قصتي للعبره :)

[SaloO Love ()]

:eh_s(2): السلام عليكم

:eh_s(2)::eh_s(2)::eh_s(2): بقولكم قصتي الي من 5 سنين

من عمري 16 حبني شخص و شفت انه واجد زين و ارتحت له

و حبينا بعض .. رغم انه فالبدايه كان جاد وبيخطبني لكن رفضت هالشي لاني صغيره =)

مرت سنه

ثنتين

ثلاث .. و صرت انا الي اسأله فلان لمتى يعني !

و اتفقنا ان بعد جم شهر .. بسبب ظروفه الماديه

خلال هالفتره صارت قطيعه بينا وماقمنا نكلم بعض ابدا

بس هم تم غلاه بقلبي وشكثر قلبي انكسر انّي كنت حاسه ان هالقطيعه مابعدها رده
انسحبت من الجامعه كورس لاني كنت حتى ماقدر اطالع الكتب من دموعي

طول يومي كان صياح و نوم .. لدرجه كلي على بعضي تغيرت تماما


اسابيع و يكلمني احيان مسن

ومسجات و مارد عليه .. مادري ليش كنت حاسه ان خلاص ماكو امل ولا مستقبل للي بينا

وفعلا طلع احساسي صادق .. ايام الي كان يكلمني كان مالج ومخلص :eh_s(2): :eh_s(2):

فتعبت نفسيتي اكثر واكثر وانسحبت كورس ثاني من الجامعه !

بعد 3 اشهر من خطوبته دز مسج انّي وحشته و كلام وايد بس قريتها ومسحتها وسكرت الفون

كانت فتره صعبه حيييل

بس الحمدلله الي يغفر لعباده ويرحمهم .. قدرت اقوى والله هداني الحمدلله

وعدلت اشياء وايد غلط كنت اسويها بحياتي

المهم و مرت سنه ثانيه

بالاصح اكثر من سنه

و رديت للجامعه والحمدلله كملت اموري و مشيت

بفترة الفاينل كنت طالعه مع البنات نغير جو من كراهة الامتحانات

الا توصلني ع الوتز اب: بالتوفيق في الامتحانات :eh_s(17): خلصتي لو لا؟

و كلام كل ماله يزيد كل يوم

ماقدر احدد منو الي يكلمني بنت لو صبي

اول شي عبالي كان ناس متقدمين لي و تاخرنا فالرد عليهم

ورحت لامي تحلطمت عليها وطلعت كل الي بخاطري هههههههه مساكين ظنيت بهم سوء

طلع بالاخير اهو و تم يقول انه انفصل عن خطيبته
وانه ما حب غيري و ان ماسكن هالقلب غيره

يتني ضحكه ع غبنه ع كل الاحاسيس

كنت تايهه و متألمه ومجروحه وكل الاحاسيس المقيته الي قبل 16 شهر ردت لي

حسيت قلبي جنه مفتوح والم الم للحين احس فيه


المضحك في الموضوع بعد الفلم الهندي الا سواه لي

قالي ولد عمته انه صار ابو و اكتشفت ان كلامه كله كان ومازال خرطي × خرطي


شلون ريال جذي؟ شلون يرضا يجرح ويمشي

زوجته ؟ مافكر فيها

البيبي الي كان ببطنها و توه طالع للنور

وانا؟


الحمدلله ان الله راواني شكثر هالشخص ما استحق دموعي ولا عمري و دراستي الي اخرتها بسببه

الحمدلله على كل حال


صج كتبتها مختصره بس الذكرى رغم كل شي تؤلم ..

بس كتبتها علشان البنات يعتبرون

حسبة خواتي انتو .. درب من البدايه فيه شبهة حرام لا تقربون منه

الي الله كاتبه بصير و اذا الشخص الي مال قلبكم له نصيبيكم بيصيبكم

لا تعصون الله و ترتكبون معاصي وسيئات و بالاخير شنو ؟ ذنوب و قلب مكسور

وصدقوني صعب صعب صععععععب لو شنو تنسون

الجرح حتى لو خلاكم اقوى يبقى ندبه ..

خلو ايمانكم بالله قوي .. و احتسبوا الاجر عند رب العالمين


=) و شكرا .

 

[نكهةالبرتقال]

الله يرزقج الزوج الصالح اللي يكرمج

و الله هالعلاقات ما وراها اللي الدمار

الله ما يبارك فيها

( و أتوا البيوت من أبوابها )

الله ما يرضى الوحدة تكلم ريال أجنبي سنين و بتميع و تسوي علاقة

تعيش و تنام و تقوم و تاكل و تشرب بسخط الله

و بعدين تتمنى التوفيق


شلون ايي التوفيق و اهي بالغلط و الظلام


الله يثبتج و يعوضج خير

و يهدي بنات المسلمين

 

[تمنيـتگ]

خل يووولي ولا تفكرين فيه لانه مايستاهلج ابدا ابداا اكررهم هالريايل اللي يلعبون :rgewrg: ولا يجذب عيني عينج

وعفيه علييج عرفتي الطريج الصـح , ما بني على غلط ف نهايته غلط


حبيبتي لو كان هالريال من نصيبج جان خذتيه بس ان شاء الله نصيبج بيكون احسن منه

ادري صعب تنسين الجرح العميق :eh_s(2): بس اذا تقربتي من ربج بتنسين وبتحسين بالراحه النفسيه


الله يوفقج بالزوج الصالح

 

[فوفو22]

حب يزيد عن شهرين ومافي خطبه

نهايته واضحه

اللي يحب يشتري حبيبتيه حتى لو ظروفه ما تسمح للزواج


يتقدم يحجزها لانه يحبها

بس اللي يتلاعبون على مشاعر البنات مني ومناك

هذا يتسلى واذا بقى يتزوج

يطلب من امه تخطب له

وشكرا لسرد قصتج للفايده للجميع

فوفو

 

[bride2011]

على قولة فوزيه الدريع بتعرفين معدن الريال قولي له اخطبني اذا انحاش يعني مو جاد وهالعلاقات ماوراها الا الدمار صج

 

[جامعيه كويتيه]

الله يجزاج خير ويوفقج بحياتج ويسعدج دنيا واخره يارب

 

[ترف بابا]

الله يجزاج خير ويوفقج

 

[سندس 90]

الله يجزاج خييير
وصج مهما الوحده تنسى ماتقدر
اللهم لك الحمد إني مامشيت بهالطريق ولا عرفته ولا كان بتصير علوووم " اعرف نفسي حسساسه 

 

[هيبة ملك]

الحمدلله الله يكملج بعقلج ويعوضج باللي يعرف قدرج

 

[لمى الهاجري]

يالله الحمد لله على كل حال

 

[!! دلوعته !!]

ااااااااااااااااااب