قطوتى متسممه شنو الحل ؟؟؟؟

[MELANO]

سلام


قطوتى رشو عليها اليهال من دواء الجرب وتسممت من الخميس اللى فات واهى موراضيه تاكل

تشم الاكل ولا ترضي تاكل

صارلى من يومها اراكض من مستشفي الدهماء اللى مايدرون وين الله حاطهم اروح يقولون عطيها فيتامينات عطيتها ولا اكو فايده

بعدها وديتها لمستشفي الرى 3 ايام ورا بعض يعطونها درب مغذي وبعدين قالولى ماكو حل

القطوه من بعد المغذي صار لها يومين ما كلت ولا شي حتى ماى ماتشرب اللا شوى


شنو اسوى لحقونى احد يعرف الحل مابى قطوتى تموت

عيونها كلها دموع تتألم وتطالعنى وانا مابيدى شي بس اطالعها :0bee2e8d89:

 

[shurooq]

مادري ولا مره صادفتني حاله جذي


بس حاولي اتحطيين الاكل بحجلها تبلعه غصب


انا قطوتي يتها فتره ماتاكل شي وضعفت وايد وكله حزينه



قمت القمها غصب الاكل بايييدي ونقط الماي بحلجها عشان تبلعه


بس الاكله كان معلبات يعني شي ينبلع على طول


واي كسرتي خاطري

الله يعيينج

ويارب تصير زينه وتاكل

 

[MELANO]

يارب تصير زينه


قريت توا بجم منتدى احط لها عسل وروب وماى واكلها بالابره

طبقت اللى قريته والله يستر

يارب ان ماتموت

 

[sweet cake]

شوفي الروب بالنسبه للاوادم ينفع بحالات التسمم.. يعني البيبيات اذا كلو شي وتسممو قبل لا تودينهم للطبيب تعطينهم روب.. بس مادري عن القطاوه واعتقد ان هالحل ينفع انتي وديتيها بيطري وحاولتي وجربتي ما راح يضر لو تعطينها روب.. وتبين نصيحه؟؟ ادعي وكثري من الاستغفار لأن سبحان الله ربي اذا استغفرتي يسهل امورج وييسرها ان شاء الله

 

[سكارف.فوشي]

واي عورتي قلبي
ممممممممممممممم ما عندي فكره بهالموضوع
بس روحي مستشفى رويال واااايد زين ترى ويفيدونج مكانه يم الدهماء

 

[قلم رصاص]

عسى الله يشفيها ويطمن قلبج عليها ان شاء الله

 

[dema Q8]

وديها البيطري اللي بالوفره جبال الاسطبلات في دكاتره ايطاليين هناك هذولا الفلبن بروحهم يبيلهم علاج

 

[semony]

واعطيها ابره اتروبين

مااعرف اذا لها اسم ثاني عندكم بس هي للتسمم

والله يستر ويشفيها يارب

 

[lojeeen]

وديها مستشفى رويال يسوون لها تحاليل و يعرفون اشفيها
الري و الدهماء حق الأشياء البسيطه بس مثل حاله قطوتج افضل تودينها رويال و اهو لازق بالدهماء
سعره غالي بس يبرد القلب

 

[MELANO]

تونى راده من رويال ماشاء الله المستشفي مافى كل الدكاتره فل مافى حجز لى باجر

قلت خل امر مستشفي الرى محاوله اخيره

الدكتور الفلبينى اللى هناك عطاها ابرتين لتنشيط الكبد وتنظيفها وابره فيتامينات وعطاها مغذى وقالى لمده 3 ايام بنستمر على هالابر والمغذى


وقالى احتماليه انها تعيش خمسين بالميه

وان شاء الله خير

بس حدها هالمره تعبانه وتصيح خايفه عليها

 

[MELANO]

مستشفى رويال معروف وخصوصا دكتور مارتن انا رايحه مخصوص علشانه

بس المشكله لازم حجز وانا غلطت طقيت مشوار ولا حجزت بشوف باجر اوديها بس ما ادرى اكمل مع مستشفي الرى والا احول على الرويال اشرايكم ؟؟

والا انطر لما يخلص علاجها مع الرى واروح للرويال مره ثانيه ؟؟

 

[shurooq]

والله يالغاليه مادري

البنات يمدحون رويال


الري انا اجربها بس على الفحص وقص الاظافر اللي بين فترة وفترة


ولي مرضضت قطوتي وسخنت وديييتها



جربي روويال دام انها تعبانه حيييييييل

 

[MELANO]

اى والله امس كانت حيل حيل حيل تعبانه يا قلبي عليها وزنها وصل 1.84 كيلو

طول الليل وهى نايمه وماتحرك من عقب الابر والمغذى بس الحمد لله الصبح كانت حالتها احسن

رحت الرى وكملت العلاج قالى الدكتور رغم ان وزنها نازل عن اول امس كانت 2 كيلو تخيلو

حالتها احسن بس هم ماتاكل مع انها بالمستشفي كلت نتفه من الاكل السمك مع انها ماتحبه بالمره

 

[shurooq]

عادييي


بطلي حلجها ولقمييها لقمتيييييييين تبلعهم غصب عشان تتصحصح شوي


وان شا ء الله اطييب بسرعه مع العلاج

 

[q8_cheery]

الله يشافيها

 

[الكرزي]

حق الحالات الصعبة حبيبتي روحي رويال علاجهم ممتاز ويهتمون وايد صح غالي بس ترتاحين لم تستلمين قطوتج من عندهم رادة صحتها
وان شاء الله مافيها الا العافية

 

[om norha]

الله يشفيها يااااااااااااااااااارب طمنينا عليها

 

[الغرور مايخليني]

الله يشافيها

 

[MELANO]

استمريت بالعلاج مع مستشفي الرى ولا شفت اى تحسن بالعكس الوضع اسوء حتى امس كان المفروض اخر ابره مغذى لها خلو الابره برجلها

اليوم وديتها مستشفي رويال قالولى المفروض التسمم يكون راح من جسمها وانها تستجيب للعلاج لكنها رغم علاجات مستشفي الرى ما استجابت

طلبو منى اخليها عندهم يومين وبيسوون لها تحاليل دم ويخلونها على المغذى واحتماليه نجاتها قليله

وان شاء الله تعالى ربي يشفيها مع انى ما اتوقع انها تعيش بس والله مستعده ادفع وادفع بس تعيش

وابي ربى يسامحنى ياربى خليتها مع اليهال يلعبون والله انى خايفه انى اكون كسبت ذنبها وان ربي بيعاقبنى على اهمالى لها