قطعت علاقتي وارتحت

[سعادة قلبي وياه]

صباحكم بنات وحشـــتووووني

شخباركم مع المنتدى للحين تداومون وتدخلونة ولا خلاص لاهين مع
البرامج اليديده اللي على التلفون انستقرام وواتس اب وتانقو وغيره

اتمنى اتواصل معاكم مثل قبل لاني صج محتاجة صديقات متزوجات فاهمين وااعين
فاقده الصديقات والأخوات والله ...




الموضوع اللي كان ودي اطرحة عليكم مابي اقول ان اللي سويته صح او غلط
او استشيركم انا الله يعلم فيني ليش سويت جذي قطعت صلتي بأهل زوجي كلهم

وفعلا ارتحت عن المشاكل صارت حياتي حلوة وهادئة من غير مشاكل قبل فالشهر مره مرتين ثلاث
عشررر مرات كله مشاكل لكن قطعت الحبل وارتحت من المشاكل

بسسس اللي مضايقني وجودي معاهم بالبيت مسبب لي ضيقة قبل كنت اروح اسلم واجلس واسولف بس شسوي لو هم مو متقبليني ولا يبوني صرت بس اطلع من غير ماادخل واسلم عليهم

بس افكر الى متى على هالحال قرب رمضان ومايصير جذي يعني على هالحال اخاف زوجي ياخذ قكرة سيئة عني ولو ان الحق معاي واهو الوحيد اللي يدري شكثر عانيت منهم

بس انتظر الفرج اطلع بسكني اللي للحين ماجهز ..


علموني وخبروني شلون شسوي الى متى وعن رمضان شلون ادري بتقولون بسيطة روحي وسلمي وعادي بس المشكلة ماقدر المشكلة صعبة وصعبة وايد واهم مايبون اشوفوني يبون يشوفون بس العيال وزوجي انا مايبون اشوفوني لا تسألون عن السبب حسبي الله ونعم الوكيل كل اللي احاتيه رمضان مابي احد حاقد وشايل بقلبه علي


الناس صارت ماتحب الناس لوجه الله الا بالهدايا والعطايا والفلوس مثل حبهم للعطايا ودهم اصرف عليهم وبس ....

مدري شلون اوصل لكم بس حياتي الحمدلله ماشي ولله الحمد وحلوة من غير ازعاج ومشاكل وابتعدت عن القيل والقال والا صار والا سوت ولا ولا قطعت هالحبل وارتحت شهر بس ضيقة فيني :eh_s(16):

نصحوني قولولي خلاص ابتدي حياه يديده من غيرهم ولا شنو

 

[لذه السكر]

قعدي بشقتج مولازم تنزلين وتجاملين

حته رمضان نزلي اول يوم سلمي عليهم وقعدي شوي وصعدي خلي زيارتج رسميه لبسي وكشخي واخذي معاج حلو

ونزلي باليوك اند او يوم الزواره نفس الشي بشكل رسمي

تخيلي انج عايشه بره شلون بتكون زيارتج لهم ؟ وخلي عيالج وريلج ينزلون كيفهم بس انتي مو ملزومه ولا اهم رحمج لازم توصلينهم ..اللهم مجرد مجامله حق ريلج

خلج خفيفه واذا ريلج عادي عنده احسن بعد

 

[ملح الكون]

لا تنزلين .. دام مشاكل ..الباب اللي يجيك منه ريح سده واستريح ..

 

[Aloe Vera]

نزلي اول يوم سلمي بطريقة رسمية و بس روحي شقتج مافرق رمضان عن الايام العادية

 

[عاشقة هواك]

