Puff-Pastry
New member
- إنضم
- 24 أغسطس 2009
- المشاركات
- 52
- مستوى التفاعل
- 0
- النقاط
- 0
السلام عليكم حبايبي هذا باذن الله راح يكون الجزء الاول من قصصي والصالونات اللي زرتها
اتمناها قصص خفيفة على قلوبكم وعندي اقتراح ليش ما تحط كل وحدة قصتها ويا الصالون اللي سود وييها يا بتسريحة أو مكياج وطبعا بدون اسامي او مكان حفاظا عل الصالون
اتمناها قصص خفيفة على قلوبكم وعندي اقتراح ليش ما تحط كل وحدة قصتها ويا الصالون اللي سود وييها يا بتسريحة أو مكياج وطبعا بدون اسامي او مكان حفاظا عل الصالون
الجزء الاول
المناسبات بالكويت غير وطبعا بالاعراس حيث كل بنت انها تصير احلى وحده بالحفلة وطبعا اختكم بف باستري راودها هذا الحلم من يوم كانت بالروضة ولا ويكمن من يوم كنت جنين ببطن أمي وطبعا بعد مداولات وسجالات و مناوشات وادوارة وتعب اخترنا انا واختي الصالون اللي بني نروح نتشكك فيه للعرس وما كان اي عرس كان عرس واحد من الاهل .
وركبنا السيارة بعد وما وصتني أمي الوصايا العشر وهي كالاتي:
1- لا تتلفتين يمين ويسار لا يقولون عنج مخروشة
2- لا تسبين البنت السنعة ما تسب
3- خللي السايق يسوق براكده
4- لا تتضحكون بصوت عالي
5- اخذوا شيال كبيرة علشان تغطي التسريحة
6- اذا وصلتو الصالون دقي علي
7- اذا بديتو مكياج دقي عل
8- اذا بديتو تسريحة دقي عل
9- اذا زحمة دقي علي يمكن تبي تدز لنا اسناد والله مادري
10- احرصي على عمرج
وصلنا الصالون واستقبلتنا ذيج الفيليبنية اللي حاطة كيلو مكياج على وييها وما دريت الا اختي لازقة فيني وتقول مستحيل احط الطحين على ويهي ورديت وانا بعد المهم دخلنا انا واختي لصاحبة الصالون العبوسة وتضحك من طرف خشمها وكالعادة بحكم السن احمممم احمممم والخبرة في هذه الدنيا نوليت الحديث وضحت وجهة نظري ان المكياج سنع مو الهلاقة ولا تخليني مثل كليوبترا اللي انقرضت من زمان ولا كيلو طحين تحطينه بويهي ولا ولا والاهل من هذا كله ما تحطيلي بوز للعين وردت صاحبة الصالون انشاء الله تامرين أمر وال شي تسوونه تسشورون الشعر ورحنا واخذتني ذينك الهندية اللي تارسه شعرها زيت وتقول جيل ومن ريحته يبين انه زيت دابر املا المهم بدات وقلت لها شنو ابي والرفعة شلون ومن وين تبتدي المهم استشورت الشعر اللي والله بلا مبالغة احس انه شب دخان فيه وقالت : go now and wear yr make up وطبعا اختكم بف-باستري ما صدقت تنحاش من العذاب ويوم دخلت لغرفة المكياج قالت انسدحي على الشيزلو والله العظيم بلا مبالغة قلت شنو طبيب نفسي وضحكت واختي انقزنتي وقالت سكتي لا تستخدم ماركر دائم وما يروح مكياجك وقلت معاج حق وبدت فيني تلطخ وتقول فوق تحت يمين يسار مثل مدربة الرياضة ولا خلتني اشيل اغراض المكياج مثل البودرة والشدو ويوم خلصت قالت شوفي مكياجك حبيبتي ويا الهول وهول مارايت
والا تتوقعون شنو؟ اعرابي من المكياج شنو؟ مادري :klhfl:
خلوني اوصف كما وصفتي اختي تقول : كانك طايحة بخيشة طحين من كثر الكريم وصايرة مثل الجيشا( فتيات الضيافة في اليابان ويتميزون بكثرة استخدام الكريم) و عيونج يا سلام على عيونج جنه مايكل تايسون معطيج بكس مو مرة مرتين والا البراطم جنها حايشها خازباز:krkrkr: وانا انثولت وضحكت بهستيريا وقلت مشكورة ويوم صفا عقلي لفيت لاختي وقلت دورج علشان اقتص منها لاني قلت لها راقبي واي شي غلط قولي وبدت باختي ومثل الشي بس هالمرة راح اوصفها البياض مثل بياض الثلج ولا واحلى والعيون يا عيني ما بقى لون ماحطته صارت مثل الاراجوز اللي باسيرك اللي دايمن يلبس احمر والبراطم مثل براطمي حايشها خازباز المهم خلصنا من المكياج وطبعا تمدح وعجاف الاستاف اللي بالصالون واااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااايد
وبدت معركة التسريحة اللي ما اضبطتها ولا خلتلها مايلة وبلا مبالغة مثل برج بيزا المايل واختي شعرها جعد وسوولها ذيج التسريحة اللي مو بس طير يسكن فيه ممكن تصير مستعمرة طيور
ودفعنا الحساب وهو اكبر غلط سويناه:0bee2e8d89: ورحنا وصرنا مصخرة البيت والمصيبة اني شايفة شغلهم نظيف و حلو وبعد سمعته زينه والله لا يعود ذاك اليوم
وشكرا نهاية الجزء الاول
