- إنضم
- 17 أغسطس 2008
- المشاركات
- 164
- مستوى التفاعل
- 0
- النقاط
- 0
شلونكم بنات انشالله كلكم بصحة وعافية
انا ولدت في تاريخ 1/10 يوم الجمعة على ايد الكتورة منى الله يوفقها دنيا واخرة ايدها خفيفة وما حسيت فيها
المهم انا ولدي الاول خلودي ولدته في العدان شهر 11 اللي طاف وبعدها حرمت اولد هناك لانهم قعدو يولدوني 3 ايام
قصة ولادتي:
الدكتورة منى كانت مقررة اني اولد 8/10 وهذا اخر موعد...يوم الجمعة اللي طاف الساعة 6 الصبح كنت رايحة الحمام وانتوا بكرامة ولما طلعت نزل مني ماي مثل الحنفية اهني انا ما توقعت ان هذا ماي الولادة توقعت من الالتهابات ورديت رحت نمت وقعدت الساعة عشر الصبح..ريلي كان مستلم في الدوام, تريقت ونزلت عند خالتي وحمواتي,, الساعة 12 حسيت اكو شي نزل في ملابسي الداخلية,, رحت الحمام وطلع ماي مع مخاط ابيض بس بكمية كبيرة وهم توقعت من الالتهابات,, شوي جان تقولي الخدامة ان ولدي خلودي حرارة مرتفعة فقلت باخذة ووديه العدان .
وديته العدان وطلعت حرارته 39,8 المهم وانا قاعده اعطيه المغذي ما حسيت الا والارض من تحتي كلها ماي والممرضة شافته وقالتلي شنو هذا قتلها مادري,, هني انا خفت ودقيت على ريلي ما رد دقيت على خواتي لان امي متوفية هم ما ردوا,, دقيت على حماتي جان اقولها تعالي العدان مسكي خلود لان قاعد ينزل علي ماي وبروح افحص عند امراض النساء,, رحت امراض النساء وكان جدامي 3 وبعد 10 دقايق يت خالتي وحماتي وقعدو مع الخدامة وولدي وانا دخلت عند الكتور ودخلت معاي خالتي لانها كانت خايفة علي ولما فحصني الدكتور قالي هذا ماي والولادة وان الرحم مفتوح 3 سانتي ولازم دخول قلت بروح طيبة جان يقولي بصمي انج طلعتي على مسؤليتج وقالي امانه طلعي من اهني على طيبة
المهم رحت طيبة ودقيت على الدكتور وقالتلي روحي وانا جاية بالطريج,, رحت الطوارئ عند دكتورة ما اعرفها وافحصت من داخل جان تقولي تو الناس على الولادة راح اندخلج ونسويلج تهيئة ولادة يومين على ما تولدين..... مادري شنو يعني تهيئة:ssssso:
المهم لما صعدوني فوق غرفتي وعطوني الابرة الشرجية وطلعت من الحمام بدت الصجية
امبي ياني عواااااااااااااااااااااار مغص مووووووووووت يو لبسوني لبس الولادة ونزلوني تحت وحطولي المغذي وعطني الكمام
انا ما كنت اعرف استخدمة والدكتورة علمتني طريقته وافحصتني من داخل..... شخلوني فحص داخلي جان تقولي مفتوحة 7 سانتي :27d66a9c24b146327bf وانا نوعي ما اصارخ بس اون من العوار وشوي جان تيي دكتورتي منى واهني انا ارتحت امبي من شدت العوار جان اقولها عفية بروح البيت
جان تقول حاضر يا حبيبتي بعد ما تولدي
قتلها ابي ابرة ظهر جان تقولي حرام ما يسوي انتي باقيلج شوي وعطتني ابرة قالتلي توسع الرحم,,,, المهم بعد ربع ساعة ياني الموت الحمر وياني عوار صرخت صرخة والله توقعت الكويت كلها اسمعتني والدكتورة تركض وسحبوني تحت وربطو ريولي وانا اضغط من العوار واصارخ وحسيت بالراس وهم بالمشرط امبييييييييييييييييي والكمام يوديني ويجيبني اهي تسالني شنو نوع الخياط اللي تبينه وانا مو صوبها واقولها اي شي اي شي والحمدالله يبت ولدي اللي ليلحين مو لاقيين له اسم ووزنه 2 ونص والفال للبنات وانشالله يقومون بالسلامة
