قصة ولادتي بمستشفى الصباح بالتفصيل 26-5-2013

[Ms.lool]

قصة ولادتي بالتفصيل بمستشفى الصباح 26-5-2013

السلام عليكم ورحمة الله و بركاته ..

منزمان كان في بالي احط موضوع و اكتب قصة ولادتي
وكل مره أقول بعدين لان عندي حجي واااايد واااايد
المهم حاااابه افييييدكم والله العالم بالنيه .


اول شي هذا بجري و انا معطيني اخر موعد ولاده 24/5 بحسبة الدوره
والسونار كله يقولون لي البيبي كبير اكبر من حجمه باسبوعين وقالولي موعد ولادتي 11-5
و حاشني طلق مبكر بالثامن ودخلت المستشفى 10 ايام وطلعوني الحمدلله

المهم الحين اقولكم قصة ولادتي ..


طبعا طوووووول التاسع اييلي ععوار
مرات قوي و مرات خفيف
واحياناا يظل ساااعات عبالي ان خلاص طلق ولاده
وكل ما اروح افحص الرحم مسكررر مسكرر يأسسست
بعدين انصدم يروح كل شي جني جذابه
و كملت التاسع 24-5
وبهاليوم نزل مني دم مع لون بني
و معاي عوار منتظم كل 8 دقايق
رحت امشي بالممشى
ورديت البيت ورحت المستشفى الليل والا الرحم مفتوح 2 سانتي
طبعا مايدخلوني الصباح الا 3 وفوق
ثاني يوم تاريخ 25-5
نفس الشي الصبح نزل بني ودم
والعوار ماوقف مثل ما اهو كل 8 دقايق بس قادره اتحمله
و مشيت وًرحت الطبيب نفس الشييييي 2 سانتي !!
اليوم الي بعده 26-5
قمت الساعه6الصبح والا بعد في دم ..
ريلي يدرس عنده اخر امتحان
وانا رحت بنام
بس العوار يزيد
مثل عوار الدوره بس اقووووا
يزيد و قمت أوون بالغرفه بروحي من العوار
فجاه ريلي دش قال لي قومي الطبيب حسبتلج العوار كل 5 دقايق
قمت ولبست
وبالطريج كل ماله يزيد
الطلقه تييي اموت من البجي
وتروح و اريح جم دقيقه و تررررد اقواا
وصلت المستشفى وفحصت والا3 ونص
ولبسوني و دخلوني و طول هالفتره يزيد يزيد
يعني انا دشيت المستشفى الساعه7 الصبح
و متتتت وانا اطلق اطلق
حطولي الدرب والحقنه الشرجيه و طلعت اللي ابطني تكرموون سواالي اسهال قووي قوي
حاولت اتحمل عشان مابي ابرة ظهر
ماقدرررررت
كل ماتييلي الطلقة ماقدر اتحممملً اصررخ والله موبيدي يقهروني الللي يقولون دلع و دلع كل وحده لي وحده يفررق!!
بعدين غزوني ابرة بنج عشان ارتاح
وبدا يفج البنج العصر
الساعه3 العصر مفتوح الرحم 6سانتي
قالتلي الدكتوره تبين ابرة ظهر قتلها اييييي ابيي
وعطوني ياها و ريحتني وااااايد
بعدين لما فتح الرحم 10 سانتي
جذي الساعه6 قالتلي السستر الدكتوره عندها حالت ولاده تبين دكتور لان البيبي شوي نبضه سرريع وخايفين عليه
قتلها اوكييي
الدكتور ييه مصري اسمه اشرف
انا احس ويهه يقول في شي
بس موقايلين لي
و وقفو ابرة الظهر
لاني مو قادره اشدد كلللش موقادره ادفع
والبيبي ملتف عليه الحبل السري 5 لفاات ومخنوووق
وفووووق هذا موونازل بالحوووض
بعيد عن الحوض 2 سانتي
يعني الا شي و يولدوني قيصري
بس الحمدلله ربي ماضيع تعبي
الدكتور مشالله شااطر
قالي سمعيني اقدر اولدج بشدتين بس
بس حاولي تتحملين وتاخذين نفس وماتصرخيين
وحاولت
صج صرخت بس حاااولت قد ما اقدر اني اخذ نفس
والله يابنات شفت الموت بعيني
والحمدلله بعد ماشديت مرتين طلع الراس
والدكتور كان مدخل ايده داخل
و بطلعه الراس حسيته يفتررر و يفتررر
يلفه عشان الحبل السري
و خذو ولدي ع طول ودوه برا
ماسمعت صرخته الا عقب
لان كان تعبان حبيبي
ونسيت اقولكم ان اثناء الولاده ارتفعت حرارتي و تعبت وايد وقالو بيغزوني ابره مضاد حيوي
بس انا عاندت مابي لان نفسيتي كانت تعبانه وايد و انا حدي حدي اخاف من الابر و ادري ان المضاد يحررق
ماخذيته الا عقب ما ولدت ..
وًعقب لما رحت اراجع عشان الخياط يشوفونه قال لي الدكتور "البيبي ده معجزه لازم ينحط بالكتب" قتله الحمدلله دكتور الله لطف ورحمني و انت ماقصرت
. وخالتي سستر تشتغل بالمستشفى تعرفه
قالت له بنت اختي ولدت عندك ملتف ع ولدها الحبل السري
قاال اييي انا كنت اولدها و انا خاايف
سبحان الله
و على فكره
خالتي تقول ليً ان رفيجتها مره ذمت هالدكتور وتقول موزين وموزين
بس شوفو انا شلون جربت بالصدفه
وخياطه وايد زين
ماعليكم من حجي الناس
..
وبس هذا الي صار وكل يوم اقول الحمدلله و الحمدلله ماتكفي ولا بتكفي

