- إنضم
- 17 سبتمبر 2009
- المشاركات
- 2,331
- مستوى التفاعل
- 0
- النقاط
- 0
- الإقامة
- إسآلو google هـع :p
- الموقع الالكتروني
- www.jr7q8.com
السلام عليكم
ولله الحمد والمنه ولدت يوم الجمعه الموافق 25 / 10 /2013
وجبت أحلى بنوته
ولادتي كانت بـ دار الشفا ودكتورتي ماجدة اليتامى
أول شي كنت رايحه لموعدي يوم الاثنين وكان لي 35 أسبوع يعني اخر الثامن و وسويت السونار وكان وزن البيبي طبيعي كيلوين ونص وحجم الماي وكل شي تمام التمام بس كان عندي التهاب خفيف في البول
فـ خذت مسحه و صرفت لي تحاميل مع غسول
استعملت التحاميل لمدة 3 أيام واخر يوم لاعت جبدي من الافرازات اللي ما توقف وتنزل بشكل رهيب فـ سألت اختي قالت احتمال التحاميل تعالج المنطقه يوم صار الخميس قامت تصب مني افرازات شفافه شكثر لدرجة اقعد بالحمام ربع ساعه عشان انشف وكنت احس بوخزات اسفل بطني مع شد خفيف و ع بالي ان قاعدة تتحرك ههههه
فجر الجمعه كل شوي اروح الحمام أفرغ المثانه احس نفسي حسرانه حيل بس لما اروح ما كو شي يادوب نقط
قريت بالنت ان هذا من التهاب البول وصرت كل ما اطلع من الحمام أشرب قلاصين ماي ابي اوخر الالتهاب !
وعذبت عمري ع هالحركة صار الوضع كل نص ساعه
المهم صارت الساعه 1 الظهر كنت اقرى قصه لوحدة بكرية وشنو الاحداث بالضبط فـ كليت مثلها ع فالي 7 تمرات ع الريج وقفشة عسل ، عقب قمت أحس بألم بأسفل بطني نفس لما يدشج برد وتحسين بمغص فـ قلت اكيد من الالتهاب
صارت الساعه 2 راح نام زوجي وقتها كان مواصل وانا قعدت بروحي وأحس المغص كل ماله يزيد رحت لبست سروال طويل قلت يمكن برد وتلحفت بس ماكو فايده صار مغص بطن ووجع ظهر مع اسهال خفيف مع اني مو ماكله الا تمر وعسل وشايله من بالي فكرة الولاده لان كنت اكل ببداية حملي مثبتات وتحاميل مثبته فـ قلت اكيد بطوّل وكانوا يقولون لي الطلق چنه احد يطقج من ظهرج او نفس الكهرب هوّلوا فيه وهو عادي ممكن اي وحده تتحمل ألامه :/
وصارت الساعه 3 ونص العصر ويزيد الالم واقوم امشي بالشقه بشوف تجاديم ولا صج طلوق وكل ما مشيت يختفي الالم شوي ومن اقعد يرد !
ويوم صارت 4 ونص خلاص ما قدرت اتحمل لدرجة كل ما احس بالمغص أبچي لاشعورياًرحت الحمام ولا ينزل مني افراز لونه بيج مع خط أحمر دقيت ع اختي وقلت لها عن اللي قاعد يصير چان تقول ولادة ! بس خل ادق ع دكتورة اتاكد وسألتها جان تقول لا هذي تجاديم خل تجي العياده
واصبر ليما الساعه 5 واقعد زوجي ونروح العياده وما حصلت دكتورتي مو مداومه لقيت دكتورة الشفت الثاني قامت تسوي السونار چان تقول طلق وتحط ايدها ع بطني قالت طلق قوي عقب قالت دكتورتج ما قالت ان الماي زايد حوالين البيبي ! قلت لها لا چان تقول الماي الزايد يسبب ولادة مبكرة ، عقب قالت بفحصج قلت مابي طبعاً من كثر ما قريت سوالف تخوّف عن الفحص طلبت تسوي تخطيط وطلع التخطيط مرتفع قالت لازم افحص
وافحصتني ولا تنصدم مفتوحه 7 سم !!
اول ما سمعتها تقول للسستر سفن چان امسك ايدها واقول بليز لا تقولين 7 هههههه
كلش مو مستعده وما جهزت لا جنطتي ولا جنطتها
چان اتقول لزوجي اخذها وودها واحتمال تولد بالسياره بعد لان الطلق حامي
و ياعمري عمره من الخرعه طلب اسعاف ورحت لدار الشفا واهو ورانا واشوف سيارته وفي سيارات ع ابو انه سيارة اسعاف يستغلون الفرصه ويقطعون الاشاره ويصيرون وراها وچم سياره تجي جدامه وانا اعييييط هههههه
المهم وصلت دار الشفا و ودوني غرفة الولادة وجت الدكتوره بتفحص وانا أصرّخ عليها مابي تفحص
اقول لها ان فحصتي اسويها عليج هههههه
چان تقول اعمليها عادي دخلت ايدها وبطت الماي
من بطت الماي وانا احس بحرارة چان ادوخ عليهم وابي بس انام والسسترات يمسكوني ويقعدوني ويسولفون معاي وانا ارد عقب انام عقب ارد عقب انام
شوي جت الدكتورة ماجدة تبي تفحص واترجاها لا تعورني هههههه چان تفحص وتشوف قالت ما تطولين ان شاءالله
المهم قام يزيد الطلق وعطوني كمام
الكمام عالم اخر يهبل صج انج تسمعين الكلمة تكرر مليون مرة بس كثر ما تشمين وتسوين بوش ما تحسين بالالم
كثر ما شميته دخت ونمت ههههههه
عقب قعدت ع ألم بنتي تبي تطلع چان احط الكمام واشم شمه قويه واطالع السسترات كلهم يطلون تحت وأشيله وأصرخ من قمة راسي انادي دكتورة ماجدة هههههه
ويحطون الكمام علي ويقولون اخذي نفس واذا حسيتي بطلق سوي بوش
واقعد اسوي بوش وكله يقولون بوش فوق مو تحت :/
تعبت وانا احاول اسوي من فوق بس اخر شي اسوي تحت هههههه
وجت دكتورة ماجده قامت تمسح ع بطني وتدعي وتقول مابقى شي اشوف الراس بس انتي ساعدينا
وأسوي وأسوي چان تطلع بنتي النتفه ، واسمع دكتوره ماجده تقول ويالله شدي وبوش واخرتها هالنتفه ، ان وزن بنتي كيلوين ونص تقريباً :**
المهم يوم خلصت ولاده قاعده اطل ع الدكتوره بشوف شتسوي ههههه وقتها كانت تخيطني
جان احط راسي وانام ولدت الساعه 8 وطلعت من غرفة الولادة 10 ع ما خذيت قيلوله هههههه
وزوجي ع اعصابه ينطر متى اطلع ويقولون له نايمه خل تصحى نصعدها لك عقب صحتني السستر وسحبت شي من تحت وحسيت نفس النزيف طلع وقامت تضغط بطني وكان ضغطها يعوّر وهي نفسها اللي كانت تضغط ع بطني وقت لما كنت اسوي بوش وعوّرتني احس عضلات بطني من جهه حيل مشدوده
وصعدوني لغرفتي والا خواتي فديتهم جدامي
عقب قعدت شوي ودخلتني السستر الحمام عشان افرغ المثانه وتلبسني ، اول ما شفت فخوذي فيها دم شهقت چان تقول عادي لا تخافين اخذي نفس الحين بعد بيطلع دم باقي وتشيل الكوتكس والا يصب مني دم واجد قالت عادي هذا زين بعدين بكرة يطلع اقل عقب حطت لي مطهر وكريم ونمت
وبث
** ما يستفاد من القصه للبكريات
1- وقت الطلق إلزمي الاستغفار والذكر ولا تقعدين تحلطمين من الالم استغفري واذكري الله واقري المعوذات والفاتحه انا من الخرعه كنت اقرا بس بداية سورة الزلزله وخفت اخربط فيها فـ قمت اذكر الايات اللي حافظتها عدل والادعيه والاستغفار وكل شي وكثر ما تحاولين تتذكرين سبحان الله يخليج تنسين الالم وتفكرين بتكملة الاية او الحديث
2- اول ما تحسين بالام روحي الطبيب لا تسوين مثلي چيكي هذا طلق او تچاديم
