات حياتي تغيرت فوق تحت
مرهم ولويه وتعب حست قعدت اعالج فيها اكثر من وناستي معاها والحمدالله صارت زينه الحين
هالسالفه قبل سنه .. مثل ما قالوولج البنات لبسي دسوس واخذي كريمات والله يشفيج فديتج

 

[ورده حمره]

انا بعد حالتي مزريه صارت لما حاشتهم الفطريات كلهم ويا بعض بوقت واحد تعبت حييل

 

[متى بتعود]

الله يشفيج