قصتي مع عملية التلقيح

[hwt]

السلام عليكم بنات شلونكم اليوم صج عرفت انه اجر الوالدين على الله لا انا ولا اي ا حد يقدر يوفي الي سوه لنا تخيلو الام شلون تتعب وتشقى على شان اتيب بيبي والكلام هذا خاص حق الي حملهم صعب تخيلو انا من يوم السبت اسوي تلقيح صناعي بس ما نفع معاي يقولولي رحمج حيل ضيج محنا قادرين اندخل العينه و يوم الاحد نفس الطريقه ما بقى دكتور ما طل علي بلمستشفى وانا استحي من الريايل:tomato2: بس تخيلو سلمت امري لله وسكت بس يا بنات ما استحملت العوار وقعد ينزل على دم جان اتقررلي الدكتوره عملية تلقيح بس ابنج عام وسويتها اليوم الصبح بس حاسه بعوار برحمي مو طبيعي وقاعد ينزل علي دم يقول الدكتور هذا من التوسعه بس صج يابنات تعبت من ابنج وقعدت اتخيل اذا الله رزقني الذريه الصالحه باذنه الكريم الرزاق ابي اعلمهم بكل الي مريت فيه عشان يعرفون انا اشكثر تعبت عشان ايبهم:dddds:بنات بغيت اسالكم من صار فيها نفسي

 

[الاسطورية]

الله يسهل عليج ان شاءالله ويحقق الي تبينه

 

[Hello_kitty]

حبيبتي بجيتني والله يبتيها على الوتر الحساس

لأن فعلا اكثر شي تعبانه منه ويبجيني هالتكشف ما بقى احد ماطل

كل شوي سونار وكل شوي منظار الله يرحمنا برحمته ويعوض صبرنا ولا يضيع تعبنا ياااااااااااارب

 

[قلبي معاك]

اجر وعافيه ياحبيبتي والله يسهل عليج ويثبت حمالج ويجعله من الذريه الصالحه ويقر عيونكم بشوفته امييين

 

[أمونة الحلوة]

اي والله يا حياتي ماكو شي ايي بالساهل سبحان الله لازم نتعب علشان نحصل اللي نبيه عاد تصدقين نفس الكلام اللي اقوله حق ريلي اذا ربي رزقني بيهال بقولهم اني تعبت علشان اييبهم

ربي يسهل عليج يارب و يثبته لج يارب

ربي يرزقج بالذريه الصالحه اللهم امين

 

[hwt]

امين يا رب الله لا يخيب التعب ويرزقنا كلنا الذريه الصالحه انشاء الله والله انج صاجه يا اختي كيدي عظيم قمت اتضايق انه ما بقى احد ما كشف علي احس بس صارت روحت الدكتور هم على القلب

 

[foozia_87]

ربي يرزقج بالذريه الصالحه

 

[كويتيه مذهله 87]

والله بجيييتييييني


صج راح نعلم اعيااالنا اشكثر تعبناا وعالجنا علي ما انييبهم وانشالله يطلعون بااارين

وانا الصراحه كل ييوم اتعلق بأمي واخاف عليييييييييها من الهوا لاني صج صج حسيت فيها لان هي 9 سنين ما حملت

حبيبتي انا اختي عندها حمااه نفسج بس انا الي سمعت عنها اذا حملت وطبت التاسع وقت ما تبي يولدونها هي بكييفها لان رحمهااا ضيج


والله يرزقج يااارب

 

[لؤلؤية]

الله لا يخسر تعبج
لا تخافين نزول الدم بعد التلقيح عادي...وطبيعي
والليلة راح تحسين بالم ورا
ماني عارفة شلون اشرحه
بس تفاءلي وباذن الله تبشرينا بحملج

 

[$غــ(ز)ــل$]

باذن الله تحملين وتجيبين صبيان وبنات حلوين
وتقوووليلهم شلوون تعبتي وصبررتي

 

[eng.q8]

الله يرزقج الذريه الصالحه ويهون عليج

 

[البيداء_77]

الله ياجرج يا رب ويرزقج

 

[طمني بس]

خوفتيني انا ابغى اسوي تلقيح الصناعي بس يارب نحمل ومايضيع تعبنا رب العباد...

 

[هندااا]

انا بعد كان عندي الرحم ضيج وقت التلقيح وغيرولي (الجهاز) الي يفتح عنق الرح ويابولي اصغر منه...وقالت الطبية لانج ماعندج عيال فعنق الرحم مومتوسع...صج صج يعور بس الحمد الله ماحتجت بنج عام....يمكن انتي وايد اضيج...

الله يرزقنا بهالشهر ياااااااااااارب

 

[تمر حنا]

يا قلبي انتي ان شاء الله كل شي بتعبه وربي يرزقج وتفرحين بعياااالج يارب

 

[hwt]

ويرزقناوياكم يا رب العالمين بس بنات ذبحني الدم

 

[giuo]

الله يرزقكم كلكم بالذريه الصالحه وانا بعد وياكم

 

[&زهرة اللوتس&]

الله يسهل امرك ويرزقك الذرية الصالحة

 

[hwt]

مشكورين على الدعاء والردود