قطوة مسكينة

[lawyer-4ever]

هاي بنات شلونكم حبيت استفسر عن شغلة
و ياريت البنات الخبرة بتربية القطاوة يجاوبوني
انا ابي اشتري قطوة مو هني المشكلة :tomato2:
المشكلة ان ماعندي مكان احطها فيه شرايكم شسوي يعني تكرمون احطها في الحمام عادي ولا بالحوش بس اخاف عليها
ياااااااريت تفيدووني خاصة اني مفكرة اشتريها من زمان بس مشكلة المكان اهي اللي موقفتني :eh_s(11)::eh_s(11)::eh_s(11):

 

[قطوه ورديه]

خليها معاج بغرفتج

 

[AmOoNa-]

مايصير تخلينها بالحمام ولا بالحوش القطوه حيوان اجتماعي اذا بتحبسينها بالحمام مثلا اول شي حرام ثاني شي راح تتوحش واذا حطيتيها بره بتصير هايته حالها حال قطاوه السكه ويمكن تنحاش وماترد

 

[قطوه ورديه]

عدل كلام امونه
شوفيلج حل ولا لاتشترين
دبري روحج
وانشالله تلقين حل

 

[miley]

السلام عليكم شلونج شخبارج ..
اقترح عليج تسوين لها زاوية بغرفتج يعني سلتها اللي تنام فيها وتحتها فرشة وخليها تتمشى بالبيت
والاكل حطيه بالمطبخ وتكرمين حمامها حطيه بالحمام او ممر او اي مكان محد يدشه وايد
واشتري صندوق البلاستيك او اي شي وحطي اغراضها فيه وخشي تحت سريرج
اتمنى اكون افدج واذا شريتي صوريها ووريني الصورة
مع السلامة .

 

[غلاي غير]

لا مو زين بالحمام وين قاعدين

والحوش برد وتصير هايته

وشلج بالقطاوه ما ادري شي شخصي ما احبهم احس كلهم مراضى

 

[قطوه ورديه]

حبيبتي غلاي غير قطاوة البيت غير عن
قطاوة الشارع هذيلا صج اقول عنهم وصخين
وفي تطعيم وكل شي لهم

 

[شندوخه]

اي والله نفس حالتي مادري وين احطها المشكله امي وسواسيه من ناحيه النظافه وماتبي تصعد فوق عندها ومستحيل احطها بداري ماراح ترضى
شالحل ؟

 

[miley]

لازم اتكون بغرفتج عشان تتعلم منج

انتي اول شي خليها بغرفة الملابس او السرداب او المخزن

وشوي شوي مرة حطيها بالصالة ومرة بالممرات تتمشى جذي لحد ما امج تتعود

وبتخليج تحطينها بغرفتج ولازم تكونين معلمتها على الحمام عزكم الله

 

[lawyer-4ever]

قطوه ورديه
كنت مفكرة والله بداري بس وايد ناس خوفوني من هالسالفة

AmOoNa-
اي عشان جذي ماشريت خايفة عليها واهي بذمتي بعد

miley
هلا حبيبتي مشكورة عالرد وااايد فادني صراحة خوش فكرة وشكلي بخلي سلتها بداري وحمامها بخليه بالحمام
وانشاالله بس اشتريها بصورها عشان تشوفينها
بقول حق امي عن الفكرة وانشالله توافق :ggdw:

غلاي غير
شكرا عالمشاركة ومثل ماقالت قطوة وردية قطاوة البيوت غير اعرف وايد ناس مربين قطاوة ومشالله جنهم البخت :dddds:

شندوخه
ويييييه انتي مثل حالتي :0bee2e8d89:
الله يعين امهاتنا عالحنة بتشتغل شكلها من اليوم لووول

والاخت miley فادتج بس في نقطة قالتها لازم نعلمها عالحمام ياريت تكمل الجميل وتقول لنا شلووووووون :eh_s(10)::eh_s(2):

ومشكوووووورين عالردود :eh_s(8)::eh_s(8):

 

[AmOoNa-]

