قطر

[طوق البنفسج]

السلام عليكم


بنات الله يعافيكم بغيت معلومات عن قطر الاماكن السياحيه الفنادق الشقق الفندقيه

الي راحت اتفيدني الله يعافيكم

لا تقولون موقع المسافرين العرب اعرفه ابي من خبراتكم و تجاربكم

ميرسووو مقدما

 

[الفرحه السجينه]

الللي اسمعه ان قطر مافيها شي والمجمعات والاماكن قليله وما تسوى العنوه وملللل .. وعلى فكرة قبل كنت مشتطه بروح هناك بس ناس راحوا لها وما مدحوها لي ة قريت بموقع المسافرين انها غاااااااليه بشكل مبالغ فيه خصوصا السكن والفنادق

 

[تفاحتي]

الللي اسمعه ان قطر مافيها شي والمجمعات والاماكن قليله وما تسوى العنوه وملللل .. وعلى فكرة قبل كنت مشتطه بروح هناك بس ناس راحوا لها وما مدحوها لي ة قريت بموقع المسافرين انها غاااااااليه بشكل مبالغ فيه خصوصا السكن والفنادق

الي سمعتيه مو صحيح اختي العزيزة
المجمعات والاماكن السياحيه صارت من افضل واقوى بالخليج كله
وبشهاده الجميع
وكثير من نجد بنات وعوائل من الكويت موجوده خصوصا بالاعياد
بالنسبه للاسعار كل مكان غالي

 

[تفاحتي]

السلام عليكم


بنات الله يعافيكم بغيت معلومات عن قطر الاماكن السياحيه الفنادق الشقق الفندقيه

الي راحت اتفيدني الله يعافيكم

لا تقولون موقع المسافرين العرب اعرفه ابي من خبراتكم و تجاربكم

ميرسووو مقدما

هلا حبيبة قلبي طوق البنفسج
وصلتي خير
اختج "تفاحتي" من دولة قطر

بالنسبه لقطر هاليومين خاصه فيها ازدحام كبير جدا تعرفين دورة الاسياد !
بالنسبة للفنادق عندج افضل فندق
هو الريتز كارلوتن رائع

كذلك الفور سيزون وااااااو
و فندق انتركونتننتال الدوحة:

بالنسبه للمجمعاااااات
حدث ولاحرج
عندج الستي سنتر
والرويال بلازا راقي جدا
الحياة بلازا ممتاز كذلك
اللاند مارك
الصالون الازرق راقي كذلك ماركات عالميه
في مجمع جنب الحياة بلازا بتذكر شسمه جديد ورائع
على حسب علمي كل البضائع الي تنزل اوربا بنفس الوقت تنزل بمحلاته - جديد
الســلام بلازا - مشهور وفيه ماركات ايضا احبه
والكثير خليني اتذكر وارد لج واي استفسار انا حاظرة
وحياج الله بأي وقت اختي الغاليه

 

[supermarket]

ماشاء الله

وشنو الاماكن الشعبية والتراثية ؟

 

[تفاحتي]

ماشاء الله

وشنو الاماكن الشعبية والتراثية ؟

هلا حبيبه قلبي

وايد اماكن تراثيه
في القريه الترائيه بالكورنيش جميله جدا للسياحة ودايما ماتلقين الانشطه فيها بنهايه الاسبوع

في سوق واقف سوق قديم لكن تم نطويره بشكل تراثي رهيــــــــــب :eh_s(9):

موقعه الالكتروني
http://soukwaqif.com/
في مدينه جاري بناءها راح تكون للتراث والفنون

وفي متحف قطر كذك شعبي

خليني اتذكر وارجع لج

 

[تفاحتي]

مواقع الفنادق في قطر
حاولت اجمع الاغلب


فندق ريتز كارلتون
http://www.ritzcarlton-doha.com

فندق شيراتون
http://www.sheraton-doha.com

فندق ماريوت
http://www.marriott-doha.com

فندق موفانبيك
http://www.movenpickdoha.com

فندق ميركور السوفيتيل سابقاً
http://www.mercuredoha.com

فندق رمادا
http://www.ramada-doha.com

فندق ريدجز
www.rydges.com

فندق مروب
http://www.mer***-hotel.com

الانتركونتنتل
http://www.doha.intercontinental.com

فندق رجنسي
http://www.hotel-regency.com
تفضلي

 

[دلع قطر]

ياهلا ومرحبا فيكِ يالغاليه وراح تنور قطر والله ..



البلد صايره متحضره وعشان اسياد الالعاب الاولمبيه بعد ..

وبالعكس الكثير يزور قطر لطيبه شعبها والوناسه ولوجود اقارب ايضا ..

وبالنسبه للغلاء هذا شي أول مره اسمعه ..

وبخصوص اسواقنا :

1-سوق واقف :هذا سوق قديم وفيه الجلابيات والملافع والقحافي والغتر والقطع وكل شي تراثي وحلو ورخيص ) ..

2- سوق الأحمد : يضم دورين فيه المفارش والملابس الجاهزة والعبايات والجلابيات والالكترونيات والبخور وغيره ..

