*قصه ولادتي المتعبه ^^بالتفصيل^^
شلونكم بنات شخباركم
حبيت اليوم انزل لكم قصه ولادتي لاني احب هالنوع من القصص<< مجرمه*
أنا الله يسلمكم كنت والده بجري قيصري وهذا الثاني وكانت أمنيتي أني اولد طبيعي والحمدالله
ربي استجاب لدعائي بس شنو مت وحيت والله أني كنت اترجاهم يولدوني بعمليه ولاهم رادين علي*
المهم
أنا متابعه مع دكتور منصور العرف بمستشفى العرف عشان يعرف حالتي واني ابيه يكون معاي
ويساعدني ويصبر علي عشاني أطول شوي بالولاده وعارفه انه شاطر والكل يمدحه أنا الحمدالله
مافيني شي بس كنت خايفه تكرر القيصرية معاي مع انه الدكتور طمني ان الامور كلها أوكي
والحوض يساعد ووضع الجنين أوكي*
طبعا أنا قبل لادش التاسع وانا معاي طلق يبين بالتخطيط بس أنا مارضيت يفحصوني نهائي قلت بس ادش
التاسع بكيفهم خل يفحصون مني لباجر*
لان خفت تكرر ولادتي الاولي جاني طلق وخليتهم يفحصوني وبدا يفتح الرحم ووقف واضطرو يولدوني
قيصري*
الحمدالله دشيت التاسع واخذت منه أسبوعين مع أني من دشيت كان معاي الم يجي ويروح بس كنت اقدر
اتحمله فما رحت لدكتور جان *يجي موعدي العادي عنده ورحت له المهم قالي سونار بنشوف وضع الجنين
وسوالي السونار جان يقول ياملكه لازم افحصج عشان الجنين بدا يكبر ومابيه يكبر اكثر من جذي عشان
جرح العمليه ماينفتح من ضغط الطلق و اذا تبين تولدين *طبيعي سمعي كلامي
قتله توكل ع الله وانسدحت جان يجي يبي يفحص ويشوف رجولي ترجف وعيوني مدمعه وحدي شاده
جان يشوفني جذي ويقولي سمعي راح افحصج بس ماراح تعورين ان شاءالله وانا بقلبي قلت خير
وربي ان الفحص عندي العن من الولاده يعععععععععع *
نكمل مع الدكتور قالي سمعي سوي روحج كأنج بتسوين شي بالحمام يعني ضغطي علي تحت
فتحت الفرج تكرمون جان اسوي مثل ماقال وماحسيت الا لما قالي مفتوح2سانتي والله ماحسيت بيدينه
كللللللللش قالي عقب تعالي بأجر افحصج مره ثانيه والله بقلبي قلت افحص الحين مدام ان ماحسيت بشي
طلعت من عنده وعطاني خروع قالي حطي العلبه كلها مع عصير وحوسيه وشربيه اليوم وتعالي بأجر
رديت البيت وشربت الخروع وانا شربته مني وع الحمام مني لاعت جبدي وبعد ساعه ردت روحي ورحت
سبحت ولبست وقعدت مع خواتي سوالف وضحك وعادي مو حاسيه بشي الم خفيف جدا يروح ويجي
شربت دارسين وبليل قلت لختي الكبيرة عن اللي صار معاي لاني رحت بروحي لدكتور محد كان معاي
لاني زوجي كان بدوام ومستلم يومين وقطني على اهلي جان تقولي اختي أنا بنام اليوم هني يمج وأي
شي يصير الم قوي او ينزل دم قوليلي عشان نروح للمستشفي لانه بعيد بالجهرا ومانبي أمي تحس بشي
زوجي كان معاي بالفوون وبس يدقدق كأنه حاس بس أنا سبحان الله نفست ذاك اليوم عليه مالي خلق وانا
اذا حسيت بشي يعورني ماقول لحد نهائي بس انفس وأمد البوز هههههههههههههههه ومادري ليش
سهرت ذاك اليوم من الخوف والعوار يروح ويرد بس مابي اروح ويلعوزوني بالفحص للحين متعقده ههههه
