قصتي مع زوجي غريبه..مالي غيركم

[omsalman87]

بنات بقولكم بسالفتي الي ماعمري سولفت فيها حق احد ، ماعندي أحد أفضفضله عن هالسالفه....


صارلي تقريبا 4 شهور متزوجته ، تزوجني لأني أشبه أمي... وعنده أمي ملكت جمال الكون....
آنا ما كنت عايشه عند امي الا من بعد وفاة ابوي ، لانهم انفصلوا لمن كنت صغيرة وبعدين كل واحد فيهم تزوج...
أمي تزوجت بعد أبوي 4مرات وتطلقت...وبعد وفاة أبوي عشت عند امي اربع سنين وبعدين تزوجت، زوجي ولد خالي يعني امي تصير عمته...
زوجي يشوف امي بنظرة ثانيه، ما يشوفها انها عمته ... يشوفها وحده حلوه قاعدة تكلمه... يليت تفهمون قصدي... بنات والله ما أبالغ ان الي يشوف امي مايقول عمرها أربعين... آنه عمري 21 سنه وشكلها كبري واحلى مني....
صرت اكره اقعد مع امي لمن زوجي يكون معاي ... ماودي احس بهالاحساس بس أهو خلاني احس بهالاحساس... كل وحده فينا فاهمه رغبت زوجها (يقعد يشوف أمي بنظرة وصخه)
وينسى اني قاعده يمه.... المشكله ان امي حاسه بهالشي واحسها تزيد بدلعها لمن يكون موجود... قالتلي أمي قبل ما أتزوجه(أخاف تغارين مني بعدين ا\ا تزوجتي ولد خالج) ماكنت فاهمه شتقصد بس الحين فهمت...
بنات والله ماودي يصير هالشي وخصوصا مع أمي... أمي أحبها وايد.. والله أحبها وايد مو مستوعبه اللي قاعد يصير بس والله يابنات ه\ا اللي صاير معاي... حتى لمن يقعد يسولف عن أمي ما أحس يسولف عن عمته، يسولف بطريقة قلة أدب...
يكسر خاطري شوي ويموت....
قالي آنا خ\يتج لأنج تشابهين أمج ، بس ماتوصلين بجمال أمج....
أنقهر بنات.... يعني لمن تزورني أمي البيت يدخل زوجي عالم ثاني ولمن تكون توها طالعه تزيد شهوته و.....
أحب أمي وايد وآنا الحين من بعد ماتوفى أبوي مالي غيرها.... بس حركات أمي لمن تنعم صوتها ا\ا كان زوجي موجود وتتدلع وتزيد كل ماحست انه مستانس....
أحس هالشي يبعدني عنها ويخليني أغار... بنات آنا بشر..... زوجي قليل أدب.... ماني عارفه شسوي والله متضايقه..
ماعمري حسست زوجي اني أغار...
ودايما لمن يسولف عن أمي بهالكلام أجاريه... علشان ج\يه ماخ\ راحته معاي بالكلام ومصارحني بشعوره ناحيتها....
بس لمن يخلص كلامه أروح أقعد بروحي وأبجي...

 

[جوزائيه مغروره]

استغفر الله

والله انربط لساني مودري شقوول

 

[:: لورا ::]

امج صاحية ؟؟ اشك بصراحة

وريلج شنو هالجرأة اشكره مايحترم مشاعرج صج وقح

 

[شقرديـه عالطل]

فهميه وقوليله انه حرام اللي يسويه
وقولوليله عادي عندك اشتهي ابوك اعوذبالله شوفي شيقول وفهميه انه نفس الاحساس يصير وياج اذا عصب وهم قعدي ويا امج وقوليلها اللي تسويه حرام ولو تقوليله انه زوجج مضايق من حركاتج ويقول جنج مراهقه او اي شي فهميها والله حرام ذنب
استغفرالله

 

[سمبتيكا ~]

قطييييعه !
آستغفرالله شهالزمن ؟ العمه وولد آخوها !
آنتي امبين عليج عاقله وفاهمه مشاءالله من حجيج
الله يديم عليج العقل ..
وصج سالفتج غريبه !!


​

 

[خالديه مطنوخه]

العيب مو منه العيب من امج مع احترامي لج
لانها هي اللي جرئته علي النظرات الشهاونيه
لو تهاوشه مره وتقول خاف ربك انا خالتك
وعيب اللي تسويه جان استحى وخيل علي نفسه

 

[أم الولد]

ياربي الله يعينج مدري شقول الله يصلح حالج

 

[الحنــونــة]

اووووووف الله يعينج

 

[ليتني ماوفيت]

اعوذ بالله الله لايبلانا امك من جد احسها جد مراهقه قوليلها والله زوجي يتضايق منك يقول امك كانها مراهقه ومرجوجه ليش تتدلع وهي عجوز مولايق واسفه بس والله اني انقهرت معقوله في ام كذا اعوذبالله وانتي اذاجاتك وجلست تكلمه نبيهيها قوليلها وش فيك يمه صايره تتدلعين خليها تعرس الظاهر انها مراهقه بالخمسين الله لايبلانا

