- إنضم
- 1 أغسطس 2009
- المشاركات
- 97
- مستوى التفاعل
- 0
- النقاط
- 0
- العمر
- 41
قوة يا احلى كروشات وغير كروشات مثل ماوعدتكم خااااااصه اللي يحبون السوالف جيت وجبت قصه ولادتي اللي قلت اني بطله لما ولدت وطبعا الحمل تسع شهور فالوحده تعتبرها دورة تاخذ دبلوم عليها وشهاده تقدير بامتياز :::::::::::
نبدا باسم الله قصه البطوله الاسطوريه
كنت رايحه حق موعدي عند الدكتورة بهواني كان يوم السبت كان لي 12 يوم بالتاسع امسكت بطني وسوت سونار لنبض القلب حق البيبي قالت في طلق بس لازم تمشين واجد وطلعتني اسوي تخطيط عند الطوارئ فوق وبعدها ارجعلهاا عشان تفحصني طلعت حق التخطيط ولما خلصت كانت عيادتها مسكرة لاني كنت جايتها متاخر فقالت تعالي العصر وانا بصراحه ماكنت احس بشي والتخطيط مبين مافي طلق حيل فطنشت مارحت العصر قات اذا حسيت بشي بجيها المهم عدا يومين مافيني شي بعدها من يوم الاثنين بالليل كنت احس بتملل جني ماله مالي خلق شي ابي اولد واخلص لاني احس بعوار مو مؤلم بس كله متاذيه وحوضي يعورني وبطني كله يابس لين صار يوم الاربعا بالليل قلت حق زوجي خلاص انا مليت واحس بتعب بروح حق المستشفى وصلت الساعه 12 وكانت دكتورة الطوارئ بمستشفى الهادي انيتا بس كانت عندها ولادتين ونطرنا لي الساعه1 ونادتني السستر لما جا دوري عاد انا قاعده ساعه على اعصابي ساعه احس ولاده وساعه ودي ارد البيت بس الصراحه كنت ادعي ان تكون فيه ولاده لان ماابي الاحباط لما يردوني يقولون مافيج شي عاد اكيد كلكم تعرفون هالشعور
المهم دشيت عندها قالتلي ضغطج مرتفع لازم اولدج بس بفحصج اول واسوي سونار قلت اوكي لما سوت السونار قالت الماي شوي على البنوته ورحمي مفتوح 2سانتي قالتلي سوي تخطيط واشوفج بعدها خلصت من التخطيط ومرتني بالغرفه وشافت التخطيط الا الطلق بارد عطتني حبوب تنزل الضغط وحطتلي تحميلت الطلق الله لايوريكم شغلت الطلق علي بس السستر هبله قامت طلعتني من غرفه الولاده ودتني لغرفتي انا عصبت وامي زفتها وزوجي توهق قال شالسالفه قالت تونا حاطين التحميله توها على الولاده خلوها بغرفتها احسن عاد انا من الخرعه قمت احس العوار زاد قلت مااقعد رديني ابي كمام فيني عوار قالت زين اقول حق الدكتورة واجيج راحتلها ساعه وردت عطتني ابرة مسكن عاد الحين الساعه 3ونص بدا الطلق العدل بس الرحم مابطل الا نص سانتي قمت ابجي ونادت امي السستر ودتني حق غرفه الولاده وخذيت الكمام بس جني ماخذيته من شده الالم احس ماتبنجت لاني قاعده ساعتين اتالم فعلق الالم براسي المهم امي عندي ياحرام اتعبت الغاليه معاي حيل من الفلم الهندي اللي سويته والبطولات اللي قمت فيها من قوة الطلق بس الرحم مافتح ساعه اتشاهد وساعه ادعي وساعه ابجي وبوسط المعركه جت السستر تقيس قالت فتح 4سانتي قمت ابجي
واقول يوو تو الناس باقي 6سانتي متى يفتحون وامي والسستر يسكتوني يقولون خلاص راح تولدين واقولهم انتو تجذبون علي وقعدت اتالم واسمع صوت التخطيط اللي يجيب التوتر زياده ويخرع لان اذا قربت الولاده تحسين صوته يخرع ويزيد بوسط المعمعه حسيت لما كسروا السرير وجابت الكراسي اللي تحط رجولي عليها قلت قربت اخلص وابجي وامي تدعي وتقولي ادعي هانت وانا بيني وبين نفسي احس بفرحه ادري اني قربت ومقابل هذا ادري ان كل اللي صار من اليوم بصوب واللي جاي بصوب لان هذي اللحظات الحاسمه والفيصل فيها هاللحظه مت من الخوف قلت راح اقدر ادفع واولد والا راح اضايق البنوته وما اعرف اتصرف المهم لما شفت بهواني قلت تكفين قوليلي شنو اسوي عشان ادفع قالت سوي اللي نقوله ساعه تنفسي وساعه بش بش بش وقعدت بين التنفس والبش بشه لين طلعت الامورة وبعدها قلت الحمدلله كانت الساعه تسع وربع الصبح بعدين ماحسيت بشي لين الساعه 11ونص لما جو يودوني غرفتي جني كنت داشه مصارعه منهد حيلي تاكدت اني ولدت الا اشوف خواتي عند راسي وانا ابجي واقول انا بطله ولدت ههههههههه وهم يبجون ويضحكون من كلامي وبعدها رحت حق غرفتي وكملت نومتي وانا مو مصدقه اني ولدت كل ساعه اتفزز من الخرعه اذا مغصني بطني عبالي لي الحين اطلق وبهذا اكون وصلت لنهايه اعظم بطوله لولاده بنتي الامورة اللي تستاهل التعب هذا كله الله يخليها لي ويحفظها ويهون على كل الحوامل ويسهل عليهم ويرزق كل محرومه بالذريه الصالحه