وقريت قرآن وصليت ونمت جان فجاه اقعد ع الم مثل آلم الدوره الغثيث العوار اللي مايذبح بس يعور*
ويدبل جبدج يعني تقعدين تقعدين. وانا ماصارلي نائمه الا ساعتين*
طبعا قعدت وجان احوس بالغرفه وأحوس وأحوس بس ماينفع كل ماله يزيد وعاد هني خقيت وخفت
قلت يمكن أولد بمكاني ليش ما أسبح واروح المستشفى المهم قلت لختي جان تلبس وانا قعدت ساعه أسبح
واستشور شعري واتزين صج فاضيه عبالي الولاده الطبيعيه ساعه الا هو بحظني هههههههه
دقينا ع اخوي جان يجي طاير وياخذنا ونروح اول ما وصلنا هناك الفجر الساعه 5 استقبلنا دكتور الطوارئ
شكبررره مصري وقتله اللي صار معاي جان يقول فحص وانا عيوني*
واطالع ايدينه كبااااااااااار قتله لا ابي الدكتور منصور هو متابع حالتي واهو اللي يفحصني
جان يدق عليه ويكلمه جان يقولي الدكتور يقول لازم أشوف جم فاتحه وأجي المهم طولتها وشفت بالنهايه
انها فيني فيني وين بنحاش جان اتؤكل ع الله وأتذكر كلام دكتوري شنو لازم اسوي وقت الفحص وماحسيت هم
الا الدكتور المصري قالي مفتوح4سانتي ولاده يامدام*
قلت بس سهالات الحمدالله كلها ساعه واخلص ههههههههه كلمت وزوجي وقتله ياحياتي هو خاف اكثر مني
وتوتر وعطيته رقم اختي الكبيرة قلت خلك معاها واهي اذا ولدت بسلامه تبشرك بس تطمن ولاتحاتي
دشيت غرفه الولاده وكانو معاي سسترات *قمه ويهبلون وحمدت ربي لانهم والله اهم من الدكتور أنا اعتبر
النفسيه اهم شي. بدلو ملابسي وعطوني الحقنه الشرجيه تكرمون وماطولت بالحمام لاني ماخذه خروع ومنظف
بطني عدل. سدحوني بالسرير وكان شكلي يهبل وكيوت وحدي نظيفه وشكلي يفتح النفس ترا قلت جذي
عشان اقولكم شصرت عقب ماولدت وخلصت هههههههههههههه فلم وربي
حطولي التخطيط مال نبض البيبي وخلوني وسكرو الليت وراحو وبقت وحده منهم وقاعده وجدامها طاوله
وتكتب مادري *شتكتب يومياتها او شعر او شي ماخلصت أنا ولدت وخلصت واهي تكتب مندمجه هههههههه
بس حليله اي شي ابيه تركض تجيبه الظاهر ماتبيني اقطع حبل أفكارها ههههه المهم ماعلينا جت الساعه
7 الصبح وهني بدا الألم اللي مايغشمر اقوا من الم الدوره بميه مرا وبنفس المكان تحت السره وآخر الظهر
بس يجي دقيقه دقيقتن ويروح وانا بديت هني اتقلب يمين ويسار واحط الكمام وأشم ابي اخدر وماكو فايده
موقاعده اتخدر وانادي السستر أبيها تعلي ع الكمام أقولها مافيه شي أنا اعرف الكمام ريحته قويه وخايسه
هذا ماكو أشم هوا وربي هني بديت اون واقرأ سوره الزلزله حسيت بدت الصجيه أشوف الساعه جت 9 جان
تجي السستر بتفحص وأصرخ عليها ياحيوانه ههههههههه ابي كمام أنا مت خلاص هني استوعبت انهم
صج مو مشغلين الكمام بناء على كلام دكتوري لهم لاني كنت اول ولاده قيصري وهالولاده هذي مايبني اخدر
وهذا اللي عرفته منه بعدين لانه قال ماكنت *بقولج من البدايه عشان ماتخرعين **عيشني على امل الكمام
الله يهداه** نرجع السستر راحت أهي شغلت الكمام ووقصرت عليه حيل صج أني خدرت بس والله أني حاسه
