قصتي مع بنت ام 11 شهور , ابي حل ؟!

[Fatoo85]

السلام عليكم ورحمة الله وبركاته

بنتي حبيبتي عندي مشكلة معاها

عمرها 11 شهر على تاريخ 5-11 بتصير سنة ان شاء الله

بنتي اذا قعدت تبجي بجي مو طبيعي , واذا بتنام ما تنام بحليبه

لازم هز , وانا ظهري تكسر من الهز

حاولت اخليها تبجي بس ماني قادره قلب الام عشان ما تتعود على الهز

وانا وابوها مخططين انه لمه تصير سنه نييب الثاني بس اذا كل شوي هز كل ما قعدت الجنين بيطيح

ابي حل ؟

البنت متعلقة بابوها اسملله عليهم
بالويكند ابوها ينام لي صلاة اليمعة تقعد معاه
وبالدوام يقعد على الساعة 6 هم تقعد معاه
في احد صار معاه هالشي ؟ واذا خزها اذا سوت شي غلط تسمع كلامه بس انا اذا خزيتها او قتلها لا تعاندني

شالحل ؟​

 

[A7bny =)]

واااااااااااااااااي انه بعد ابي حل حق سالفة الهز انه عندي نفس المشكلة وفالليل وايد تتقحس ماتبي حليب تكون شبعانه بس تبيني اشيلها اهزها ترد تنام وانه بنتي عمرها 10 شهور شهر 1 تكمل سنة

 

[أم ميميتو]

مادري والله بس المفروض ما تتعود على الهز خاصه وقت النوم انا ما عودت ولدي على الهز كلش بس بنت اختي امي معودتها الحين قامت ما تنام لازم امي تهزها لما تنام اذا حسيتي انج مارح تقدرين تحملين اجلي الحمل بهالفتره لما تكبر بنتج شوي

 

[AVE.NJ]

كل اليهال يحبون الهز يدوخون
اصلا احنا الكبار ودنا احد يهزنا
توكلي على الله وحملي الله يرزقج انشالله
لاتحاتين
الله الحافظ
عادي اهيا بنتج شوي عسره الله يعينج

 

[ام كوثر2007]

حبيبتي المشكله انج عودتيها علي الهززز من كانت شهووور صغيره .. حسااافه

الحين بتعانييين واااااااااااايد لين الله يخلصهامن هالسالفه بس صدقيني تكبر واتسنع .. بالوقت الحالي ما اقدر اقولج خليها تبجي وحقريها احنا امهاات وقلوبنا ما اتهيانا نشوفهم يبجون


عسى الله يحفظها لج من كل شر ان شاءالله .

 

[بقلبي انت]

بنتج نفس بنتي علمتها عالهز من كانت صغيره بس الحين بديت معاها طريقه والحمدلله انجحت اخليها تقعد تلعب
وتستانس لين اشوفها تعبت تبي تنام احطها بسريرها واعطيها الحليب واطبطب عليها احطها على جنبها واطبطب عليها
لين تنام بس اهم شي اخليها تتعب وتدور الفراش بنتي عمرها سنه وشهرين

 

[A7bny =)]

بقلبي انت انه بعد ساعات احاول ماهزها واحطها بسريرها واطبطب عليها بس بعد اتعب اكثر لان اكون واقفه ومجندسه ظهري يتكسر واهيه تناحس وتطول لين ترقد اكثر من الهز .. فالحالتين اتعب واهيه متعودة على سريرها يعني ماقدر اخليها بسريري وانبطح يمها لان ماراح تنام وراح تتقلب على كبر السرير .. الله يعين وايد كريه هالطبع وانه لان بجر مادري ان باتغربل جذي وفالاربعين امي علمتها على الهز وانه كنت ماقدر اشيل عمري قيصري

فأنا اقول يا انج تحملين واتحملين واتصبرين اوتحاولين تخلين زوجج ينومها دام متعوده عليه معليه مافيها شي خل يهزها هههههه مع ان انه ماتخيل ريلي يهز بنتي احس مايناسب او انج تأجلين موضوع الحمل

 

[بيتي بوب بس كويتيه]

اكبر غلط الهز وعلى فكره يضر مخ الياهل
انا ولدي احطه يمي بالفراش واسكر الليتات لما ينام

 

[Fatoo85]

السلام عليكم ورحمة الله وبركاته

a7bny

الله يعينا

ام ميمتو

بنتي البجر وما كنت اعرف طريقة تربية اليهال والنوم
بس ان شاء الله الثاني راح اتفادى اخطاء الاول

aven

بعطيها بعد سنة وان شاء الله خير

ام كوثر

والله ما كنت اعرف حق اليهال

بقلبي انته

طريقتج تنام فيها بعد مو بليل نتام فيها العصر او المغرب تدوخ بروحها بس بليل اسملله عليها ما تييلها النوم الا بالهز
وكذا مره احطها على جنب واطبطب عليها تصيح الا تبي هز وتقط الحليب ما تبي

بيتي بوب

بنتي تخاف من الظلمة تبجي , وصدقيني الطفل الياي ماكو هز خلاااااص توبه


ما تعرفون متى بنتي خلاص توقف سالفة الهز ؟ بأي عمر ؟
ابي حل ​

 

[عشقي فرنسا]

شوي لما تكبر تبطل هالعاده بس نصيحه وانتي براحتك مو تدخل بحيااتك
لاتستعجلين بالثاني لانك توك تاخذين نفس من تعب الحمل
ارتااحي كم سنه عشاانك انت وزوجك بعد راح تنشغلبن فيهم ووبنتك بتغار وكذا حتى مابعد تعودت ع الحمام تصيرين كانك جايبه تؤام تغيرين لهم ورضااعات وسهر وماعاد تفضين لروحك وزوجك
سوري طولت ياقلبو بالكلام

 

[ريكاتو]

وي حبيبتي عادي ترى الصغار يحبون الهز انا يبت 3 ورا بعض وكلهم يحبون الهز وقت النوم بس على عمر سنتين او سنه ونص خلاص بروحه يبطل هالعاده
عندي بنتي 5 سنين عمرها الحين تنام بروحها طبعا ماضيها كله هز بهز واغني لها بعد
وولدي سنتين ونص هم خلاص قام يروح بروحه الدار
ما بقى عندي غير حمودي عمره 11 شهر اهو اللي لازم اهزه وانا واقفه
واذا بتحملين توكلي على الله عادي ما ياثر على الجنين
لما حملت كان عمر ولدي 11 شهر وكان متبتب بعد وثقيل كنت اشيله واهزفيه عادي وسبحان ربج اذا لطف بعبده والله كنت دايما ادعي ربي ان يسهل علي لان ولدي صغير وانا حامل وسبحان الله بس الحمله الاخيره صارت سهله لا نساة ولاشي والحمدلله ربي لك الحمد والشكر على هالنعمه
الله يكون بعونج وسهلي الامور تتسهل باذن الله