3- وقت الولاده حاولي كثر ما تقدرين ما تصرخين كل ما حسيتي بـ ألم اشفطي من الكمام ، كثر ما تصرخين تعبين عمرج ويروح صوتج و يطفشون منج الدكاتره فـ يولدونج اي كلام لانج سببتي لهم قلق :/
4- طريقة الفحص ماتعوّر ما تعوّر ابداً وطريقتها ان الدكتورة تلبس قلافز وتحط فيه ماده لزجه تساعدها تدخل يدها من تحت
طبعاً مو شي جديد يدخل شي من تحت
هي بتدخل اصبعين بس
5- وقت الولاده وتكونين مفتوحه ووصلتي 10 سم تحسين نفسج حسرانه هذا راس البيبي يبي يطلع بس انطري الطلق يشد وسوي بوش عشان يطلع راسه وتتسهل ولادته
6- ولما تخلصين ولاده ويقولون لج فرغي المثانه عشان يلبسونج لبسج وتريحين لا تخافين من كمية الدم اللي تنزل منج او الدمار اللي بتسوينه بالغرفه
7- واهم نصيحه من هالنصائح ان تجهزين شغلج قبل فترة من الولادة حتى لو بالشهر السادس مجرد تجهزين الاساسيات لبسج الداخلي والخارجي وادوات النظافه ولبس البيبي اخذي محايد اذا مو متأكدة من النوع
انا بما اني ما جهزت شي اعتفست حيل ملابسي عند اهلي وملابس البيبي بشقتي فـ صارت غرفة المستشفى مكوّدة اكياس عشان افرز ههههههه
وعسى ربي يرزق كل حامل بالولادة السهله الميسرة ويرزق كل أنثى بالحمل التام السليم وتفرحون بشوف عيالكم بإذن الله تعالى :**
ولله الحمد والمنه ولدت يوم الجمعه الموافق 25 / 10 /2013
وجبت أحلى بنوته
ولادتي كانت بـ دار الشفا ودكتورتي ماجدة اليتامى
أول شي كنت رايحه لموعدي يوم الاثنين وكان لي 35 أسبوع يعني اخر الثامن و وسويت السونار وكان وزن البيبي طبيعي كيلوين ونص وحجم الماي وكل شي تمام التمام بس كان عندي التهاب خفيف في البول
فـ خذت مسحه و صرفت لي تحاميل مع غسول
استعملت التحاميل لمدة 3 أيام واخر يوم لاعت جبدي من الافرازات اللي ما توقف وتنزل بشكل رهيب فـ سألت اختي قالت احتمال التحاميل تعالج المنطقه يوم صار الخميس قامت تصب مني افرازات شفافه شكثر لدرجة اقعد بالحمام ربع ساعه عشان انشف وكنت احس بوخزات اسفل بطني مع شد خفيف و ع بالي ان قاعدة تتحرك ههههه
فجر الجمعه كل شوي اروح الحمام أفرغ المثانه احس نفسي حسرانه حيل بس لما اروح ما كو شي يادوب نقط
قريت بالنت ان هذا من التهاب البول وصرت كل ما اطلع من الحمام أشرب قلاصين ماي ابي اوخر الالتهاب !
وعذبت عمري ع هالحركة صار الوضع كل نص ساعه
المهم صارت الساعه 1 الظهر كنت اقرى قصه لوحدة بكرية وشنو الاحداث بالضبط فـ كليت مثلها ع فالي 7 تمرات ع الريج وقفشة عسل ، عقب قمت أحس بألم بأسفل بطني نفس لما يدشج برد وتحسين بمغص فـ قلت اكيد من الالتهاب
صارت الساعه 2 راح نام زوجي وقتها كان مواصل وانا قعدت بروحي وأحس المغص كل ماله يزيد رحت لبست سروال طويل قلت يمكن برد وتلحفت بس ماكو فايده صار مغص بطن ووجع ظهر مع اسهال خفيف مع اني مو ماكله الا تمر وعسل وشايله من بالي فكرة الولاده لان كنت اكل ببداية حملي مثبتات وتحاميل مثبته فـ قلت اكيد بطوّل وكانوا يقولون لي الطلق چنه احد يطقج من ظهرج او نفس الكهرب هوّلوا فيه وهو عادي ممكن اي وحده تتحمل ألامه :/
وصارت الساعه 3 ونص العصر ويزيد الالم واقوم امشي بالشقه بشوف تجاديم ولا صج طلوق وكل ما مشيت يختفي الالم شوي ومن اقعد يرد !