بكل شي اللهم لساني خدر فقط لاغير شوي على الساعه10 جاني الدكتور المصري الي قتلكم عليه*
قالي بوصي بأه ياست ملكه دلوقتي راح نفتح ميت الراس للبيبي ماتخفيش قتله دكتور أمانه عليك ابي مخدر
او اي شي الكمام ماله اي مفعول دكتور أنا بموت والله خلاص مابي أولد طبيعي ولدوني عمليه بس بدون
كل هذا وانا اون وكل شوي يرتفع صوتي من العوار والالم. تجمعو علي السسترات ومعاهم الدكتور
ويدخل ايده حيل وانا مثل ماقتلكم اسوي الحركه اللي قالي دكتوري عليها بس المصري الكررريه
حسيت ايده وصلت لمخي وجان اصرخ ذيج الصرخه اللي سمعها كل المستشفي ياوووو والله انه يكش
جسمي كل ماتذكرها. خلص شغله الدكتور وقالي الحين انتي خمسه سانتي والدكتور منصور
جايلج بعد شوي المهم طلع وقعدو السسترات ينظفون تحتي الماي وبدلو الفراش وطبعن للحين
الاخت السستر الشاعره ماخلصت قصيدتها ههههههههه تكتب مندمجه عالاخر
أنا هني العوار بدا يذبحني خلاص وقام يغمي علي وأقعد ويغمي علي وأقعد وفجأه لقيت
دكتوري فوق راسي ويطمني يقولي انتي الحين 8سانتي برأفو عليج وكلها ساعه وولدج بحظنج
لاتسوين بنفسج جذي ولاتبجين وتصارخين خلي طاقتج وقت الدفع احسن الزبده أنا دريت ان اهلي
يسمعون صراخي وبجيي والكل كان منهار معاي تقريبا طبعا خواتي بس لاني أمي ماحبيت احد
يقولها لما اخلص اعرفها حيل تحاتي موشوي الله يخليها لنا ان شاالله
وفعلا جت الساعه 1الظهر وانا واصله خلاص صرت جني قطعه خرجه مافيها روح شعري منفوش
ووجهي يخرع وعيوني طالعه برا من الصراخ وبس ارجف واصرخ ابي مسكن. دكتور يهديني
ويقولي ذكري الله خلاص انتي 10سانتي واشوفهم تجمعو السسترات يشجعون يقولون لي بوش بوش
والدكتور يقولي اي طلقه تجيج ادفعي لتحت وانتو عارفين تحت من فتحه الفرج تكرمون مو من الثانيه
لانه علمني علي ألطريقه ماكنت اعرف شلون. واشد من كل قلبي وابجي واصيح وربي بهالحظات صج
مايطري عليج شي بس ودج الخلاص والله أني حسيت بالموت جاني قسم بالله. والطلقه بهالوقت
كانت بالنسبه لي قاتله بس الله احياني المهم شدي شدي لتحت اسمع الدكتور يقول واشد بس ماعاد
فيني حيل واسمعه يقول ياملكه ماكو فايده ترا احولج عمليه ادفعي لتحت بكل طاقتج وانا اصرخ وادفع
لتحت ابي افتك خلاص مت والله وفجااااااااه ماحسيت بنفسي الا انا بنفس الغرفه بس مافيها احد
الا الدكتور المصري اللي عرفتوه وسستر تنظف المكان جان أسأله شنو صاير لا يكون ولدت بعمليه قال*
لا ياست انتي ولدتي طبيعي وجبتي ولد قلت مستحيل ماشفته وينه بشوفه قالي الحين يجيبونه لج
بس انتي اربكتي المستشفي بصراخج والدكتور اضطر يشفط البيبي قلت اهم شي مافيه شي البيبي
قالي لحظه اديهووووو وجابوووه لي فديت خشته يجنن اسم الله عليه وانا الحمدالله قمت بسلامه*
وطلعت ثاني يوم من المستشفي أخذت غرفه عاديه لاني بطلع لبيتي بسرعه بس الخياط ذبحني والله ياجرنا
يارب ويسهل علي الجميع بإذن الله ويارب محد يجرب اللي جربته ويسهل علي كل حامل يارررب. *