الاسطورة:وردة كوتيه
بطوله :وردة كويتيه وبنتها الاموره
نبدا باسم الله قصه البطوله الاسطوريه
كنت رايحه حق موعدي عند الدكتورة بهواني كان يوم السبت كان لي 12 يوم بالتاسع امسكت بطني وسوت سونار لنبض القلب حق البيبي قالت في طلق بس لازم تمشين واجد وطلعتني اسوي تخطيط عند الطوارئ فوق وبعدها ارجعلهاا عشان تفحصني طلعت حق التخطيط ولما خلصت كانت عيادتها مسكرة لاني كنت جايتها متاخر فقالت تعالي العصر وانا بصراحه ماكنت احس بشي والتخطيط مبين مافي طلق حيل فطنشت مارحت العصر قات اذا حسيت بشي بجيها المهم عدا يومين مافيني شي بعدها من يوم الاثنين بالليل كنت احس بتملل جني ماله مالي خلق شي ابي اولد واخلص لاني احس بعوار مو مؤلم بس كله متاذيه وحوضي يعورني وبطني كله يابس لين صار يوم الاربعا بالليل قلت حق زوجي خلاص انا مليت واحس بتعب بروح حق المستشفى وصلت الساعه 12 وكانت دكتورة الطوارئ بمستشفى الهادي انيتا بس كانت عندها ولادتين ونطرنا لي الساعه1 ونادتني السستر لما جا دوري عاد انا قاعده ساعه على اعصابي ساعه احس ولاده وساعه ودي ارد البيت بس الصراحه كنت ادعي ان تكون فيه ولاده لان ماابي الاحباط لما يردوني يقولون مافيج شي عاد اكيد كلكم تعرفون هالشعور
المهم دشيت عندها قالتلي ضغطج مرتفع لازم اولدج بس بفحصج اول واسوي سونار قلت اوكي لما سوت السونار قالت الماي شوي على البنوته ورحمي مفتوح 2سانتي قالتلي سوي تخطيط واشوفج بعدها خلصت من التخطيط ومرتني بالغرفه وشافت التخطيط الا الطلق بارد عطتني حبوب تنزل الضغط وحطتلي تحميلت الطلق الله لايوريكم شغلت الطلق علي بس السستر هبله قامت طلعتني من غرفه الولاده ودتني لغرفتي انا عصبت وامي زفتها وزوجي توهق قال شالسالفه قالت تونا حاطين التحميله توها على الولاده خلوها بغرفتها احسن عاد انا من الخرعه قمت احس العوار زاد قلت مااقعد رديني ابي كمام فيني عوار قالت زين اقول حق الدكتورة واجيج راحتلها ساعه وردت عطتني ابرة مسكن عاد الحين الساعه 3ونص بدا الطلق العدل بس الرحم مابطل الا نص سانتي قمت ابجي ونادت امي السستر ودتني حق غرفه الولاده وخذيت الكمام بس جني ماخذيته من شده الالم احس ماتبنجت لاني قاعده ساعتين اتالم فعلق الالم براسي المهم امي عندي ياحرام اتعبت الغاليه معاي حيل من الفلم الهندي اللي سويته والبطولات اللي قمت فيها من قوة الطلق بس الرحم مافتح ساعه اتشاهد وساعه ادعي وساعه ابجي وبوسط المعركه جت السستر تقيس قالت فتح 4سانتي قمت ابجي
واقول يوو تو الناس باقي 6سانتي متى يفتحون وامي والسستر يسكتوني يقولون خلاص راح تولدين واقولهم انتو تجذبون علي وقعدت اتالم واسمع صوت التخطيط اللي يجيب التوتر زياده ويخرع لان اذا قربت الولاده تحسين صوته يخرع ويزيد بوسط المعمعه حسيت لما كسروا السرير وجابت الكراسي اللي تحط رجولي عليها قلت قربت اخلص وابجي وامي تدعي وتقولي ادعي هانت وانا بيني وبين نفسي احس بفرحه ادري اني قربت ومقابل هذا ادري ان كل اللي صار من اليوم بصوب واللي جاي بصوب لان هذي اللحظات الحاسمه والفيصل فيها هاللحظه مت من الخوف قلت راح اقدر ادفع واولد والا راح اضايق البنوته وما اعرف اتصرف المهم لما شفت بهواني قلت تكفين قوليلي شنو اسوي عشان ادفع قالت سوي اللي نقوله ساعه تنفسي وساعه بش بش بش وقعدت بين التنفس والبش بشه لين طلعت الامورة وبعدها قلت الحمدلله كانت الساعه تسع وربع الصبح بعدين ماحسيت بشي لين الساعه 11ونص لما جو يودوني غرفتي جني كنت داشه مصارعه منهد حيلي تاكدت اني ولدت الا اشوف خواتي عند راسي وانا ابجي واقول انا بطله ولدت ههههههههه وهم يبجون ويضحكون من كلامي وبعدها رحت حق غرفتي وكملت نومتي وانا مو مصدقه اني ولدت كل ساعه اتفزز من الخرعه اذا مغصني بطني عبالي لي الحين اطلق وبهذا اكون وصلت لنهايه اعظم بطوله لولاده بنتي الامورة اللي تستاهل التعب هذا كله الله يخليها لي ويحفظها ويهون على كل الحوامل ويسهل عليهم ويرزق كل محرومه بالذريه الصالحه
الاسطورة:وردة كوتيه
بطوله :وردة كويتيه وبنتها الاموره
التعديل الأخير:
