شلونكم بنات الحمدلله وبفضل من الله ولدت بالسلامه
اليوم يايه أقولكم قصة ولادتي أنا بجر وولدت من أربع أيام بمستشفي الصباح مع أن الحمدلله
ماكنت أعاني من مشاكل بالحمل بس رحت الحكومة كنت خايفه من الخاص المهم طاف على
دخولي شهري عشرين يوم. وقبل ولادتي بيوم سويت تمرين القرفصاء ونمت قعدت من النوم
ورحت أكرمكم الله الحمام جان إشوف سداده الرحم مخلوطه بدم ناديت زوجي وقمت أبجي
قالي لازم تتصلين على أمج وتسالينها شنو هذا دقيت على أمي جان تقولي خلاص تعألي
مريني ونروح المستشفى زوجي وصلني بيت أمي. هالحجي العصر اكلت ورحنا المستشفى
طبعا كنت أحس بعوار بس حيل خفيف وبطني كان يابس جنه صخره دخلت الطوارئ وقالي
الدكتور سوي تخطيط رحت غرفة التخطيط وسويته عدته مرتين لأن البيبي ماتحرك إلا بالمره
الثانية وعلى ماخلصت التخطيط تغير الشفت ودخلت على الدكتورة شافت التخطيط وقالت كل
شيء إوكي وسألتني تبين أسويلج فحص قلتلها إوكي افحصت إلا مفتوح سانتي قالت خلاص
رجعي البيت رحت شقتي ونمت بس كل شوي أحس بعوار وأقوم ماقدرت أنام قمت أحوس صارت
الساعه ثمان الصبح قعدت زوجي قلتله فيني عوار ورحنا مرينا أمي ورحنا المستشفى دخلت
عالدكتور قالي هم بعد شوي تخطيط وسويت ورجعت له جان يقولي خل افحص إلا واصله
اثنين سانتي وهم قالي رجعي البيت وإذا حسيتي بعوار قوي تعالي رجعت بيت أهلي
تغذيت ونمت شوي قعدت الساعه سبع المغرب والعوار زاد ورجعت المستشفى فحصوني
إلا ثلاثه سانتي جان يقولون يلا الحين نندخلها الولاده لبست وخدوني حق الولاده وأهلي
ردوا البيت لأن مايصير يدخلون معاي رحت غرفة الولاده سحبوا مني دم وعطتني السستر
حقنه شرجية وتكرمون دخلت عقبها الحمام مرتين وقعدت انطر شوي جان أيي دكتور
فحصني طلعت فاتحه خمسه سانتي وسألني تبين أبره ظهر أول شيء قلتله لا بس
بعدها قلت خلاص أبيها المهم العوار زاد علي حييل وناطره دكتور التخدير وكل شوي
أقولهم متى أيي نص ساعه ووصل الدكتور عطاني الإبره عقبها حسيت براحه
جني جذابه السستر قاعده مجابلتني طول الوقت وأنا مو حاسه بعوار كلش
الإبره أخذتها الساعه وحده بليل وظليت قاعده لي الساعه خمس الفير. جان تفحصني
السستر قالت خلاص عشره سانتي جهزت كل شيء وقالت لي إذا قلت بوش سوي بوش
وجان تقولي وأسوي طبعا مو حاسه عوار كلش وأحس نصي إلي تحت مخدر مو حاسه بشي
وتقولي يلا بوش وأسوي جان أحس ابنتي تطلع أول ماطلعتها حطتها على صدري أنا كنت خايفه
منها عشان ألدم بس سمعت صوتها جان المها. وأبجي خذوها بعدين وبعد تقريبا جم دقيقه
خيطوني والساعه سبع الصبح خدوني حق التلفون وكلمت زوجي وقلتله أن ولدت
وبعدها ودوني الجناح لقيت أمي وخالاتي ناطريني ومعاهم أغراضي حطوني بجناح عمومي يوم
وطلعت حبيت أنقل لكم تجربتي عن الولاده بمستشفى حكومي طبعا تكرمون الحمامات كل شويم
ينظفونها والمستشفى كان نظيف ومن ناحيه الاهتمام حيل اهتموا فيني ماتوقعت جذي اهتمامهم
والحمدلله كل شيء كان ميسر. والحمدلله أن قمت بالسلامه ويبت أحلى بنوته