 

[اماراتيه ذوووق]

الله يهدي امج

صج صج تبط الجبد

الله يعينج

 

[دلوعهـ]

حاولي تكسرين بامج يعني قوليلي .. ليش تتدلعين تراه كبر ولدج
او سوي نفسه اذا دخل عندكم خالج وشوفي شنو ردت فعله
بس وقفي امج وقفيه عند حده ولاتخلينهم يتمادون اكثر


وعسى الله يسخره لج

 

[ديانا سبنسر]

حبيتي حيل اثرت فيني قصتج بس تبين الحل ولاتزعلين مني زوجي امج امج محتاجة للزواج وحاولي تحملين اشغلي زوجج بياهل وقوي عنده الوازع الديني روحو عمرة صلي جدامه خلي نغمة تلفونج اية قرانية عن المحارم ولاتخلينه يسولف عن امج انتو معاريس البسي اسهرو مع بعض تمشو سافرو ولاتخلين امج تزورج بالبيت

 

[الاميره وبس]

ياقلبى تووك عرووس
ويقول كذااا
بصراحه امك قووووووووووووووويه لو ايش مافكر بهالشى عشان بنتى
بس امك شكلها تبى العرس
خليها تزوج (متزوجه ومطلقه اربعه )
مادرى شقول بصراحه بس الله يعييينك ويوفققك
وان شاء الله زوجك مايطالع الا انتى ياااااااااااااااااااارب ولا يفكر بأحد غيرررررررك

 

[الهندية]

استغفر الله العظيم

استغفرك واتوب اليك

 

[وحيدة خالد]

لاحول ولاقوة الا بالله

دنيا غريبه وبس الله يفرج عليج

 

[بنت عاقله]

ما اعرف شنو اقلج يمكن لانى عشت نفس القصه مع وحدة من قريباتى للاسف
بس مهما كبرنا وتعلمنا لازم وشيء اساسي احنا بشر
نخطا ونصيب ولازم نرجع لعقولنا قلبي فاهمتنى
امج حاولي ان تقنعيها بالزواج
لانه لاتنسي من كلامك انها حلوة اولا
وثانيا مشهوانيه وتزوجت اكثر من 4مرات
يعني هاى وحدها بلاء وماتستغني عن الزوج
وبصراحه كثير قصص والله وصلتنى وقريت عنها
من ضعاف النفوس والعياذ بالله من من لاقين زوج
يلجئون للاقرباء والمحللين عليهم
لاتنسي حنا بزم والعياذ بالله
لاتزعلى من كلامي تراني وحدة عمري 46
وشفت العجايب والغرايب بدنيا تعبانه
حاولي تتفهمي مع اقرب شخص عليج مثل خالك
اخو امك بطريقه مو مباشرة
ان تقولي له انه امي حلوة والكل عيونه عليها لازم تتزوج انت اخوها
حاول تشوف لها ريال خالي تكفى اخاف عليها من هاى الطريق
واحذذري كل الحذر تعطي مجال لزوجك انو
يحس انك راضيه عن سوالفه عن امك يخليه يتمادى اكثر واكثر وماتعرفين النتيجه شنو والعياذ بالله
من يبدء بالكلام عنها زعلي او سوى روحج شذى قولي له هاى امك
ولاشنو وحاولي قولي له ترى اقول لابوك انا ما اقبل ولا قومي من يمه
خليه يحس انه هاى الشيء زين وغلط

 

[جيكره(و)تتغلى25]

حبيبتي عورتي قلبي احس ومتاكده انج بازمه ادعي الله يعميج عنهم وبصراحه الاثنين مايستاهلون امج ومع احترامي ماتستحي وزوجج ارف ارف شالوووعه الله يعينج شلون تعااشرينه وتقعدين معاه الحل اذا استمر هالوضع لازم تكلمين زوجج وحسسيه انج عارفه وفاهمه ومنارفه واذا فاد شتبين فيه


بصراحه مااادري الله يسهل دربج مصيبه كارثه

 

[غلا 89]

والله مادري شقوووول لج

صج اللي يعيش ياما يجوف

يعني قبل لا تكون ام مرته هاذي عمته شلون جذي يفكر !!!!

ماقول غير الله يعينج ؟؟؟

 

[تمطاف]

لا تعليق الصراحة !!

كل اللي اقدر اقوله الله يهديج و يوفقج و يسخره لج

 

[( المـلاك )]

انا اقول صارحي امج بالموضوع
و فهميها
مهما كان هذي امج و انتي بنتها
و خليها اهي تكلمه و توقفه عند حده
او خليها من المرة اليايه تضبط حالها مو نفس كل مرة
لين ريلج يحس انه فيه شي يتغير
و يفهم انج مشتكيه لامج
و ما يعيدها


والله يسهل دربج و يوفقج حبيبتي =)