3- سوق فالح : خاااااص للعبايات والشيلات منها الجاهز والتفصيل ..

4- سوق العسيري : فيه الخامات والقطع الحلوة بس اغلبيته اسعاره جيدة ..

5- سوق الديرة : شامل القطع والخامات فقط غالي ومناسب .

6- سوق الجبر : هذا شامل عزك الله للاحذيه عباره عن دورين وفيه ملابس اطفال سوريين ومحلات للملابس الجاهزة والاكسسوارات ..

7- محل الرونق : هذا فيه الزيجات من دانتيلات وازرة وكل مايناسب الشعر والعاب اطفال الرخيصه واذا عندك ملابس تبين تزيينها بالاكسسوارات عنده وباسعار رخيصه ..

( للعلم هذه الاسواق جنب بعض تطلعين منها وتدخلين بالثاني )

نجي للمجمعات :

1- ستي سنتر ( كل ماتحتاجينه وبأسعار مناسبه ) ؟

2- الاند مارك .

3- الرويال بلازا .

4- الحياه بلازا .

5- سنتر بونت .

6- المول .

واغلبيه المحلات مكرره في هذه المجمعات وهي محلات ماركه وغيره ..

وشوفي اختي ترى اسعارنا حيل حلوة وان شاء الله تلاقين اللي يناسبك ..

بالنسبه للراقي : بالمجمعات بس في اشياء حلوة بالاسواق اللي ذكرتها ..

وانا حاضره للرد ع اي سؤال ويامرحبا فيكِ

 

[دانــــه]

يكفي قطر أنه أهلها يحسسونك أنك بديرتك وبين أهلك

ويكفي الأمان اللي فيها



وهذي قطر أرض المهرجانات والاحتفالات



وأنصح بزيارة منتجعات مسيعيد ومنتجع الغاريه ومحمية الشحانيه ومحمية الغويريه

 

[طوق البنفسج]

مشكوورين يا بنات ماقصرتوا

بغيت اعرف عن الشقق الفندقيه اليتكون بالسنتر و نظيفه

 

[رقي]

انا رايحه قطر مليون مره
لانه بنت خالي ماخذه قطري
وكله نروح لها اخر مره رحت لها العام بعطلة العيد الوطني
احنا دايم نعقد في ماريوت
وايد حلو
عندج شيراتون
اسواقهم لوعه
بس في سيتي سنتر كبير فيه عبي وايد
وفيه جاب
وعندج في الريتز كارلتون في فيلا مودا
وفيه مجمع كبير اسمه حياة بلاس هم حلو
مطاعهم ماعرفها لانه نكون في بيت بنت خالي
واي شي تبينه انا حاضره
واذا بغيتي شي قوليلي اقولهم يمكن يفيدونج

 

[تفاحتي]

احدث الشقق الفندقيه في دولة قطر، اذ ان افتتاحه لا يتعدى الشهر ..

يقال من الذين زاروه انه افضل الشقق الفندقيه في قطر من حيث النظافه والخدمه والغرف.

اسمه ( رتاج ريزدانس)

صورة منه

هو اربع نجوم

ورقم تلفونهم : 4553333/00974
وعندهم الشقق
1/ غرفتين + صاله + حمام + مطبخ
2/ غرفه + صاله + حمام+ مطبخ

اسعارهم في عيد الاضحى :

سعر الغرفتين 750 ريال + 17%
سعر الغرفه 550 ريال + 17%


وببحث لج عن شقق اخرى​

 

[New Mum]

يبيله قطر
يسلمو بنات على هالمعلومات المفيده شوقتونا

 

[طوق البنفسج]

يسلموو بنات

نيو مام افا عليج حيا معانا يمكن نروح عطله العيد

 

[bambena]

انا رحتلها يومين خلصت كل المجمعات وفيها الكورنيش فيه مطاعم وبس
ونيسه اهلها حبوبين

 

[bambena]

واسواقهم الشعبيه اتينن حيل ونيسه

 

[طوق البنفسج]

ممم اشلون الجو عندكم هالايام حر ولا برد مثلنا تلبسون شتوي؟

 

[رقي]

ترا حر عندهم
احنا يينا من الكوبت مشتيين متنه حر

 

[تفاحتي]

ممم اشلون الجو عندكم هالايام حر ولا برد مثلنا تلبسون شتوي؟

بـــــــــــــــــــــــررررررررررررررررد

الخليج كله برررررد
وامطار الخير من يومين ماوقفت
تقريبا الحرارة الصبح 10
وبليل 8
برد موطبيعي
دفي نفسسسسسسسج عددددددددددل

وتنورينا يالغاليـــه

بخصوص الفندق- الرقم عطيتج اياه-
يالت تحجزون من الكويت قبل لان زحمة مو طبيعيه وخصوصا بالاعياااااااد

 

[تفاحتي]

ترا حر عندهم
احنا يينا من الكوبت مشتيين متنه حر

@@
متي حر مافرق بين قطر وكويت غير ساعه بالطيارة
نفس الجو مايختلف !

هالوقت جدا جدا باررد
اكيد جيتي بالصيف عيل:eh_s(3):