قطوتين بيتنا ^_^

[((البرنسيسا))]

هاااي كيفكم إنشالله بخير

انا احب الحيوانات حيييل لكن مشكلتي إن اهلي يرفظون ​

الحيوانات بالبيت :eh_s(2):​

وصدف إن في قطوة جابت 2 من عيالها عندنا بالبيت و2 بنات ​

كيوت انا حبيتهم حيل ​

وبديت اهتم فيهم ( طبعا من ورى أمي وأبوي :050103nbh_prv: ) لأن امهم ​

تركتهم يعني نادر ماتجي تشوفهم ​

المشكلة الحين إنهم كبرو وبدوا ياكلون مايبون الحليب يشربون ​

شويه منه وأمهم ماتوكلهم كل ماتجيهم ​

تنظفهم وتاكل الأكل إلي حاطينه لهم وبعدها تنام أنا توقعت إنها ​

راح تاخذهم بره بيتنا لكن للأسف تركتهم :s141:​

عندنا ومسؤلية الإهتمام فيهم صارة صعبة علي يعني يوم أوكلهم ​

ويومين لأ مو بيدي لأني صعب ألاقي ​

شي أوكلهم إياه أنا خصصت جزء كبير من مصروفي للإهتمام ​

فيهم بس مايكفيهم ، أنا الحين حيرانه​

ما أعرف شلون أتصرف وياهم ... ، عموما أعرفكم عليهم :​

إلي لونها بني إسمها لي شخصيتها مشاغبة دايما تذكرني بلي يلعبون كرتيه ​

وأسلوبها ما تعطيك حتى تاخذ منك إلي تبيه ومن النوع الي معتمده على نفسها شوي ​

مره إيا عتوي للبيت وتهاوش ويا الأم طبعا لي فزعت لأمها ودخلت معاها المعركة هي لي​

وهي نفس شكل أمها بالضبط بس في النهاية انا تدخلت وطردت العتوي بره البيت​

أما إلي لونها رصاصي بأبيض إسمها ني شخصيتها بس ترجف خوافه وخدامتنا منتقمة منها دايما ترش عليها ماي ​

وأنا بس اتخانق :j013:ويا خدامتنا لمن وخرت عنها هالخبيثه ، للحين حجمها صغير مقارنة بإختها ​

وما تلعب وتلفت النظر مثل إختها تبط الجبد ، أحس إن بنيتها ضعيفه حيل وحاليا انا صابه ​

كل إهتمامي فيها وأشوف بعض التغيرات إلي تبشر بالخير صارت تدافع عن نفسها وهذا اهم شي ​

بالنسبة حقي ​

وهذي صورة لهم ​

​

لكم خالص تحياتي
:33_1185028183:​

 

[اختي نحيسه]

اختي الصوره مو طالعه وبصراحه صعبه نضغط ع الرابط
خصوصا ان مشاركاتج توها والناس طايحين غششش بالاوااادم من يضغطون ع الرابط يروح وطي الجهاز
حاولي ترفعينها بحيث اننا نشوفها من غير ما نضغط ع رابط :d

 

[((البرنسيسا))]

رد : قطوتين بيتنا ^_^

أهلين رفعتلك الصورة إنشالله تطلع عندك

​

 

[shayo0oma]

الصرااااااحه انا ما احب هالنوعيه من القطاوه وفوق هذا قطاوة شواااااااااارع انتي تدرين لمن امهم كانت تيي تنظفهم ع قولتج اكيييد و100\100 امهم فيها امراض وفيها براغيث واكيد هالبراغيث ابتنتقل لهم واكيد امهم بتعاديهم بس صج ما اتوقع ان في احد راح ياخذهم منج بس نصيحه طلعيهم بره البيت او اخذيهم وقطيهم ابمكااااااااان بعيد عن بيتكم لا تخافين القطاوه الحين ما ينخاف عليهم يااااااكلونن:bye22:

 

[((البرنسيسا))]

رد : رد: قطوتين بيتنا ^_^

الصرااااااحه انا ما احب هالنوعيه من القطاوه وفوق هذا قطاوة شواااااااااارع انتي تدرين لمن امهم كانت تيي تنظفهم ع قولتج اكيييد و100\100 امهم فيها امراض وفيها براغيث واكيد هالبراغيث ابتنتقل لهم واكيد امهم بتعاديهم بس صج ما اتوقع ان في احد راح ياخذهم منج بس نصيحه طلعيهم بره البيت او اخذيهم وقطيهم ابمكااااااااان بعيد عن بيتكم لا تخافين القطاوه الحين ما ينخاف عليهم يااااااكلونن:bye22:

أهلين عزيزتي صحيح إنهم قطاوة شوراع بس تربيتي من كانوا صغار

ومتعلمين على الحمام أعزكم الله وبعد يعرفون حزت أكلهم لمن أصفر لهم

أما البراغيث فطمني أنا فاحصتهم مافيهم وأما أمهم فحاليا شبة نهائي تخلت عنهم

أما مسألة إني أطلعهم بره البيت فلو أموت ماراح أطلعهم مره جربت طلعتهم بس طلعوا

وردو البيت ظلوا يخربشون على الباب ويصرخون إلى أن إستسلمت وفتحت الباب لهم

فالصراحة مستحيل أكرر هالحركة لأن يمكن أموت بنفس للحظة ^_^​

 

[ســكره ورديه]

