صباحكم / مساكم الله بالخير
حبوبات والله مالي غيركم طبعا من بعد رب العالمين اشكيله همي ولا ودي افضفض للاهلي عشان لا تصير حساسيات بزيادة مع الاهل
السالفة هذه صارت من اسبوعين وليش انا الي اتحمل النتائج باحكيلكم بإختصار وتكفون ابي ردودكم الي تبرد القلب وتشرح الصدر
انا ساكنة ويا اهل زوجي طبعا الله يرحمهم يارب (عمتي وعمي توفوا صارلهم فترة) باقي الاخوة والاخوات الشباب الكبار متزوجين وبقى الصغير والبنات واحدة متزوجة وساكنة ويا زوجها وثنتين الله يسهل عليهم ويتزوجوا يارب العالمين الكبيرة ولي هي اكبر الاخوات والصغيرة
حساسيات صارت من فترة بين الاخوات وما يكلمون بعض وزعل وصريخ وعويل ووووو الخ وانا من ناحيتي ما تدخلت لان الشيء ما يخصني ولا ودي اتدخل بشيء الا اذا استدعى الامر وطلبوا مني التدخل... المهم اخوهم الكبير يوم وراء يوم يشوف اوضاع البيت تتدهور للاسوء والاخوات راح يتشتتوا فقرر انه يدخل احد كبير من العيلة عشان يحل المشكلة ولي هو عمهم
صارت الجلسة واجتمعوا الكل وطبعا انا كنت بحجرتي وبعيدة كلش عنهم يعني ما تدخلت ابدا طبعا صار بكاء وزعل وفي الاخير قرروا انهم يفتحون صفحة جديدة بين الاخوة والاخوات حيث ان كل واحد فيهم فضفض الي بداخله وويش ماخذ على خاطره من ثاني والحمدلله عدت الامور على خير وطبعا من بعد الاجتماع قلت نفس الشيء يا مره خليهم بروحهم وياخذون راحتهم وانا ما طلعت كلش من الغرفة الا اليوم الثاني والصدمة الي صدمتني ( اخت زوجي الكبيرة ما تكلمني ولا ودها تشوف عليا ) كان ودي اعرف ويش السبب ودي اسال ويش صار بالاجتماع ايش دخلني انا بس قلت مالي دخل والي يومنا هذا ما تكلمني رغم اني اكلمها واسلم عليها بس تستقبلني بوجه غاضب ومع غيري تبتسم
الحين لو كنتوا بمكاني ويش راح تسوا مالي خلق للمشاكل وعوار الراس وما احب احد يزعل مني على شيء ما سويته ترى للعلم هذه مو اول مرة تزعل دائما تزعل وترضى من نفسها بس الحين الوضع تغير وقلبوا الصفحة فليش معي انا وانا الي ما تدخلت وطول وقتي بالدوام اوصل المغرب واجلس ساعتين معهم واساعدهم وبعدين اروح غرفتي وما اطلع الا ثاني يوم عشان اتجنب الاحتكاك الزايد
السموحة طولت معكم بس ابي حل لو كنتوا بمكاني شو راح تسوون:eh_s(10)::bbbiu:
مش تتجنبين الاحتكاك معااهم 