شلونكم بنات شخباركم
حبيت اليوم انزل لكم قصه ولادتي لاني احب هالنوع من القصص<< مجرمه*
أنا الله يسلمكم كنت والده بجري قيصري وهذا الثاني وكانت أمنيتي أني اولد طبيعي والحمدالله
ربي استجاب لدعائي بس شنو مت وحيت والله أني كنت اترجاهم يولدوني بعمليه ولاهم رادين علي*
المهم
أنا متابعه مع دكتور منصور العرف بمستشفى العرف عشان يعرف حالتي واني ابيه يكون معاي
ويساعدني ويصبر علي عشاني أطول شوي بالولاده وعارفه انه شاطر والكل يمدحه أنا الحمدالله
مافيني شي بس كنت خايفه تكرر القيصرية معاي مع انه الدكتور طمني ان الامور كلها أوكي
والحوض يساعد ووضع الجنين أوكي*
طبعا أنا قبل لادش التاسع وانا معاي طلق يبين بالتخطيط بس أنا مارضيت يفحصوني نهائي قلت بس ادش
التاسع بكيفهم خل يفحصون مني لباجر*
لان خفت تكرر ولادتي الاولي جاني طلق وخليتهم يفحصوني وبدا يفتح الرحم ووقف واضطرو يولدوني
قيصري*
الحمدالله دشيت التاسع واخذت منه أسبوعين مع أني من دشيت كان معاي الم يجي ويروح بس كنت اقدر
اتحمله فما رحت لدكتور جان *يجي موعدي العادي عنده ورحت له المهم قالي سونار بنشوف وضع الجنين
وسوالي السونار جان يقول ياملكه لازم افحصج عشان الجنين بدا يكبر ومابيه يكبر اكثر من جذي عشان
جرح العمليه ماينفتح من ضغط الطلق و اذا تبين تولدين *طبيعي سمعي كلامي
قتله توكل ع الله وانسدحت جان يجي يبي يفحص ويشوف رجولي ترجف وعيوني مدمعه وحدي شاده
جان يشوفني جذي ويقولي سمعي راح افحصج بس ماراح تعورين ان شاءالله وانا بقلبي قلت خير
وربي ان الفحص عندي العن من الولاده يعععععععععع *
نكمل مع الدكتور قالي سمعي سوي روحج كأنج بتسوين شي بالحمام يعني ضغطي علي تحت
فتحت الفرج تكرمون جان اسوي مثل ماقال وماحسيت الا لما قالي مفتوح2سانتي والله ماحسيت بيدينه
كللللللللش قالي عقب تعالي بأجر افحصج مره ثانيه والله بقلبي قلت افحص الحين مدام ان ماحسيت بشي
طلعت من عنده وعطاني خروع قالي حطي العلبه كلها مع عصير وحوسيه وشربيه اليوم وتعالي بأجر
رديت البيت وشربت الخروع وانا شربته مني وع الحمام مني لاعت جبدي وبعد ساعه ردت روحي ورحت
سبحت ولبست وقعدت مع خواتي سوالف وضحك وعادي مو حاسيه بشي الم خفيف جدا يروح ويجي
شربت دارسين وبليل قلت لختي الكبيرة عن اللي صار معاي لاني رحت بروحي لدكتور محد كان معاي
لاني زوجي كان بدوام ومستلم يومين وقطني على اهلي جان تقولي اختي أنا بنام اليوم هني يمج وأي
شي يصير الم قوي او ينزل دم قوليلي عشان نروح للمستشفي لانه بعيد بالجهرا ومانبي أمي تحس بشي
زوجي كان معاي بالفوون وبس يدقدق كأنه حاس بس أنا سبحان الله نفست ذاك اليوم عليه مالي خلق وانا
اذا حسيت بشي يعورني ماقول لحد نهائي بس انفس وأمد البوز هههههههههههههههه ومادري ليش
سهرت ذاك اليوم من الخوف والعوار يروح ويرد بس مابي اروح ويلعوزوني بالفحص للحين متعقده ههههه
