مستوعب الجرح وإلاّ ماتخيلته
إليا أسألوني عليك وقلت خلاّني
قصّرت عمر الفرح والحزن طولته
واليوم بان الكبر في وجه حرماني
لو كل حكي ٍ يجي في خاطري قلته
ماشفت بعض الكلام يجرّح الساني
تركتني بالغياب اللي تساهلته
ماقلت لي قبل ترحل وين ابلقاني
في شارع الذكريات اللي تجولته
واقف على سكّة الغيّاب وحداني
أسأل رصيف إنتظاري ليه ازعلته
كنت أحتري شخص مثلي الليله يعاني
كل درب يمكن يجيب ماتجاهلته
كل درب جابك عليّ مرّ وتعداني
مافيه حلم ٍ يقرّب ماتسولته
كن الليالي على وصلك تحداني
ليت الصدف غصن وإليا أحتجت لك طلته
وأقطف ثمر جيّتك وأفتح لك احضاني
يفرحني العام بابي لاتقبلته
واليوم أخاف الرياح وصوت بيباني
الورد يذبل مع الأيام لـ أهملته
وإنت أكثر أنسان أهملني ولاجاني
قدام عينك يطيح القلب ماشلته
عطني عذر واحد يخليك تنساني
ضاري على البعد إلاّ حيل جملته
الظاهر أهلك موصينك بـ هجراني
ماردّك العيب عن جرح ٍ تثاقلته
ولاردّك أصلك ولا تكفى عن أحزاني
علمني شلون نحر القلب حللته
(( ديانتك )) تسمح بذبح آدمي ثاني
يامنظرك وإنت مقفي ماتحملته
من كثر مـ ابكي عليك الدمع أعماني
من ماي عيني أذوق البعد وأسئلته
الدمع مالح / وهذا طعم خلاّني
الحب ثوب ٍ لبسته وإنت فصلته
كم قلت لك خايف أحبك وتجفاني
غلطان يوم أمسكك والدرب واصلته
مايجتمع بارد أحساسك ونيراني
لو في يدي كان هذا القلب بدلته
لي قلب مايذّي العالم وآذاني
لجلك بكيت العمر والشوق سيلته
محتاج تبكي معي مرّه على شاني
إليا أسألوني عليك وقلت خلاّني
قصّرت عمر الفرح والحزن طولته
واليوم بان الكبر في وجه حرماني
لو كل حكي ٍ يجي في خاطري قلته
ماشفت بعض الكلام يجرّح الساني
تركتني بالغياب اللي تساهلته
ماقلت لي قبل ترحل وين ابلقاني
في شارع الذكريات اللي تجولته
واقف على سكّة الغيّاب وحداني
أسأل رصيف إنتظاري ليه ازعلته
كنت أحتري شخص مثلي الليله يعاني
كل درب يمكن يجيب ماتجاهلته
كل درب جابك عليّ مرّ وتعداني
مافيه حلم ٍ يقرّب ماتسولته
كن الليالي على وصلك تحداني
ليت الصدف غصن وإليا أحتجت لك طلته
وأقطف ثمر جيّتك وأفتح لك احضاني
يفرحني العام بابي لاتقبلته
واليوم أخاف الرياح وصوت بيباني
الورد يذبل مع الأيام لـ أهملته
وإنت أكثر أنسان أهملني ولاجاني
قدام عينك يطيح القلب ماشلته
عطني عذر واحد يخليك تنساني
ضاري على البعد إلاّ حيل جملته
الظاهر أهلك موصينك بـ هجراني
ماردّك العيب عن جرح ٍ تثاقلته
ولاردّك أصلك ولا تكفى عن أحزاني
علمني شلون نحر القلب حللته
(( ديانتك )) تسمح بذبح آدمي ثاني
يامنظرك وإنت مقفي ماتحملته
من كثر مـ ابكي عليك الدمع أعماني
من ماي عيني أذوق البعد وأسئلته
الدمع مالح / وهذا طعم خلاّني
الحب ثوب ٍ لبسته وإنت فصلته
كم قلت لك خايف أحبك وتجفاني
غلطان يوم أمسكك والدرب واصلته
مايجتمع بارد أحساسك ونيراني
لو في يدي كان هذا القلب بدلته
لي قلب مايذّي العالم وآذاني
لجلك بكيت العمر والشوق سيلته
محتاج تبكي معي مرّه على شاني
