قصيدة صادقة لاصدق رجل واطيب اب في العالم ( الله يرده لنا سالما معافا)

[عسولة الكويت]

قصيده موجهة لصاحب السمو الشيخ : جابر الاحمد الصباح امير دولة الكويت






يا شيخنا مليـون مليـون لا بـاس
الشر يقفي عنـك والخيـر لاجيـك
جعله بميزانك ليا حشـرت النـاس
في ماقف ٍ مـا ينفـع الا حسانيـك
انا اشهد ان الشعب يغليك باحساس
يدعي لك و يطلب من الله يشفيـك
يا قايد الحكمه و يا سيد من سـاس
لك الولا والشعـب قلبـه يراجيـك
كم مخلص ٍ في غيبتك غاب الاوناس
تدمع عيونه كـل ماجيـب طاريـك
تبكيك عين ٍ ما شكت سو الاتعـاس
عين اليتيم اللي حضنتـه باياديـك
و يبكيك عود ٍ حافظه عقب الاياس
برعايتك راضي و عينـه تراعيـك
و تبكيك عذرا حرمت زين الالبـاس
حتى تجي سالـم و ربـي معافيـك
من عذرها يا سترها عند الادمـاس
و من عذر كل الناس يا شيخ تغليك
يا حاضر ٍ للمجد يا راس مـن راس
يا عزنـا يـا عـز منـه يدانيـك
يا فارس ٍ لك صولة ٍ وقت الافراس
يا ضد ضدك سقـم منـه يعاديـك
تسقي خصيمك رايب السم بالكـاس
و تكرم جناب الصاحب اللي مواليك
يا جابر العثرات يا طيـب السـاس
اطيب سلام الشعـب والله يهديـك
يرجي قدومك كل يوم ٍ على سـاس
تكمل افراحـه يـوم تاتـي يلاقيـك
الله وهبنا رمـز قـدوة و نبـراس
و ان كان فينا حظ .. يا حظنا فيـك
يا والدي لاباس لا بـاس لا بـاس
الخيـر بقبالتـك والشـر يخطيـك






الشاعر : غازي سليم السويط

 

[الغلاااااااكله]

مشاركة: قصيدة صادقة لاصدق رجل واطيب اب في العالم ( الله يرده لنا سالما معافا)

وصح لسان الشاعر

ولاهنتي عزيزتي

الله يحفظ ابووونا من كل شررر
ويديم عليه نعمة الصحه والعافيه

 

[xxx]

مشاركة: قصيدة صادقة لاصدق رجل واطيب اب في العالم ( الله يرده لنا سالما معافا)

مشكووووووورة وصح لسان الشاعر

 

[عسولة الكويت]

مشاركة: قصيدة صادقة لاصدق رجل واطيب اب في العالم ( الله يرده لنا سالما معافا)

حياكم الله وشكرا على المرور الكريم .........

 

[الكويتي]

مشاركة: قصيدة صادقة لاصدق رجل واطيب اب في العالم ( الله يرده لنا سالما معافا)

صح لساج وفعلا لسانج ينقط عسل يا عسووولة