اي بنات والله اذا ماعندكم مكان حقها لاتشترون احسن تدرون ليش لانه ماراح تستفيدون شي ان حبستوها بحمام او مكان جذي بتتوحش ماراح تقدرون تستانسون ولاتلعبون معاها وان حطيتوها بره بتصير وصخه وهايته وتيب الامراض ومتوحشه ويمكن احد ببوقها

 

[lawyer-4ever]

اي اكيــــد AmOoNa- انا عشان جذي صارلي سنة مفكرة اشتري وللحين ماشريت خايفة عليها
ومشكورة عالمرور :eh_s(6):

 

[قطوه ورديه]

اشترو هامستر
كاءن لطيف ومسالم ويستانس بقفصه الصغير (اسوي دعايه لووول

 

[lawyer-4ever]

لا ما احب الهامستر مع ان شكله كيووووت بس اخاف منه لوووول

 

[سكارف.فوشي]

خليها تحوس بالبيت على راحتها والمكان الي يعجبها تستقر فيه لووول وامج راح تحبها صدقيني امي بالبدايه كانت جذي بعدين حطيتها امام امر الواقع انصدمت بعدين استانست قامت تلعب معااااه

 

[قطوه ورديه]

اي صح كلامج
انا زوجي مستانس على الهامستر بس بنفس الوقت خايف

 

[lawyer-4ever]

سكارف.فوشي عجيبة انتي بس خوفج اشتري وينحذف بالسكة لوووووول
لا انشالله بحااااول كثر ما اقدر ادبرها

قطوة وردية شكلة الهامستر ونيس لوول الله يخليه لج :eh_s(6):

 

[daloo3ah]

لوووول انا مع قطوه ورديه .. خلكم من القطاوه واخذوولكم هامستر هم توفير مكان هم ماله داعي تسبحينه هم ماله داعي بيطري كككككككك وعفسه
بس والله هم القطاوه عسل انا بخاطري ميته ميته اششتري بس امي وابوي حددددهم رافضين الفكره وشايلينها من بالهم يقولون متى ما رحتي بيت ريلج روحي ييبيلج 60 الف قطوه حطيها معاج كككككككككككككككك شـــعقبه !! اربي القطوه ولا اجابله @@

 

[miley]

سوري والله تأخرت توني اشوف ردج
انا اقولج اشلون اتعلمينها على الحمام
مثل ما انتو عارفين حمام القطاوة اهو كرتون او سلة او اي شي يسهل استخدامه تحطين فيه رمل تلقينه بالجمعيات مخصص للقطاوة ويشفط الريحة ..
اول ما تشترين القطوة حطيها بهالرمل (( حمامها)) وخل تشمه هذي اول خطوة عشان تعرف
بعدين لما توكلينها وتخلصين وديها الحمام على طول وقعديها على الرمل واول ماتسويها تجيبين مثل الملاس مادري شسمه
او الشبل عشان اتشيلين الفضلات لان القطو مايحب المكان الوصخ وراح يسويها بأي مكان بالبيت وانتي حاولي تخلين
حمام القطوة مكانه قريب وتشوفه بسرعة ومايصير تشترين قطوة بدون ماتكونين شارية اغراضها اللي هي مكان النوم
والقفص والحمام والاشياء هذي ..
اذا في سؤال انا بالشوفة بس السموحة امتحانات وما اقدر اشبك اتمنى اكون افدتج مع السلامة

 

[lawyer-4ever]

لوووول انا مع قطوه ورديه .. خلكم من القطاوه واخذوولكم هامستر هم توفير مكان هم ماله داعي تسبحينه هم ماله داعي بيطري كككككككك وعفسه
بس والله هم القطاوه عسل انا بخاطري ميته ميته اششتري بس امي وابوي حددددهم رافضين الفكره وشايلينها من بالهم يقولون متى ما رحتي بيت ريلج روحي ييبيلج 60 الف قطوه حطيها معاج كككككككككككككككك شـــعقبه !! اربي القطوه ولا اجابله @@

هلا daloo3ah
انا ماحب الهامستر أخاف منه مع ان شكله كيــوت
والله يعينج على امج نفس كلمة امي بالضبـــــــــــــــط !!!!
بس الحين قاعده اساحيل فيها وانشالله المنال قريب لوول