السلام عليكم
اليوم باقص عليكم قصة أمي واللهوم أو المردود
كان يا ما كان في قديم الزمان
بما اني ام عيال وهذي قصة امي فشي طبيعي انه من قديم الزمان
لما كانت امي عمرها 17 سنه كانت على وشك الولاده في اول ابنائها
ما كان لها احد لأنها تزوجت وراحت مع زوجها بعيد عن اهلها
وما تعرف إلا جارتهم وراحت عندها
عشان تساعدها بالولاده
لكن للأسف كانت جارتها وحده جاهله وفوق هذا
مسويه لها جو رعب يا ويلج بتولدين يا ويلج بتموتين يعني حطمتها نفسيا
المهم امي تعبت ومن الحاله النفسيه تغير وضع الجنين
وبعدها جاب لها ابوي وحده تولد وتفهم بالسوالف هذي
وكانت سبحان الله من اول ما دخلت كلامها حلو وتطمنها مومثل جارتها !!
وتقول لها كل شي زين وانتي اصلا واصله
وبتولدين بسهوله وما قدامج إلا الخير ان شاءالله
المهم من الكلام الحلو
شافتها المره واخذتها و خضوها بالبطانيه
عشان يتغير وضع الجنين
وبعدها بشوي الحمدالله ولدت امي وارتاحت
عاد المره قالت لها يا بنتي انا باروح لعيالي وباخليج عند جارتكم تكمل معاج وتشوفج
وراحت المره لكن امي كانت تعبانه
وما عندها إلا جارتها
وكانت ما تشتهي الأكل وتعبانه
واذا وقفت داخت وتسمع مثل صوت الطبول في راسها وتطيح
وكان بطنها يعورها
هي مسكينه صغيره وما تعرف شي والجاره ماتدري شسالفه
وقعدت كم يوم على هالحاله
فخذاها ابوي للمره اللي ولدتها وقال زوجتي تعبانه عالجيها
باللي تبين يعني يقصد أي مبلغ تبينه
شافتها المره واكتشتفت ان المشيمه مالتها ما نزلت موجوده ليما اللحين فيها
وهذا اللي تعبها وخلاها دايخه
وسبب لها خوا بالرحم وخوا الراس لأنها كانت تسمع طبول في راسها
المهم المره قالت لأبوي خلها عندي 5 ايام وانا اعالجها
فصارت المره تفطر أمي خبز مفروك اسمر بر مع السمن وتكثر فيه اللهوم أو المردود
وتحط لها اللهوم 3 مرات باليوم لأن حالتها مستعصيه
وكانت تأكلها التمر المعفوس أو المعبوط اللي فيه لهوم ورشاد وسمن
وحست امي بتحسن
وفي اليوم الخامس نزلت المشيمه منها وحست بفرق شاسع بصحتها
وعافيتها
وخلصت الخمس اايام وحان وقت انها تروح مع زوجها (ابوي) فعطفت
عليها المره بما انها عارفه ظروف امي ان مالها احد بالديره
وان تعتبر يتيمه وعمرها 17 سنه
فقالت لها يا بنتي بما انج ما راح تكونين قريب عندي
ولا راح اقدر اوصل لج اللهوم راح اعلمج طريقته
وورتها كل الأعشاب والمقادير
وورتها عشبه معينه وقالت شفتيها قالت ايه قالت لا تستخدمينها ابدا
تراها تخرب واسمها العفص لا تستخدمينها ابدا
وكانت أمي الله يرحمها ذكيه وتفهم بسرعه
وحفظته عن ظهر قلب
ومن عرفته من أهل وجيران وأصدقاء كانت تسويه لهم
وتعطيهم بنفاسهم ودورتهم مجانا وببلاش
ماتبي من وراه إلأا الأجر
لأنها عانت قبل وعارفه شنو أهمية اللهوم والمردود
الله يرحمها ويغمد روحها الجنه
والله يجزي المره اللي ساعدتها وعلمتها هذا العلم
المره هذي ليومنا هذا واجرها عند الله ماشي
لأنها علمت امي علم ينتفع به
والناس استفادت منه وايد
واليوم انا بنتها اقول لكم لا تستهينون يا بنات اليوم باللهوم
ترى أهم شي بالنفاس اللهوم
نصيحه خلو عنكم الدلع واي ما بي طعمه مو حلو
وما ادري شنو لااااا انتبهي ترى بعدين تندمين وتخربين
فنصيحه لوجه الله لا تخلينه أكليه بنفاسج وحتى بالدوره وايد زين
بس هاه ما يكون فيه عفص لأن بالأساس غير صالح للأكل ويخرب بعد
وسلامتكم :klhfl:
اليوم باقص عليكم قصة أمي واللهوم أو المردود
كان يا ما كان في قديم الزمان
بما اني ام عيال وهذي قصة امي فشي طبيعي انه من قديم الزمان
لما كانت امي عمرها 17 سنه كانت على وشك الولاده في اول ابنائها
ما كان لها احد لأنها تزوجت وراحت مع زوجها بعيد عن اهلها
وما تعرف إلا جارتهم وراحت عندها
عشان تساعدها بالولاده
لكن للأسف كانت جارتها وحده جاهله وفوق هذا
مسويه لها جو رعب يا ويلج بتولدين يا ويلج بتموتين يعني حطمتها نفسيا
المهم امي تعبت ومن الحاله النفسيه تغير وضع الجنين
وبعدها جاب لها ابوي وحده تولد وتفهم بالسوالف هذي
وكانت سبحان الله من اول ما دخلت كلامها حلو وتطمنها مومثل جارتها !!
