قطرات دم فالشهر التاسع

[Miss Unique]

السلام عليكم ورحمة الله وبركاته

هلا عضوااات اشحالكن ...

بس حبيت اسفسر انا فالاسبوع الثاني من الشهر التاسع ... اليوم الله يعزكم نزل قطرات من الدم هل له ضرر ؟؟؟

 

[الجوهرا]

روحي شوفي يمكن ولاده والرحم مفتوح
الله يسهل عليج

 

[Gifts&Occaions]

ماعندي فكرة

 

[يارب احفظ عيالي]

اختي ليش قاعده لازم تروحين المستشفى يمكن ولاده اوشي ثاني بس لازم تروحين اختي صار فيها جذي وكنت اقولها روحي المستشفى واهي مطنشه عقب شوي الا يصب الدم منها صب طلعت المشيمه منفصله وآخر شي ولدوها قيصري لاتهملين نفسج

الله يسهل عليج يارب

 

[Perfume]

حبيبتي لازم تروحين المستشفى

 

[روح الأحزان]

حبيبتي روحي الطبيب عشان تطمأنين

 

[عاقلة بجنون]

ايه لازم تروحين المستشفى

وعادي ماكو شي يخوف يمكن ولادة الله يسهل عليج

 

[@ام يوسف@]

ان شاء الله ولاده والله يسهل عليج ولازم تروحين تفحصين

 

[تحبني ولا ...]

الدم هذا نوع من انواع الطلق


مرت حماي نزل عليها شوية دم وطنشت ماراحت الطبيب ثاني يوم نزل زياده ولما راحت الطبيب طلع الرحم مفتوح ٤ سانتي ودخلوها ولاده



والدكتوره قالت لها الطلق انواع في دم وفي طلق صخونه وترجيع وطلق ماي ينزل على حسب



طولتها عليكم



الله يسهل عليج يارب

 

[حرم حبيبي]

يمكن ولاده