و اي سؤال يا بنات انا حاضره
لاتنسون دعواتكم من ظهر الغيب

 

[حبيبة اهلهاا]

و عليكم السلاام


بعد قلبي عورتي قلبي يزاه الله خير دكتورج لو انج بالخاص جان قيصري ع طول بس الحمدلله ع كل حال حياتي

و قصتج عورت قلبي

 

[تبطي عظم!]

حييييييااتي


الحمد لله على سلامتج حبيبتي ومبروك ماجبتي


يتربى بعزكم يارب

 

[درة التاج]

الحمد لله علا سلامتك :eh_s(7):

 

[Aloe Vera]

الحمدلله على سلامج و سلامة البيبي

 

[الشيخه فطامي]

الف الحمدلله عل سلاامتج

 

[قلب ريلها]

الحمدالله على السلامه

 

["*آآآنؤؤؤقهـ*"]

الحمدلله على سلاااامتج

وسللالامة وليدج

 

[حبيبي مالكني]

الحمدالله على سلامتج
ويتربى بعزج ولدج يارب

 

[زين ودلال]

الف الحمدلله على سلامتكم

 

[FuSheYa]

حبيبتي عورتي قلبي

الحمدالله على السﻻمه الله حفظكم

الله يخليلج وليدج ويتربى بعزكم يارب

 

[انصاريه قمره]

الف الحمدالله عالسلامه ويتربى بعزكم
والحمدالله رب العالمين حفظكم

 

[Ms.lool]

حبيباتي الله يسلمكم ماقصرتو

 

[الـجـوري]

الف حمدالله علـّۓ سلامتج .. ومبروك مايبتي ..

 

[متفائله بالحياة]

الحمدلله على سلامتكم

الله يخليه لج ويرزقج بره

 

[نور دنياه]

الحمدلله على سلامتج وسلامه البيبي

 

[N.o.d]

الحمدالله ع سلامتج
بصراحه سالفة الحبل السري تخرع
وانا طول حمالي موسوسه فيها
بس ان شالله خير ..

يتربى بعزج والله يحفظه لج وتشوفينه معرس ي رب

 

[رويال ديزاين]

الحمدلله على السلامتج و سلامة المولود و مبروك ما جبتي

الخاص ما يقدرون يغامرن او يخافون

لكن الحكومه ممكن يجازفون لان عندهم كل المعدات الازمه من حاضنات و غيره

و سبحان الله التساهيل من رب العالمين

 

[كيميائيه]

الحمدلله علي سلامتج حبيبتي
وانا بجر بعد وامي موراضيه اولد بالخاص خايفه علي
ان شاءالله بولد بالصباح اذا الله يسر لي

 

[برد ابو الذهب]

الف الحمدلله عالسلامه