وقريت قرآن وصليت ونمت جان فجاه اقعد ع الم مثل آلم الدوره الغثيث العوار اللي مايذبح بس يعور*
ويدبل جبدج يعني تقعدين تقعدين. وانا ماصارلي نائمه الا ساعتين*
طبعا قعدت وجان احوس بالغرفه وأحوس وأحوس بس ماينفع كل ماله يزيد وعاد هني خقيت وخفت
قلت يمكن أولد بمكاني ليش ما أسبح واروح المستشفى المهم قلت لختي جان تلبس وانا قعدت ساعه أسبح
واستشور شعري واتزين صج فاضيه عبالي الولاده الطبيعيه ساعه الا هو بحظني هههههههه
دقينا ع اخوي جان يجي طاير وياخذنا ونروح اول ما وصلنا هناك الفجر الساعه 5 استقبلنا دكتور الطوارئ
شكبررره مصري وقتله اللي صار معاي جان يقول فحص وانا عيوني*
واطالع ايدينه كبااااااااااار قتله لا ابي الدكتور منصور هو متابع حالتي واهو اللي يفحصني
جان يدق عليه ويكلمه جان يقولي الدكتور يقول لازم أشوف جم فاتحه وأجي المهم طولتها وشفت بالنهايه
انها فيني فيني وين بنحاش جان اتؤكل ع الله وأتذكر كلام دكتوري شنو لازم اسوي وقت الفحص وماحسيت هم
الا الدكتور المصري قالي مفتوح4سانتي ولاده يامدام*
قلت بس سهالات الحمدالله كلها ساعه واخلص ههههههههه كلمت وزوجي وقتله ياحياتي هو خاف اكثر مني
وتوتر وعطيته رقم اختي الكبيرة قلت خلك معاها واهي اذا ولدت بسلامه تبشرك بس تطمن ولاتحاتي
دشيت غرفه الولاده وكانو معاي سسترات *قمه ويهبلون وحمدت ربي لانهم والله اهم من الدكتور أنا اعتبر
النفسيه اهم شي. بدلو ملابسي وعطوني الحقنه الشرجيه تكرمون وماطولت بالحمام لاني ماخذه خروع ومنظف
بطني عدل. سدحوني بالسرير وكان شكلي يهبل وكيوت وحدي نظيفه وشكلي يفتح النفس ترا قلت جذي
عشان اقولكم شصرت عقب ماولدت وخلصت هههههههههههههه فلم وربي
حطولي التخطيط مال نبض البيبي وخلوني وسكرو الليت وراحو وبقت وحده منهم وقاعده وجدامها طاوله
وتكتب مادري *شتكتب يومياتها او شعر او شي ماخلصت أنا ولدت وخلصت واهي تكتب مندمجه هههههههه
بس حليله اي شي ابيه تركض تجيبه الظاهر ماتبيني اقطع حبل أفكارها ههههه المهم ماعلينا جت الساعه
7 الصبح وهني بدا الألم اللي مايغشمر اقوا من الم الدوره بميه مرا وبنفس المكان تحت السره وآخر الظهر
بس يجي دقيقه دقيقتن ويروح وانا بديت هني اتقلب يمين ويسار واحط الكمام وأشم ابي اخدر وماكو فايده
موقاعده اتخدر وانادي السستر أبيها تعلي ع الكمام أقولها مافيه شي أنا اعرف الكمام ريحته قويه وخايسه
هذا ماكو أشم هوا وربي هني بديت اون واقرأ سوره الزلزله حسيت بدت الصجيه أشوف الساعه جت 9 جان
تجي السستر بتفحص وأصرخ عليها ياحيوانه ههههههههه ابي كمام أنا مت خلاص هني استوعبت انهم
صج مو مشغلين الكمام بناء على كلام دكتوري لهم لاني كنت اول ولاده قيصري وهالولاده هذي مايبني اخدر
وهذا اللي عرفته منه بعدين لانه قال ماكنت *بقولج من البدايه عشان ماتخرعين **عيشني على امل الكمام
الله يهداه** نرجع السستر راحت أهي شغلت الكمام ووقصرت عليه حيل صج أني خدرت بس والله أني حاسه
