قصه بنتي مع عصفورها

[White]

بسم الله الرحمن الرحيم

قصة بنتي مع عصفورها قصة تعور القلب
حبيت اقولكم اياها عشان تشاركوني وتفيدوني

بنتي الله يحفظها خذت طبعي انا وابوها وطلعت تحب الحيوانات والطيور والزواحف والاسماك حتى الزهوي تقول يحليله

)

المهم دايما تحن علينا تبي حيوان في البيت .. وحلم حياتها تربي أســـــــــــــــــد
او فيل
أو حصان في غرفتها

وكل شي مما ثقل وزنه وكبرت شهيته

في يوم من الايام ابوها حقق جزء من احلامها ويابلها عصفور .. نوع فلاشر وهو يشبه البغبغاء لكن حجمه صغير مثل العصفور العادي ..

كان توه صار له اسبوع طالع من البيضة .. واول مايبناه البيت حطته بنتي بحضنها وحبته من اول نظرة

واهو سبحان الله صار يعرفنا كلنا في البيت .. ودايما يبي بنتي ويدورها

واذا برده قفصه يمسك هدوم بنتي بمنقاره .. ويقعد في حضنها وينام .. او في ايدها وتغطي عليه وينام

وسميناه سمسم ..

وكل يوم الحب يزيد .. وكلنا في البيت حبيناه لانه كان عنده شخصيه مميزة .. ويتفاعل معانا ..

المهم انه كبر وتعلم يطير .. بس كنه حاطينه في صندوق خشب لانه ماكان يطر .. والصندوق في فتحه

فكان على كيفه يطلع ويدخل ويحوس بالبيت

مرة كنت قاعده اطبخ .. جان يطيح العصفور في جدر الماي الحار ... شلته بسرعه وكتيت عليه ماي بارد

بس ماقدر يستحمل حبيبي ومات .. بنتي شافت كل شي ..

وتعقدت .. ونفسيتها تعبت حيييييييييييييييل

وانا ظليت طول الليل ابجي .. على عصفورنا وعلى بنتي


موته شنيعه صح ..؟؟

من عقبها قررت اني ما ايب حق بنتي حيوانات عشان لاتتعلق فيهم ويتتعقد...

بس ابوها كان نظرته غير .. يقول خل انيبلها حيوان عشان تنسى

وسوه الي براسه .. وماتم شهر جان ايبلها عصفورثاني

وتعلقت فيه حييييييييييييييل

وكانت تخاف اطبخ واهو موجود .. وتخاف تلعب عشان لاتحوشه
وتخاف تاكل وتحاتيه حيل وسمته سمسم الثاني

المهم

بعد فتره طلع لها مثل حزازة في ايدها

اخترعنا وخفنا وعلى طول على الطبيب

قالوا مايدرون من شنو .. وما يعتقدون انه من العصفور

لما طابت صار في اختها الصغيرة
ولما طابت صار في ابوها وبعدين فيني

الدكتورة قالت احتمال كبير من العصفور

اضطرينا انطلعه بره البيت .. وانكسر قلب بنتي مرة ثانيه

فهمناه انه يسويلنا حساسيه .. بس كل يوم تسألني الحصان يسوي حساسية والغزالة تسوي حساسية والزرافة تسوي حساسية

عشان تيب حيوان في البيت .. نسيت اقولكم اني ساكنه بشقة عشان جذي من الاول ما كنت اييب حيوانات...

والحين قولولي شرايكم ..

وشسوي مع بنتي .. اييب لها حيوان ثاني ولا اخليها تنسى ؟؟

 

[c00L G!RL]

الله يعينج

 

[ديمة الحلوة]

شتري لها قطوة أو كتاكيت لا تفكرين تشترين لها سلحفاة صدقيني ما بتونسها

 

[سكارف.فوشي]

وااااااااااي اندمجت معاج ونعست جنج تقوليلي قصه قبل النوم هههه بس شلعتي قلبي عليها وعلى العصفور فديته
جربي بقطوه صغيره
احس العصافير حساسه وايد وماتتحمل شي
جربي هامستر صغيرونو
على فكره حلو اسلوبج في طرح القصه

:sfg:

 

[Kawaii GiяL]

بالعكس انا من رايي تشترين لها ماشاالله بنتج من اللي قاعده تقولينه حريييصه و تتحمل مسؤووليه ,, و قدها و قدود ,,
و دامها حابه الحيوانات ,, اشتريلها شئ يديد يناسبكم كلكم .. عشان ما تطلعونه و تعورون قلبها ,,
و تكسب فيهم اجر ,,,

اشتريلها هامستر مثلا ,,
او قطوة اذا مافيكم حساسيه من الشعر اختارو نووع شعره قصير مثل السيامي صج انه جيكر بس ينحب على الاخر ووفي لصاحبه اوفى حيوان بعد الجلب عزكم الله و حركاته تهبل ,, جيكر بس ينحب

امممممممم اشتريلها طير فلاشر ثاني لان مشى معاكم تمام بس الثاني يمكن فيه مرض او نوع ما يناسبكم ..
مادري بس تستاهل بنووتج لا تكسرين بخاطرها

 

[الكرزي]

شوفي حبيبتي اللي فهمته من كلامج ان بنتج حنوووووووووووووونة وقلبها طيب وحبوبة بعد ومانصحج تبعدين عنها الحيوانات يبيلها حيوان مايسببلكم حساسية ونفس الوقت اتحبة بنتج ...الصراحة عورتي قلبي ابهالقصة موتة شنيعة ابجدر عاد !!!!الله يعين قلبج اكيد تعبت نفسيتج وايد

 

[sweet cake]

والله رايي من راي سكارف وكاواي والكرزي << اخلصي

 

[نبضي جابر]

ياحياتي صج موته تخليكم تتعقدون

بس آنا أقول قطوه قطوه قطوه
ولو عندكم حديقه جان قلت لج خروف صغير لإن إهي شكلها تحب الحيوانات الكبيره
والقطوه والخروف صج يخلونج تفصلين حركاتهم حلوه ويحبون صاحبهم

 

[Ms_sWeeTaa]

وي مسكين تعذب في موته
يلا ما عليه كلنا بنموت

بس دام بنتج تحب الحيوانات عادي يبيلها غيره
اول واحد ما صار فيكم حساسية منه بس على الثاني شكله اهوا فيه شي ولا مو معقوله كلكم طلع فيكم نفس الحساسية مرة وحده

يبيلها عصفور حلو صغيروونو وتأكدوا انه مو مريض ومافيه شي
او اذا عندج مكان يبيلها قطوة صغيرة

بس مشالله بنتج تبي حصان مرة وحدة لووول يحليها ذكرتني بنفسي وانا صغيرة كنت ابي بوني لوووول
فديتها والله اشتريلها تستاهل :*

 

[حنونة المزيوونه]

ويي حيااتي كسرتوا خاطري اننتي وبنتج :'(

انصحج تااخذين لها قطووه او هامستر يشوقوون

 

[White]

ديمه مو جنه احسن سلحفاه .. احنا انموت والسلحفاة ما تموت

 

[White]

اشكركم كلكم على تعاطفكم ..

كل الي قلتوه صح بنتي حنونه وحساسه .. واهم شي تحب الحيوانات

بس في شي نسيت اقولكم اياة .. اهل ابوها فيهم ربو .. يعني اذا يبتها حيوانات فيها شعر ممكن تتأثر ويصير فيها

شفتو شلون انا بمشكله .. مسكينه كل اهدومها على حيوانات ..

حتى بالروضة لما سووا حفله تنكريه قلتلها بشتريلج اهدوم اميرة .. جان تبجي وتقول تبي اسد أو منكي (شاذي)

ابوها اقترح حوض سمج .. بس انا مو راضيه .. لانهم بس زينه مو حلووين.. ما ينلمون

 

[sweet cake]

حبووووبه مو شرط يأثر على الربو..
اختي معاها ربو وكانت على طول بالمستشفى.. تخيلي شهريا تتعب وينومونها هناك اسبوع تقريبا..
ولما شريت قطوه ما تأثرت كللللش وبالعكس من شريتها اختي ما دخلت المستشفى..

 

[Aboosah]

واااااااااااااااااااااي قلبي عورني ع بنتج اشتري لهاا حيوان كبيرر وله مناعه مثل القطوه تينن وتسوي جوو بالبيت

 

[ديمة الحلوة]

أنا أقول لك الحيوانات الي ربيتها من يوم وأنا صغيرة أول شيء عصفورين
2: سلحفاة
3: قطوة
4: سمج
5: قطوة كمان
6: سمج
والحين أنا ناوية أشتري قطوة

 

[ديمة الحلوة]

أووووووووووووه نسيت أقولج وكان عندي كتكوت ههههههههههه

 

[White]

بنــــــــــــــــــــــــات أبشركم

طلع عصفورنا الثاني اهو الي مريض وعادانا كلنا ...

الحين قلنا حق بنتي تنقيلها الحيوان غلي تبيه وراح نشتريلها اياه

تتوقوعون شنو نقت؟؟