اليوم يايه أقولكم قصة ولادتي أنا بجر وولدت من أربع أيام بمستشفي الصباح مع أن الحمدلله
ماكنت أعاني من مشاكل بالحمل بس رحت الحكومة كنت خايفه من الخاص المهم طاف على
دخولي شهري عشرين يوم. وقبل ولادتي بيوم سويت تمرين القرفصاء ونمت قعدت من النوم
ورحت أكرمكم الله الحمام جان إشوف سداده الرحم مخلوطه بدم ناديت زوجي وقمت أبجي
قالي لازم تتصلين على أمج وتسالينها شنو هذا دقيت على أمي جان تقولي خلاص تعألي
مريني ونروح المستشفى زوجي وصلني بيت أمي. هالحجي العصر اكلت ورحنا المستشفى
طبعا كنت أحس بعوار بس حيل خفيف وبطني كان يابس جنه صخره دخلت الطوارئ وقالي
الدكتور سوي تخطيط رحت غرفة التخطيط وسويته عدته مرتين لأن البيبي ماتحرك إلا بالمره
الثانية وعلى ماخلصت التخطيط تغير الشفت ودخلت على الدكتورة شافت التخطيط وقالت كل
شيء إوكي وسألتني تبين أسويلج فحص قلتلها إوكي افحصت إلا مفتوح سانتي قالت خلاص
رجعي البيت رحت شقتي ونمت بس كل شوي أحس بعوار وأقوم ماقدرت أنام قمت أحوس صارت
الساعه ثمان الصبح قعدت زوجي قلتله فيني عوار ورحنا مرينا أمي ورحنا المستشفى دخلت
عالدكتور قالي هم بعد شوي تخطيط وسويت ورجعت له جان يقولي خل افحص إلا واصله
اثنين سانتي وهم قالي رجعي البيت وإذا حسيتي بعوار قوي تعالي رجعت بيت أهلي
تغذيت ونمت شوي قعدت الساعه سبع المغرب والعوار زاد ورجعت المستشفى فحصوني
إلا ثلاثه سانتي جان يقولون يلا الحين نندخلها الولاده لبست وخدوني حق الولاده وأهلي
ردوا البيت لأن مايصير يدخلون معاي رحت غرفة الولاده سحبوا مني دم وعطتني السستر
حقنه شرجية وتكرمون دخلت عقبها الحمام مرتين وقعدت انطر شوي جان أيي دكتور
فحصني طلعت فاتحه خمسه سانتي وسألني تبين أبره ظهر أول شيء قلتله لا بس
بعدها قلت خلاص أبيها المهم العوار زاد علي حييل وناطره دكتور التخدير وكل شوي
أقولهم متى أيي نص ساعه ووصل الدكتور عطاني الإبره عقبها حسيت براحه
جني جذابه السستر قاعده مجابلتني طول الوقت وأنا مو حاسه بعوار كلش
الإبره أخذتها الساعه وحده بليل وظليت قاعده لي الساعه خمس الفير. جان تفحصني
السستر قالت خلاص عشره سانتي جهزت كل شيء وقالت لي إذا قلت بوش سوي بوش
وجان تقولي وأسوي طبعا مو حاسه عوار كلش وأحس نصي إلي تحت مخدر مو حاسه بشي
وتقولي يلا بوش وأسوي جان أحس ابنتي تطلع أول ماطلعتها حطتها على صدري أنا كنت خايفه
منها عشان ألدم بس سمعت صوتها جان المها. وأبجي خذوها بعدين وبعد تقريبا جم دقيقه
خيطوني والساعه سبع الصبح خدوني حق التلفون وكلمت زوجي وقلتله أن ولدت
وبعدها ودوني الجناح لقيت أمي وخالاتي ناطريني ومعاهم أغراضي حطوني بجناح عمومي يوم
وطلعت حبيت أنقل لكم تجربتي عن الولاده بمستشفى حكومي طبعا تكرمون الحمامات كل شويم
ينظفونها والمستشفى كان نظيف ومن ناحيه الاهتمام حيل اهتموا فيني ماتوقعت جذي اهتمامهم
والحمدلله كل شيء كان ميسر. والحمدلله أن قمت بالسلامه ويبت أحلى بنوته