حياتي احنا موجودين افا عليج وهذا اكاونتي بالاستغرام حياج الله makeup_89 والله انا حاسه فيج اهل ريلي يصيرون لي ولد خالي انا ماخذه وماكله تبن حشاج من اهل ريلي بكل شي يتدخلوني بحكم اني حاله خاصة وعندي اعاقة وتقوس بالظهر ماقدر اشيل بنتي واجابلها يتدخلون بشكل ما تتصورين لما قصيت شعر بنتي تهاوشوا مع ريلي بكيفك تقص شعرها والحين يبون يقضون اذن بنتي توها صغيره وانا امها مو راضيه يبون يقضون اذنها غصب شقولج بس الله كريم الله موجود يآخذ حقي منهم انا قبل يوم كنت حامل ماقدر اصعد شقتي كل يوم حماتي تسوي لي مشاكل خلتني ابجي الي بغيت اموت من البجي تطنزت علي وعلى اختي بس شقولج مع هذا ريلي كله يدافع عنهم تدرين كل الريايل جذي ما يرضون على اهلهم لو شنو يغلطون ويهينون زوجته اهم شي امه اهيا الي صح وزوجته الي غلط

 

[سعادة قلبي وياه]

عاشقة هواك فكرت بس انا عندي مشكلة بهالامور طلعتي انتي بعد اخس مني الله يصبرج ويعينج

 

[Maryam]

اهم شي راحتج
وﻻ تغلطين على احد و عيشي حياتج

 

[الجادل الخشف]

انا مثلج بالضبط قطعت العلاقات سنتين ماطبيت بيتهم والحمدلله مرتاحه بالبدايه كان زوجي مومتقبل بس الحين تعود لان اهو ارتاح بعد والله يبعد عني مشاكلهم ويشغلهم بنفسهم وانتي خلج بعيده عنهم واول يوم رمضان نزلي باركي الشهر لو بس ساعه لاطولين

 

[عاشقة هواك]

عاشقة هواك فكرت بس انا عندي مشكلة بهالامور طلعتي انتي بعد اخس مني الله يصبرج ويعينج

بعد عمري والله انا حاسه فيج لاني صج الفترة الاخيرة وايد تأيت من حماتي بكل شي تتدخل بس الي تعلمته اني ماقول لهم كل شي معني انا على نياتي اسولف واقول كل شي بس تعلمت اني احط حد اني ما اخذ واعطي وياهم عشان اتجنب المشاكل بس عيب ريلي يروح يقول لها ما يخش على امه شي وبسرعة ينتشر بالعايلة كلها قمت اخش على ريلي وما اقول لها لان خصوصيات ماكو كل خطوه اسويها امه تروح تنشر بس ناقص تحط الخبر بالجرايد ههههههههه

 

[Stylista_Q8]

لا تنزلين لهم ، إلا اللهم أول يوم رمضان باركيلهم ووجبي وبس بعدين عيشي حياتج طبيعية مثل الحين
بعيدة عن المشاكل ولوية الراس

حياتي احنا موجودين افا عليج وهذا اكاونتي بالاستغرام حياج الله makeup_89 والله انا حاسه فيج اهل ريلي يصيرون لي ولد خالي انا ماخذه وماكله تبن حشاج من اهل ريلي بكل شي يتدخلوني بحكم اني حاله خاصة وعندي اعاقة وتقوس بالظهر ماقدر اشيل بنتي واجابلها يتدخلون بشكل ما تتصورين لما قصيت شعر بنتي تهاوشوا مع ريلي بكيفك تقص شعرها والحين يبون يقضون اذن بنتي توها صغيره وانا امها مو راضيه يبون يقضون اذنها غصب شقولج بس الله كريم الله موجود يآخذ حقي منهم انا قبل يوم كنت حامل ماقدر اصعد شقتي كل يوم حماتي تسوي لي مشاكل خلتني ابجي الي بغيت اموت من البجي تطنزت علي وعلى اختي بس شقولج مع هذا ريلي كله يدافع عنهم تدرين كل الريايل جذي ما يرضون على اهلهم لو شنو يغلطون ويهينون زوجته اهم شي امه اهيا الي صح وزوجته الي غلط

حبيبتي الله يعينج، الله يمهل ولا يهمل



والله يفرجها عليكم بنات

 

[نـعـومـه]

شوفي بصراحه انتي مرمجبوره فيهم !!!

شحقه تعذبين عمرج عشانهم دام سولج مشاكل !!! حبوج كرهوج بطقاق راحتج اهم وراحه زوجج وعيالج اهم دام انتي ماظلمتي احد !! بالعكس دام حاولتي القرب وصرتي طيبه وزينه هم سولج مشاكل خلاص يولون صيري رسمي بس اهم شي لاسمح الله احد فيهم مرض شي زوريه زياره المريض واجب

رمضان زوريهم سلمي شوي وطلعي

العيد زوري عايديهم وطلعي وبس اما يمعات ولويه دام ماوراها الا المشاكل لاتروحين دام مشاكل

 

[بسم الحب]

شوفي بصراحه انتي مرمجبوره فيهم !!!