انا ولدت في تاريخ 1/10 يوم الجمعة على ايد الكتورة منى الله يوفقها دنيا واخرة ايدها خفيفة وما حسيت فيها
المهم انا ولدي الاول خلودي ولدته في العدان شهر 11 اللي طاف وبعدها حرمت اولد هناك لانهم قعدو يولدوني 3 ايام
قصة ولادتي:
الدكتورة منى كانت مقررة اني اولد 8/10 وهذا اخر موعد...يوم الجمعة اللي طاف الساعة 6 الصبح كنت رايحة الحمام وانتوا بكرامة ولما طلعت نزل مني ماي مثل الحنفية اهني انا ما توقعت ان هذا ماي الولادة توقعت من الالتهابات ورديت رحت نمت وقعدت الساعة عشر الصبح..ريلي كان مستلم في الدوام, تريقت ونزلت عند خالتي وحمواتي,, الساعة 12 حسيت اكو شي نزل في ملابسي الداخلية,, رحت الحمام وطلع ماي مع مخاط ابيض بس بكمية كبيرة وهم توقعت من الالتهابات,, شوي جان تقولي الخدامة ان ولدي خلودي حرارة مرتفعة فقلت باخذة ووديه العدان .
وديته العدان وطلعت حرارته 39,8 المهم وانا قاعده اعطيه المغذي ما حسيت الا والارض من تحتي كلها ماي والممرضة شافته وقالتلي شنو هذا قتلها مادري,, هني انا خفت ودقيت على ريلي ما رد دقيت على خواتي لان امي متوفية هم ما ردوا,, دقيت على حماتي جان اقولها تعالي العدان مسكي خلود لان قاعد ينزل علي ماي وبروح افحص عند امراض النساء,, رحت امراض النساء وكان جدامي 3 وبعد 10 دقايق يت خالتي وحماتي وقعدو مع الخدامة وولدي وانا دخلت عند الكتور ودخلت معاي خالتي لانها كانت خايفة علي ولما فحصني الدكتور قالي هذا ماي والولادة وان الرحم مفتوح 3 سانتي ولازم دخول قلت بروح طيبة جان يقولي بصمي انج طلعتي على مسؤليتج وقالي امانه طلعي من اهني على طيبة
المهم رحت طيبة ودقيت على الدكتور وقالتلي روحي وانا جاية بالطريج,, رحت الطوارئ عند دكتورة ما اعرفها وافحصت من داخل جان تقولي تو الناس على الولادة راح اندخلج ونسويلج تهيئة ولادة يومين على ما تولدين..... مادري شنو يعني تهيئة:ssssso:
المهم لما صعدوني فوق غرفتي وعطوني الابرة الشرجية وطلعت من الحمام بدت الصجية
امبي ياني عواااااااااااااااااااااار مغص مووووووووووت يو لبسوني لبس الولادة ونزلوني تحت وحطولي المغذي وعطني الكمام
انا ما كنت اعرف استخدمة والدكتورة علمتني طريقته وافحصتني من داخل..... شخلوني فحص داخلي جان تقولي مفتوحة 7 سانتي :27d66a9c24b146327bf وانا نوعي ما اصارخ بس اون من العوار وشوي جان تيي دكتورتي منى واهني انا ارتحت امبي من شدت العوار جان اقولها عفية بروح البيت
جان تقول حاضر يا حبيبتي بعد ما تولدي قتلها ابي ابرة ظهر جان تقولي حرام ما يسوي انتي باقيلج شوي وعطتني ابرة قالتلي توسع الرحم,,,, المهم بعد ربع ساعة ياني الموت الحمر وياني عوار صرخت صرخة والله توقعت الكويت كلها اسمعتني والدكتورة تركض وسحبوني تحت وربطو ريولي وانا اضغط من العوار واصارخ وحسيت بالراس وهم بالمشرط امبييييييييييييييييي والكمام يوديني ويجيبني اهي تسالني شنو نوع الخياط اللي تبينه وانا مو صوبها واقولها اي شي اي شي والحمدالله يبت ولدي اللي ليلحين مو لاقيين له اسم ووزنه 2 ونص والفال للبنات وانشالله يقومون بالسلامة
