شموخ
New member
- إنضم
- 3 فبراير 2005
- المشاركات
- 437
- مستوى التفاعل
- 0
- النقاط
- 0
رجـع يسـأل عـن أخباري بعـد غيبـة سنـه وشهريـن
رجـع شايـل وجـع صـدره وقـال : أرجوك واسينـي
رجــع كـنـه يحسبـنّـي سعـيـد بدنيـتـي أو زيــن
واهـو ما يدري الدمـعـه لــو إتراخـيـت تسريـنـي
دمع... هل الوجع .... كنه جمع فـي غيبتـه جرحيـن
وأنا عينـي بـدت تـدمـع عـلـى حـزنـه وتبكيـنـي
يقـول : الدنـيـا خانتـنـي وبـعـدك يا صقر مسكـيـن
" ولا أحــدٍ يا صقر غـيـرك يقـدرنـي ويراعـيـنـي
حبيبي .. ضقت بغيابك , حبيبي .. حيـل أنا مسكيـن
وأنا جيـتـك بهالليـلـه وتكـفـىىىّ!! لا تخليـنـي !!
وأنا........؟ لامن نطق ( تكفى ) عطيته لو طلـب العين
وأجـود بكـل مـا يملـك خفـوقـي وتمـلـك ايديـنـي
وقلت : ابشر ... ولا يهمك ... تدلل .. وش تبي يازين
تـرانـي فــدوة عيـونـك لـوّنـك جـيـت تشقيـنـي
حبيبي...!! لو تبـي القمـره ..؟!! عطيتـك فوقهـا ثنتيـن
بعد لـو تطلـب النجمـه ابنطـق : جيتـك... اضوينـي
بعـد هـذا ضحـك بعثـر همـومـه سلـهـم الرمشـيـن
وقــال الله يـاطـيـبك وأنا ظـنـيـتك ناسـيـنـي
صراحه......؟ حيـل تحرجنـي يطيـبك و ياطيـب الغاليـن
ولا ادري كيـف ابوفيـلـك حبيـبـي وأنت تعطيـنـي
بـعـد هــذا تسامـرنـا وتواعـدنـا بـعـد يـومـيـن
ووصيتـه علـى قلبـي واهــو مثـلـي... يوصيـنـي
تواعدنـا علـى الجمـعـه ولا جـانـي إلــى الاثنـيـن
وطاف... اسبـوع ..والثانـي وشوقـي يشتعـل فينـي
تصـدق عـاد يالسامـع..؟ ولا جـانـي إللـيـن اللحـيـن
وقبـل تسـأل عـن اسبابـه .؟ بجـاوب وانـت واسيـنـي
لأنه مـات فـي حـادث وأنا مــت بغيـابـه لـيـن
عرفـت إنـي كـذا ببقـى ولا احــدٍ يـقـوى يحييـنـي