وتقول لها كل شي زين وانتي اصلا واصله
وبتولدين بسهوله وما قدامج إلا الخير ان شاءالله
المهم من الكلام الحلو
شافتها المره واخذتها و خضوها بالبطانيه
عشان يتغير وضع الجنين
وبعدها بشوي الحمدالله ولدت امي وارتاحت
عاد المره قالت لها يا بنتي انا باروح لعيالي وباخليج عند جارتكم تكمل معاج وتشوفج
وراحت المره لكن امي كانت تعبانه
وما عندها إلا جارتها
وكانت ما تشتهي الأكل وتعبانه
واذا وقفت داخت وتسمع مثل صوت الطبول في راسها وتطيح
وكان بطنها يعورها
هي مسكينه صغيره وما تعرف شي والجاره ماتدري شسالفه
وقعدت كم يوم على هالحاله
فخذاها ابوي للمره اللي ولدتها وقال زوجتي تعبانه عالجيها
باللي تبين يعني يقصد أي مبلغ تبينه
شافتها المره واكتشتفت ان المشيمه مالتها ما نزلت موجوده ليما اللحين فيها
وهذا اللي تعبها وخلاها دايخه
وسبب لها خوا بالرحم وخوا الراس لأنها كانت تسمع طبول في راسها
المهم المره قالت لأبوي خلها عندي 5 ايام وانا اعالجها
فصارت المره تفطر أمي خبز مفروك اسمر بر مع السمن وتكثر فيه اللهوم أو المردود
وتحط لها اللهوم 3 مرات باليوم لأن حالتها مستعصيه
وكانت تأكلها التمر المعفوس أو المعبوط اللي فيه لهوم ورشاد وسمن
وحست امي بتحسن
وفي اليوم الخامس نزلت المشيمه منها وحست بفرق شاسع بصحتها
وعافيتها
وخلصت الخمس اايام وحان وقت انها تروح مع زوجها (ابوي) فعطفت
عليها المره بما انها عارفه ظروف امي ان مالها احد بالديره
وان تعتبر يتيمه وعمرها 17 سنه
فقالت لها يا بنتي بما انج ما راح تكونين قريب عندي
ولا راح اقدر اوصل لج اللهوم راح اعلمج طريقته
وورتها كل الأعشاب والمقادير
وورتها عشبه معينه وقالت شفتيها قالت ايه قالت لا تستخدمينها ابدا
تراها تخرب واسمها العفص لا تستخدمينها ابدا
وكانت أمي الله يرحمها ذكيه وتفهم بسرعه
وحفظته عن ظهر قلب
ومن عرفته من أهل وجيران وأصدقاء كانت تسويه لهم
وتعطيهم بنفاسهم ودورتهم مجانا وببلاش
ماتبي من وراه إلأا الأجر
لأنها عانت قبل وعارفه شنو أهمية اللهوم والمردود
الله يرحمها ويغمد روحها الجنه
والله يجزي المره اللي ساعدتها وعلمتها هذا العلم
المره هذي ليومنا هذا واجرها عند الله ماشي
لأنها علمت امي علم ينتفع به
والناس استفادت منه وايد
واليوم انا بنتها اقول لكم لا تستهينون يا بنات اليوم باللهوم
ترى أهم شي بالنفاس اللهوم
نصيحه خلو عنكم الدلع واي ما بي طعمه مو حلو
وما ادري شنو لااااا انتبهي ترى بعدين تندمين وتخربين
فنصيحه لوجه الله لا تخلينه أكليه بنفاسج وحتى بالدوره وايد زين
بس هاه ما يكون فيه عفص لأن بالأساس غير صالح للأكل ويخرب بعد
وسلامتكم :klhfl:
