قصــة ولادتي بفطومه والعمليه الانتحاريه الكبرى الي ولدتني حياكم

[(m & m)]

السلام عليكم و رحمة الله و بركاته

بداية احمد الله و اشكره ولدت بتاريخ 4-6 يوم الجمعه

و يتني بنيتي فطومه حبيبتي الصغنونه :eh_s(22):

بداية انا بجر و دشيت الشهر العاشر و كانت دكتورتي معطيتني اخر موعد 6-6 اذا ما ولدت اروح لها تولدني بطلق صناعي

بصراحه كنت احس باحباط مو طبيعي لاني طولت وكل يوم اقول باجر انشاء الله اولد كتبت موضوع هني بالمنتدى

عن العمليات الانتحاريه بالشهر التاسع انشاء الله تقرونه و تستفيدون منه

كاهو الموضوع اتمنى تستفيدون منه

http://www.q8yat.net/showthread.php?t=626532

وطبعا بديت بتطبيق هالعمليات بالشهر العاشر لووووول المهم الي صار اني بتاريخ 2-6 قمت اوسوس

البيبيه ما قامت تتحرك وانا قاريه ان الطفل بالتاسع لابد يتحرك عالاقل 10 حرمات باليوم ما قدرت بليل انام

وظليت احن على زوجي الصبح و اقوله يلا نروح الطبيب بعدها قلت بنطر عليها اذا ما تحركت نروح الطبيب

طبعا نفسيتي حزتها كانت تحت الصفر و ظليت اوسوس و اوسوس وهي ما تحركت ابدا لين صارت الساعه 10

دقيت على زوجي يوديني الطبيب و انا ميييته من الخرعه بس لله الحمد كانت بخير بس للحين معصبه عليها ليش خرعتني هالكثر

شيطونه المهم يا بنات

صار تاريخ 3-6 وانا كنت ناويه اولد بتاريخ 4-6 كنت ادش المنتدى و اقرى تجارب البنات عشان ابلش بعمليتي الانتحاريه

الكبرىىىىىى الي اتمنى كل وحده زهقت مثلي تجربها و يا رب تولد بعدها بجم ساعه

المهم قررت في البدايه اسويلي خطه حق يوم الخميس عشان اليمعه باذن الله اولد

الي صار اني دقيت على دكتورتي فوزيه القطان و حجزت موعد عشان الفحص و عشان توسعني

و بعدها طلبت من زوجي ييبلي نعناع و انانااااااااسسسس وكنت قاريه عن تجربة اختي ساره العويس انها مشت من المركز

العلمي لي مركز سلطان طبعا يعني مما لا يقل عن ساعتين مشييي و قررت بليل اطبق هالفكره

بنات اعذروني قام اكتب القصه بالتفاصيل ابي الي دشاو التاسع يستفيدون من قصتي اخذ بريك و اكمل لكم اشصار :eh_s(20):

 

[لك الحمد يا ربي]

مبروووووووووووووووووووووووووك ماياج تتربى بعزكم

 

[وردة بنفسجيه]

تبارك الله.. الحمدلله على سلامتج وربي يبارك لج بالموهوبة ورزقك بره.. ويجعلها ربي من الذرية الصالحة

 

[زوجة جوجي]

الحمدلله على سلامتج وتتربى بعزكم فطوم

 

[om__jana]

الحمدلله على سلامتج حبيبتي وتتربى بعزكم فطومه

 

[Bn0ta*anota]

مبرووك والحمدالله على سلامتكم انتي والبيبي

 

[tmtmt]

وانا اقول وينها ما تبين

الحمدالله على سلامتج
بانتظار باقي القصه

 

[(m & m)]

باااااااك الله يبارك فيكم جميعا :eh_s(17):

المهم صار يوم الخميس الصبح

رحت موعدي عند الدكتوره عالساعه 12 بعد الصلاة بس ماكانت موجوده

فرحت عند امبرين توسعني الي انصدمت منه اني كنت مفتوحه سانتي واحد بسسسس هذا بعد التوسيع

بس قلت ما عليه بشد حيلي و انشاء الله باجر ولاده باذن الله

المهم صار الليل و بعد الصلاة على طول طلعنا عالمركز العلمي و كانت ليلة اليمعه

وحده مسخره لوووول يعني تشوفون الناس بوادي وانا و كرشتي بوادي ثاني ههههه

المهم مشيت مشييييييي لين حسيت اني قمت اعري و فصخت الجوتي عشان ارد لان صج يتعب

وكنت يايبه معاي الاناناس وقفنا بس 3 مرات وكل ما نوقف و ندبه اناناس

بعد هالمشي رديت البيت و بالطريج قلنا نمر ناخذ الخروع من الصيدليه

طبعا انا ما كنت متحمسه لفكرة الخروع لاني خذيته من قبل ومايابلي غير تكرمون الاسهال

الي اكتشفته من تجارب البنات هني ان هذا شي طبيعي ممكن اول و ثاني و ثالث مره تكرمون اسهال

بس في النهايه انشاء الله بييلج الطلق المهم خذيت الخروع للمره الثانيه و لما ردينا البيت شربته عالساعه 12 وبعدها

ما قدرت انام كلللللش كنت اتالم و كل شوي حماااااام قلت بشرب معاه نعناع مغلي بالمره و بكمل اكل اناناس

طبعا هني بديت ارجع تكرمون يمكن لاني كثرت العمليات الانتحاريه المهم صار وقت الصلاة صليت

وقلت حق زوجي احتمال صارت ترا بعدها عالساعه 6 قام ييلي عوار و يروح بالبدايه كان خفيف بس شوي شوي قام يزيد

و يزيد و يزيد عالساعه 8 حسيت انه طلق خلاص صار جماع وبعده على طول عالمستشفى

المهم الله يسلمكم يوم رحت المستشفى اول ما وصلت الكل كان عارف انه ولاده من اول ما شافوني كنت متالمه حديييي

و يوم رحت الغرفه مالت التخطيط صرخت صراخ اليهههههد و قمت ارجع حتى رجعت على دشداشة ريلي مسكين

اشتغفر الله مليون مره رجعت و ما لاعت جبده الرياييل ما ادري اشلون صايرين

اذكر كان قام يصورني للذكرى و يقول ما تحبين تقولين شي قتله اي ابيك تسكت والله اني كنت مجرمه بس من الالم مو طبيعي

الصدمه الكبرى يوم يتلي الدكتوره الي بالمستشفى على فكره المستشفى رويال حياة و دكتورتي فوزيه القطان من برى المستشفى

يوم فحصتني جن تقولي انتي سانتي واحد وهذا مو طلق هذا مغص من الخروع وااااااااااااي بقبقت عيوني قلت لها مستحيل

وزوجي يتطنز علي كان قام يقرا قران عشان يخف العوار واي كنت بموت من العوار قالتلي راح اسويلج تخطيط و بعدها

بربع ساعه اقولج اذا ولاده ولا تروحين البيت طبعا انا من كثر ما صرخت صراخ والله قلبت المستشفى فوق تحت

لحظه اخذ بريك و اكمل اصابعي يعوروني وايد قرقت لووول

 

[غلاي امي وزوجي]

الحمدلله على سلامتج وتربى بعزج وبعز ابوها يا رب

وننطر باقي القصه

 

[om...al3ess]

مبروووووووووووووك ماااياج حبيبتي وتربى بعززج والحمد الله على السلامة

 

[احلى مريومه]

الحمدالله على سلامتج ومبروك ما ياج
ناطرين باجي القصة

 

[دآنة آلرشآيده]

الف الف الف مبروك والحمدلله على سلامتج
تتربى بعزج ان شاء الله

 

[(m & m)]

المهم بس شافت بالتخطيط طلق خفيف جن توسعني صرت اثنين سانتي و طشر دم بس ما حسيت بعوار

كثر العوار الي كنت احس فيه طبعا كنت طالبه ابرة ظهر بس للاسف ماكان في دكتوره كان في دكتور

المهم دخلوني ولاده و نطراو علي طبعا عطوني الكمام واااااااااااااي شنو وناااااااااااااااااااااسه الكمام شي مو طبيعي

حده يونس عالم ثاني واااااااااي اشحلات الكمام واهما معطيني ياه بغيت اطلعه و كان زوجي عندي كنت بعطيه ياه بس طلعته

جن احس بالعوار على طوووووووووووووووووول رديته بعد الولاده كنت شاكه انهم طتقيني بوكس خشمي كان يعورني حيل

جن استوعب انه من كثر ما شفطت بهالكمام واي ودي اولد مره ثانيه عشان اخذ الكمام ههههههههه صج كمامهم عجيييييييييييييييب

اول ما عطتني السستر الكمام قتها مشكوره يا صديقتي و اذكر اني قتلها احبج وانا كنت مصرخه عليها من قبل ههههههههه

المهم فتحت عيني ولا اشوف جدامي زوجي و عيونه تدمع و ماسك بيبيه صغنونه بس ما شفتها عدل سالته اول ما فتحت عيوني

انا ولدت ؟ قالي اي ولدتي سالته مره ثانيه انا ولدت ؟ وقعدت اجيس بطني والله ما حسيت بشي كنت مخدره عالاخره

الحمد لله بعدها يابولي كتكوتي وااااااااااي وناسه يوم شفتها نسيت العوار و نسيت الولاده الله يخلي لها يا رب

بنات الله يرزقكم بالولاده السهله يا رب اخر الايام كنت ادعي ربي وايد ان ولادتي تكون سهله والحمد لله

ولدت الساعه 12 و اربعين دقيقه و ما اذكر اني شفت دكتورتي لاني كنت تحت تاثير الكمام بس الي قالي ياه زوجي

انه من يت ما طولت غير 5 دقايق الا وانا والده ولله الحمد بالاخير كنت متمسكه بالكمام من كثر ما اهو وناسه و النيرس

تضحك علي و تسحبه من ايدي سحب تقول خلاص خلص ولاده لوووووووووول

اي استفسار انا حاضره دعواتي لبنيتي الصغنونه تكفون

 

[غلاي امي وزوجي]

حبيبتي كم كلفت ولادتج فيه؟؟؟

 

[وردة الكاميليا]

الحمد الله على سلامتج

 

[$حبيبة عبودي$]

مبروك والحمدلله على سلامتج تتربى بعزكم ..عاد انا عكسج الكمام يلوع جبدي بس اختي نفسج تحبه ...

 

[fofowa_q8]

الحمدلله على سلامتج

و الله يخلي لج الكتكوته ويصلحها يارب

 

[أم حمودي**MALL**]

الحمد لله عالسلامه
صج عمليه انتحاريه

 

[حبـ admant ـك]

الحمدلله على سلامتج وتتربى بعزكم

 

[shaymo0ona]

مبروووك ماياج حبيبتي ...سولفيلنا عن خدماتهم و عن معاملتهم