قصه 14 كيلوا

[بحرينيه حره]

كان يا مكان وزني العام 52

كملي القصه:bbbiu::bbbiu::bbbiu:ويوم السبت كنت في زياره لبيت الوالد المهم
واني حامله بنتي الصغيره عمرها سنتين ونص ابي اركض ما اقدر تدرون ليش ؟؟؟؟؟:bbbiu::bbbiu:
بسبب الشحم والكرش اللي فيني ومن هالموقف قلت لازم أشوف كم وزني وكانت صدمه عمري 66 يعني زدت 14 كيلوا :krkrkr::krkrkr::krkrkr:
لذلك ومن اليوم قررت المشي يوميا نص ساعه وشويه رجبم لاني بالاصل مو أكيله بس وزني زاد بسبب قله الحركه ( ادعو لي انزل ها14 كيلوا )

وتوته توته خلصت الحتوته

 

[F.A]

أهم شي الاراده
والله ينعم عليكم يا اهل البحرين بالامن والامان يارب وجميع الدول العربيه والاسلاميه
وينزل وزنج بصحه وعافيه ان شاء الله

 

[بحرينيه حره]

تسلمين على هالدعوه

 

[همسـات ~]

آللهه يقدركـ ^_^

وآللهه يحفظ آلبحرين ويعم آلأمن والأمآن على آهلهآآ ^^"

 

[اللؤلؤ المتناثر]

إن شاء الله ينزل وزنج وتوصلين للوزن المثالي

​

 

[بحرينيه حره]

تسلمون حبايبي على دعواتكم والله كريم

 

[فجر_الكويت]

ان شاء الله يارب تضعفين ال14 كيلو بصحه وعافيه يارب

 

[هيا349]

الله ينحفك على خير

 

[تفاصيل الغرابه]

يااااااااارب تضعفينهم وانتي صحه وعااااافيه

 

[روز الخليج]

تضعفينهم وانتي بصحه وعافيه شدي الهمه ودعيلي اني انحف انا وزني فوق الخيال الله يعين بس

 

[ضماي انت]

ان شاءالله تضعفين

 

[بحرينيه حره]

:yaaaaaarb:

 

[حلاتي غير]

يارب ينزل وزنج وتضعفين بالصحه والعافيه

 

[جلكسيه اس 3]

الله يرحمها يارب تذكري ان المتن بلاوي و كله امراض و منه ماراح تتحركين
اعطيج مثال حي انا يوم كنت ضعيفه كنت مثل الفراشه على طول اتحرك و الحين مثل السلحفات ما يمديني اتحرك الا تعبت
عشان جذي تذكري هالمثال على طول وخليه جدام اعيونج و بتضعفين

 

[بحرينيه حره]

سكرتير مستقبليه صادقه والله
صاير جسمي ثقيل وخصوصا اذا جالسه على الارض و ابي اقوم بيه يبلي لي رافعه
وما اقدر امشي وايد على طول اتعب

 

[PinkArtiSt]

الله كريم وأني بعد أبغي أضعف
عاد أني عكسش
قبل كنت بطة 82بسبب انشغالي بالدراسة وقلة حركتي
تخرجت 2010 شهر ثمانية وبدأت ريجيم
ضليت كله اسوي رياضة في البيت
وصار لي سنة وجم شهر...>بدأت الرياضة قبل الأحداث بجم شهر
الحين وزني 68
ادعي ليي أوصل 58 على الأقل

 

[جلكسيه اس 3]

تداركي عمرج و شوفي حل
انا دايما ضهري و منطقة الصدر عذاب
احس ظهري مكسور و منطقة الصدر احس جني شايله وزن معاي زياده صج صج مراة افكر اسوي عمليه عشان يصغرون و
الحين انا لي ثلاث ايام مع الحبوب و ان شاء الله اضعف عليهم و مقزرتها على الماي كل شوي اشرب بطل
ب ما انصحج فيهم شوفي انتي اذا تقدرين تتمرنين بطلي اليوتيوب و كتبي تمارين و قلدي هم مل يوم و خففي اكلج
انا ماقدر اتدرب كلش اللهم تمرينات بسيطه احس ماتفرق لو اسويها عشان جذي طلبت الحبوب *

 

[ام^تبوله]

انشاالله تضعفين بصحه وعافيه والله ينعم عليكم بنعمة الامن والامان يااهل البحرين انتو وايد طيبين الله يفرج عنكم فرجاً عاجلاً قريباً كلمح البصر او هو اقرب
قلوبنا معاكم

 

[ba7renya]

الحل حق مشكلتج تلتزمين بالرجيم وشوية حركه لانه وزنج مو زايد وايد وتجنبي هالفتره تروحين بيت الوالد

 

[بحرينيه حره]

أخت بحرينيه شكرا على مشاركتك في موضوعي
على العموم ما اقدر ما اروح بيت الوالد لاني طول الاسبوع ما اطلع أطفالي يتمللون وما يصير تكون جمعه الاهل في شقتنا لاني ما عندي الا غرفه النوم وخواتي المتزوجات نفس الشيء واخواني ما عندهم بيوت كلهم ساكنين في بيت الوالد الله يحفظه