قصتي مع الحمل خاارج الرحم

[$غــ(ز)ــل$]

الحمدلله على سلامتج حبيبتي
والله يعوضج ياارب

 

[um-naser]

الحمدلله على السلامه
باسأل سؤال اللي صار وياهم حمل خارج الرحم صار بعد علاج؟ وهل أخذتوا تحاميل تهيئ بطانة الرحم قبل لايصير الحمل خارج الرحم؟
أنا أبي الكل يستفيد لأن أنا و صديقتي عالجنا من قبل عند معصومه مخصيد وعطتنا تحاميل تهئ بطانة الرحم وأنا صار فيني حمل خرج الرحم والحمدلله أكتشفته في بدايته مثلج وسوولي عملية منظار ولحقت على عمري بس صديقتي صار فيها مرتين وشالوا لها انبوب والانبوب الثاني تسكر وألحين ما تحمل الا بالانابيب
ياليت اللي مجربه ان الحمل يصير بعد العلاج تقول لأن حرام الدكاتره قاعدين يعطون البنات علاجات قويه تخرب بدل ما تصلح

 

[pink]

الحمدالله على سلامتج ... انزين متى راح تيني الدوره يعني ؟؟ وانتي وين عالجتي بحكومه ولا خاص
انا ليش ماعطوني ابره مو احسن من العمليه

الله يسلمج حبيبتي ..

السالفة صارلها تقريبا 4 سنين و كانت في بداية زواجي و صارت لوية و كل واحد له راي يعني أول شي كنت رايحة

حق المواساة و بعدين د.معصومة مخصيد و اهي اللي اشتبهت بالحمل خارج الرحم خصوصا إني كنت أحس بعوار

بجهة وحدة بس المهم حولتني للولادة اهناك ماطولت أقل من يوم واحد وطلعت منهم لأن معاملتهم كانت زفتة فعلى

مسئولية ريلي طلعت و وداني لمستشفى الأحمدي و كان فرق المعاملة و العناية شااااسع .. المهم آنا وصلت لهم

مستوية بس أبي أخلص و أرد البيت و كانوا مابين المنظار و الابرة بس لما بلش ينزل علي دم و قام يزيد عطوني هالابرة

و قعدوني عندهم جم يوم يجيكون هرمون الحمل فلما قام ينزل استغنوا تماما عن فكرة المنظار فعشان جذي ليلحين ما أدري

بالضبط إذا كان خارج الرحم و اللا لأ .. بس سالفة إن الهرمون كان يزيد و الجيس مو موجود اهو اللي مشككهم .. أدري

ضيعتج بهذرتي بس وقتها مادري شنو قاعدين يسوون فيني بس اللي أذكره إني ريلي المجرم كان زااااهب حق توقيع

عملية المنظار بدون ما يشاورني يعني اهو عملية ليزك حق عينه خايف يسويها و حقي الوضع جدا عاااادي .. رياااييل :eh_s(14):

 

[pink]

الحمدلله على السلامه
باسأل سؤال اللي صار وياهم حمل خارج الرحم صار بعد علاج؟ وهل أخذتوا تحاميل تهيئ بطانة الرحم قبل لايصير الحمل خارج الرحم؟
أنا أبي الكل يستفيد لأن أنا و صديقتي عالجنا من قبل عند معصومه مخصيد وعطتنا تحاميل تهئ بطانة الرحم وأنا صار فيني حمل خرج الرحم والحمدلله أكتشفته في بدايته مثلج وسوولي عملية منظار ولحقت على عمري بس صديقتي صار فيها مرتين وشالوا لها انبوب والانبوب الثاني تسكر وألحين ما تحمل الا بالانابيب
ياليت اللي مجربه ان الحمل يصير بعد العلاج تقول لأن حرام الدكاتره قاعدين يعطون البنات علاجات قويه تخرب بدل ما تصلح

أول شي الحمدلله على سلامتج و سلامة رفيجتج و الله يرزقكم و يرزق كل محرومة إن شالله ..

يمكن آنا ماقدر أفيدج بحالتي وايد لأن مو متأكدة 100% إذا كان خارج الرحم و اللا لأ بس كان

حملي طبيعي و بدون علاج .. أما الحالات اللي أعرفها الصراحة كانوا هم بعد طبيعي بس اللي

لاحظته إن كان أول حمل لهم و وحدة فيهم كانت الدكتورة قايلتلها إن في بداية الزواج تكثر الالتهابات

و اهي من أسباب حدوث حمل خارج الرحم .. و الله أعلم

 

[حبيبه قلبه]

الحمد لله على سلامتج وقدامج العافيه

انا اول حمل لي كان خارج الرحم (وعرفوا عن طريق تحليل الهرمون لانه كان مرتفع ولما سوو لي تصوير ماكو جيس وتميت اسبوعين على مااكتشفوه تعبت نفسيا لان كرمتوا مااطهر كله دم وماكان معاي عوار وهذا اللي شككهم لكن لمن حسيت بعوار بجنبي و ماقدرت اتحرك دقيت على ريلي وداني وعلى طووووووووول قررو لي منظار والحمد لله على كل حال)للعلم كان حملي بدون علاج وكنت بكريه وكان تؤام واحد كان خارج ارحم والثاني داخل بس طاح عشان جذيه شكوا والحمد لله ربي عوضني بااحلى ولد واحلى بنت الله يخليهم لي وربي يحفضهم من كل مكروووووه.....والله يرزق كل محروم آآآآآآآآآآمــــــــــــــين

 

[كويتية أصيلة]

ألف الحمدلله على سلامتج حبيبتي ومعوضه يا ربي
المهم صحتج
ومشكورة انج حطيتي هالموضوع تحذرين فيه خواتج بادرة طيبة منج أهنيج عليها

 

[زنوبة الحلوة]

مس عواشة الله يعوض صبرج انشالله والحمدالله على كل حال لعلة خيرة لج

الله يرزقج الذرية الصالحة انشالله ولا يحرمج منها يارب ويرزق كل البنات

واللي الله كاتبة راح نحصلة

الله كريم

 

[ϲհҽɾɾվ87]

الحمدلله على السلامه
باسأل سؤال اللي صار وياهم حمل خارج الرحم صار بعد علاج؟ وهل أخذتوا تحاميل تهيئ بطانة الرحم قبل لايصير الحمل خارج الرحم؟
أنا أبي الكل يستفيد لأن أنا و صديقتي عالجنا من قبل عند معصومه مخصيد وعطتنا تحاميل تهئ بطانة الرحم وأنا صار فيني حمل خرج الرحم والحمدلله أكتشفته في بدايته مثلج وسوولي عملية منظار ولحقت على عمري بس صديقتي صار فيها مرتين وشالوا لها انبوب والانبوب الثاني تسكر وألحين ما تحمل الا بالانابيب
ياليت اللي مجربه ان الحمل يصير بعد العلاج تقول لأن حرام الدكاتره قاعدين يعطون البنات علاجات قويه تخرب بدل ما تصلح

والله انا حمل طبيعي بدوون علاج .. واليوم رحت يشيلون الخياط قالي الدكتور يمكن فيج التهاب جذي صار الحمل وعطوني حبوب حقي وحق ريلي لان اكيد عاديته وقالي النفسيه تلعب بدور لان ريلي مايبي يهال وانا حنيت بالحزه اللي حملت فيها وكان معصب وايد بس يالله الله كريم كل شي فيه خيره والحمدالله على كل حال

 

[الجوررى]

السلام عليكم
انا يعور قلبي موضوع الحمل خارج الرحم
لانى
حملت 3 مرات خارج الرحم
والحمدالله على كل حال واخر حمال
شالو الانبوب معاه لانه انفجر
الحمدالله على كل حال
وصارلى سنه ونص ماحملت
والله كريم

 

[ϲհҽɾɾվ87]

السلام عليكم
انا يعور قلبي موضوع الحمل خارج الرحم
لانى
حملت 3 مرات خارج الرحم
والحمدالله على كل حال واخر حمال
شالو الانبوب معاه لانه انفجر
الحمدالله على كل حال
وصارلى سنه ونص ماحملت
والله كريم

الله يعوضج ويرزقج الذريه الصالحه .. ليش صار معاج 3 مراات ؟؟ ماعطوج حبوب يمنع ان يصير مره ثانيه ؟؟
انا قالي الدكتور القناة فيها التهاب وعطاني حبوب انا وريلي علشان يمكن عاديته