بكل شي اللهم لساني خدر فقط لاغير شوي على الساعه10 جاني الدكتور المصري الي قتلكم عليه*
قالي بوصي بأه ياست ملكه دلوقتي راح نفتح ميت الراس للبيبي ماتخفيش قتله دكتور أمانه عليك ابي مخدر
او اي شي الكمام ماله اي مفعول دكتور أنا بموت والله خلاص مابي أولد طبيعي ولدوني عمليه بس بدون
كل هذا وانا اون وكل شوي يرتفع صوتي من العوار والالم. تجمعو علي السسترات ومعاهم الدكتور
ويدخل ايده حيل وانا مثل ماقتلكم اسوي الحركه اللي قالي دكتوري عليها بس المصري الكررريه
حسيت ايده وصلت لمخي وجان اصرخ ذيج الصرخه اللي سمعها كل المستشفي ياوووو والله انه يكش
جسمي كل ماتذكرها. خلص شغله الدكتور وقالي الحين انتي خمسه سانتي والدكتور منصور
جايلج بعد شوي المهم طلع وقعدو السسترات ينظفون تحتي الماي وبدلو الفراش وطبعن للحين
الاخت السستر الشاعره ماخلصت قصيدتها ههههههههه تكتب مندمجه عالاخر
أنا هني العوار بدا يذبحني خلاص وقام يغمي علي وأقعد ويغمي علي وأقعد وفجأه لقيت
دكتوري فوق راسي ويطمني يقولي انتي الحين 8سانتي برأفو عليج وكلها ساعه وولدج بحظنج
لاتسوين بنفسج جذي ولاتبجين وتصارخين خلي طاقتج وقت الدفع احسن الزبده أنا دريت ان اهلي
يسمعون صراخي وبجيي والكل كان منهار معاي تقريبا طبعا خواتي بس لاني أمي ماحبيت احد
يقولها لما اخلص اعرفها حيل تحاتي موشوي الله يخليها لنا ان شاالله
وفعلا جت الساعه 1الظهر وانا واصله خلاص صرت جني قطعه خرجه مافيها روح شعري منفوش
ووجهي يخرع وعيوني طالعه برا من الصراخ وبس ارجف واصرخ ابي مسكن. دكتور يهديني
ويقولي ذكري الله خلاص انتي 10سانتي واشوفهم تجمعو السسترات يشجعون يقولون لي بوش بوش
والدكتور يقولي اي طلقه تجيج ادفعي لتحت وانتو عارفين تحت من فتحه الفرج تكرمون مو من الثانيه
لانه علمني علي ألطريقه ماكنت اعرف شلون. واشد من كل قلبي وابجي واصيح وربي بهالحظات صج
مايطري عليج شي بس ودج الخلاص والله أني حسيت بالموت جاني قسم بالله. والطلقه بهالوقت
كانت بالنسبه لي قاتله بس الله احياني المهم شدي شدي لتحت اسمع الدكتور يقول واشد بس ماعاد
فيني حيل واسمعه يقول ياملكه ماكو فايده ترا احولج عمليه ادفعي لتحت بكل طاقتج وانا اصرخ وادفع
لتحت ابي افتك خلاص مت والله وفجااااااااه ماحسيت بنفسي الا انا بنفس الغرفه بس مافيها احد
الا الدكتور المصري اللي عرفتوه وسستر تنظف المكان جان أسأله شنو صاير لا يكون ولدت بعمليه قال*
لا ياست انتي ولدتي طبيعي وجبتي ولد قلت مستحيل ماشفته وينه بشوفه قالي الحين يجيبونه لج
بس انتي اربكتي المستشفي بصراخج والدكتور اضطر يشفط البيبي قلت اهم شي مافيه شي البيبي
قالي لحظه اديهووووو وجابوووه لي فديت خشته يجنن اسم الله عليه وانا الحمدالله قمت بسلامه*
وطلعت ثاني يوم من المستشفي أخذت غرفه عاديه لاني بطلع لبيتي بسرعه بس الخياط ذبحني والله ياجرنا
يارب ويسهل علي الجميع بإذن الله ويارب محد يجرب اللي جربته ويسهل علي كل حامل يارررب. *