شحقه تعذبين عمرج عشانهم دام سولج مشاكل !!! حبوج كرهوج بطقاق راحتج اهم وراحه زوجج وعيالج اهم دام انتي ماظلمتي احد !! بالعكس دام حاولتي القرب وصرتي طيبه وزينه هم سولج مشاكل خلاص يولون صيري رسمي بس اهم شي لاسمح الله احد فيهم مرض شي زوريه زياره المريض واجب

رمضان زوريهم سلمي شوي وطلعي

العيد زوري عايديهم وطلعي وبس اما يمعات ولويه دام ماوراها الا المشاكل لاتروحين دام مشاكل

معها في كل كلمه أهم شي تكونين مرتحه :eh_s(17):

 

[shak!shoka]

اتوقع من كلامج مالج مدخل بروحج يعني لازم بالطلعه و الرده ماره عليهم

استعيلو بسالفة الطلعه من بيت الحموله لان هذا الحل الوحيد

لان صععععبه انتي ساكنه معاهم و مدخلج معاهم وما تسلمين ! اقل شي خالتج مو معقوله تمرين جدامها ولا كلمه


ما ادري شنو مشكلتج معاهم بس حني على زوجج و طلعي باسرع وقت لان وجودج بالبيت بهالوضع بحد ذاته مشكله


وبالنهايه الزم ما عليج ريلج اذا مرتاح و انتي مرتاحه خلاص محد يطالبج شي

 

[rose2012]

مو مجبورة تغثين نفسج زوري رسمي مع زوجج خليه موجود عشان يحترمونج اكثر وبس طلعي

 

[مريم العذرآء]

اذا مو قادره تتقبلينهم مو مجبوره تجبرين نفسج حدج سلام وكافي جذي تكونين ماقطعتي الرحم بينج وبينهم على الاقل لمن تطلعين فبيت بروحج يتذكرونج بذكره حلوه مو هواش ونجره وتكون زيارتج خفيفه عليهم ويصيرون يشتاقولج

 

[سعادة قلبي وياه]

الحمدلله قسمي خارجي مامر عليهم ابد هذي اللي مريحني اكثرررر

 

[فتاة الكوخ]

الله يسعدك اختي ويوفقك
انا رايي مدام عندك سكن يتجهز تصبرين لحد ماتنتقلون له وخليه عذر لك انك مشغوله وبعيد عنهم مو عشانهم عشان زوجك مايحس باحساس مو حلو

 

[keka89]

البنات ماقصرو سوي مثل ماقالو نزلي اول يوم برمضان سلمي عليهم واخذي حلو اكلو كلكم وبس لاتكثرين سوالف معاهم جد صراحه في ناس احسن شي انك تحاربهم وماتكلمهم كلش

 

[مذهلة2013]

نزلي لهم كل فتره وفتره واقعدي عالاقل عشان زوجج عالاقل
دام اهم مومتقبلينج انتي مالاداعي تتقبلينهم بس عالاقل عشان ريلج
وحاول تطلعون من البيت بأسرع وقت

 

[البارونـه]

حبيبتي انتي فيج الخير تفكرين بهالطريقة
حتى لو مايبين بعينهم بس مايصير يدخل رمضان وقلوبكم شايله على بعضها
انا بقولج تنازلي صدقيني انتي بترتاحين وبتكبرين بعين زوجج واهم شي عشان صيامج، ليلة رمضان طرشي لهم شي مع الخدامه
ويكون عليه كرت ( مبارك عليكم الشهر ، فلانه) او حتى لو مسج وانه رمضان داش ولاحد يشل بقلبه علي وانا من ناحيتي مسامح الكل لوجه الله
واول يوم بعد التراويح نزلي سلمي عليهم مع زوجج
من يبدا الوضع يتوتر او يمصخ ركبي فوق على طول بدون ماتغثين نفسج