ورب البيت القطو اللي على اليسار نفس قطوي يشبه عمره الحين 11

ياااناسي يهبل ونوعيته يحب يردد الصوت اللي تطلعينه جربي بس اذا كبر
وحركاته تهبل

نفس النوعيه كانت عندي 3 أجيال وكلهم ذكور

الله يحفظهم ويخليهم لك ياااارب

وانا ام قطاوتي اللي معي أول قطوتي كانت من الشارع
دخلت البيت وكانت اليفه وهذولا هم اولاد اولاد اولادها جالسي يحوسون بغرفتي :dddds:

واذا قطوتك تطلع الشارع عادي بس اذا رجعت شوفي اذا فيها جروح مخوش وعقميها
وخذي فوطه مبلوله بشوي مويه وامسحيها فيها عشان التراب والوسخ

وبوسيهم لي:eh_s(3):

 

[ســكره ورديه]

حبوبه نسيت بالنسبه للتغذيه انا واحد من قطاوتي الحين عمره 5 شهور ماكان راضي ياكل لدرجه صار يلهث مثل الكلب من قوة الجوع
خلاص انا قطعت الأمل انه بيعيش

بس امي غطسته في الحليب من قوة الطفش يوم شرب وصار يشرب ويشرب وبعدين صار يدور على الاكل الحين لو تشوفينه صار عنده كرش


فأتوقع ان قطوتك مااكتفت من الحليب حتى لو ماتبي اغصبيها عليه

واشتري لها ويسكس نوعي لهم عشان تسمن

وترا بوجه عام الانثى تجي كاحجم اصغر من الذكر

 

[((البرنسيسا))]

رد : قطوتين بيتنا ^_^

هلا فيك غلاتي سكره وردية

أسعدني ردك وريحني حيل شكررررا


إلي لونه بني إسمه لي واليوم إكتشفت إنه ذكر ^_^!


أما إلي لونها أبيض برصاصي إسمها ني وهي أنثي بس مشكلتها إنها

تشرب شوية حليب وتاكل شوية أنا فاقدة الأمل بس لاأزال أحاول معاها

شكلي بجرب طريقت أمك شكلها أنفع

أما بالنسبة لعناية فيهم فأنا أواجه صعوبة شديدة لأن الوالدة رافضة وجودهم بالبيت

والأكثر تبي تطردهم حتى إني أوكلهم وأهتم فيهم من غير ماتدري

أنا حاليا مكتئبة حيل وما أعرف وين أوديهم تعرفي قطاوة البيت المدللة صعب تعيش

وتعتمد على

نفسها بالشارع علشان جذي أنا أدور على شخص حنون يهتم فيهم

وما راح أطلب أي سعر لهم كل إلي ابيه إنهم يكونو سعيدين

:bye22:​

 

[بريتي كات]

رد : قطوتين بيتنا ^_^

يآآآآآآآيــ أمـووووووت أو أخ ـذهـمـ بس أمي نفس حالة أمـج

 

[((البرنسيسا))]

رد : قطوتين بيتنا ^_^

الله يغير أمي وأمك أدعولنا يابنات

 

[$.. shahooda ..$]

اهلين حبيبتي

ما شاء الله القطاوه حدهم كيوت

إذا تبين احد ياخذهم فأنا ما عندي مشكله اخذهم

واربيهم لأني خبيره بالحيوانات

و إذا اخذتهم بحطهم بعيوني

واهلي ما عندهم مشكله اني اربيهم عندي

ابي اخذهم اذا ما عندك مانع
بس بالأول بتأكد من الوالد اذا اكيد راضي باخذهم

 

[((البرنسيسا))]

رد : قطوتين بيتنا ^_^

​

هلا فيك ~BOSE~

شكرا على الإطراء هم بجد كيوت

تسلم عيونك ريحتيني إذا عندك إستعداد لإهتمام فيهم فيسرني إني أعطيك إياهم

أنطر ردك ^^

:bye22:​

 

[$.. shahooda ..$]

شيكي الخاص يا قلبي

 

[((البرنسيسا))]

رد : قطوتين بيتنا ^_^

اوك وانتي بعد عزيزتي شيكي على الخاص ^^

 

[((البرنسيسا))]

رد : قطوتين بيتنا ^_^

تم إيقاف مشروع تبني قطتين لعدة أسباب أولها ماراح أتحمل فراقهم :eh_s(2):

أما السبب الثاني فالوالد الغالي تبرع إنه يخليهم عندي بعد مناقشة دوليه مع أمي

وشرطهم إني أتحمل كلشي راح يصدر من القطتين وأنا وافقت حدي مومصدقه قبل كم يوم

كانوا رافضين بشدة بذات أمي

أما الخبر التعيس فـ لي طلع من البيت وللحين مارد ادري انه بيرد بس شوي متوترة يعني

تعرفون لمن أهلك يوافقون على شي كان من المستحيل بس تكتشفين إنك ممكن ماتحصلينة

شعورين متناقضين سعادة وخوف ^^


طبعا اول مايرد لي على طول راح ياخذ دش :eh_s(6):



وأنا أعتذر بشدة لأخت ~BOSE~ لأنها تبرعت بأخذ لكن الرياح بما لا تشتهي السفن

وأتمنى إنها التسامحني ما كنت ادري بالي راح يصير وانهم راح يوافقون على إني أحتفظ فيهم

بليز إعذريني وإنشالله تلقين أحسن منهم بمليون مره ( ماقدرت أقولك هالكلام بالخاص لأني إستحيت منك )

 

[فديتـ♥ترابـ♥الكويتـ]

حلآآآآتهم

آآي زين رضــــووو يخلونهم..الحمدالله