ويوم صارت 4 ونص خلاص ما قدرت اتحمل لدرجة كل ما احس بالمغص أبچي لاشعورياًرحت الحمام ولا ينزل مني افراز لونه بيج مع خط أحمر دقيت ع اختي وقلت لها عن اللي قاعد يصير چان تقول ولادة ! بس خل ادق ع دكتورة اتاكد وسألتها جان تقول لا هذي تجاديم خل تجي العياده
واصبر ليما الساعه 5 واقعد زوجي ونروح العياده وما حصلت دكتورتي مو مداومه لقيت دكتورة الشفت الثاني قامت تسوي السونار چان تقول طلق وتحط ايدها ع بطني قالت طلق قوي عقب قالت دكتورتج ما قالت ان الماي زايد حوالين البيبي ! قلت لها لا چان تقول الماي الزايد يسبب ولادة مبكرة ، عقب قالت بفحصج قلت مابي طبعاً من كثر ما قريت سوالف تخوّف عن الفحص طلبت تسوي تخطيط وطلع التخطيط مرتفع قالت لازم افحص
وافحصتني ولا تنصدم مفتوحه 7 سم !!
اول ما سمعتها تقول للسستر سفن چان امسك ايدها واقول بليز لا تقولين 7 هههههه
كلش مو مستعده وما جهزت لا جنطتي ولا جنطتها
چان اتقول لزوجي اخذها وودها واحتمال تولد بالسياره بعد لان الطلق حامي
و ياعمري عمره من الخرعه طلب اسعاف ورحت لدار الشفا واهو ورانا واشوف سيارته وفي سيارات ع ابو انه سيارة اسعاف يستغلون الفرصه ويقطعون الاشاره ويصيرون وراها وچم سياره تجي جدامه وانا اعييييط هههههه
المهم وصلت دار الشفا و ودوني غرفة الولادة وجت الدكتوره بتفحص وانا أصرّخ عليها مابي تفحص
اقول لها ان فحصتي اسويها عليج هههههه
چان تقول اعمليها عادي دخلت ايدها وبطت الماي
من بطت الماي وانا احس بحرارة چان ادوخ عليهم وابي بس انام والسسترات يمسكوني ويقعدوني ويسولفون معاي وانا ارد عقب انام عقب ارد عقب انام
شوي جت الدكتورة ماجدة تبي تفحص واترجاها لا تعورني هههههه چان تفحص وتشوف قالت ما تطولين ان شاءالله
المهم قام يزيد الطلق وعطوني كمام
الكمام عالم اخر يهبل صج انج تسمعين الكلمة تكرر مليون مرة بس كثر ما تشمين وتسوين بوش ما تحسين بالالم
كثر ما شميته دخت ونمت ههههههه
عقب قعدت ع ألم بنتي تبي تطلع چان احط الكمام واشم شمه قويه واطالع السسترات كلهم يطلون تحت وأشيله وأصرخ من قمة راسي انادي دكتورة ماجدة هههههه
ويحطون الكمام علي ويقولون اخذي نفس واذا حسيتي بطلق سوي بوش
واقعد اسوي بوش وكله يقولون بوش فوق مو تحت :/
تعبت وانا احاول اسوي من فوق بس اخر شي اسوي تحت هههههه
وجت دكتورة ماجده قامت تمسح ع بطني وتدعي وتقول مابقى شي اشوف الراس بس انتي ساعدينا
وأسوي وأسوي چان تطلع بنتي النتفه ، واسمع دكتوره ماجده تقول ويالله شدي وبوش واخرتها هالنتفه ، ان وزن بنتي كيلوين ونص تقريباً :**
المهم يوم خلصت ولاده قاعده اطل ع الدكتوره بشوف شتسوي ههههه وقتها كانت تخيطني
جان احط راسي وانام ولدت الساعه 8 وطلعت من غرفة الولادة 10 ع ما خذيت قيلوله هههههه
وزوجي ع اعصابه ينطر متى اطلع ويقولون له نايمه خل تصحى نصعدها لك عقب صحتني السستر وسحبت شي من تحت وحسيت نفس النزيف طلع وقامت تضغط بطني وكان ضغطها يعوّر وهي نفسها اللي كانت تضغط ع بطني وقت لما كنت اسوي بوش وعوّرتني احس عضلات بطني من جهه حيل مشدوده
وصعدوني لغرفتي والا خواتي فديتهم جدامي
عقب قعدت شوي ودخلتني السستر الحمام عشان افرغ المثانه وتلبسني ، اول ما شفت فخوذي فيها دم شهقت چان تقول عادي لا تخافين اخذي نفس الحين بعد بيطلع دم باقي وتشيل الكوتكس والا يصب مني دم واجد قالت عادي هذا زين بعدين بكرة يطلع اقل عقب حطت لي مطهر وكريم ونمت
وبث
** ما يستفاد من القصه للبكريات
1- وقت الطلق إلزمي الاستغفار والذكر ولا تقعدين تحلطمين من الالم استغفري واذكري الله واقري المعوذات والفاتحه انا من الخرعه كنت اقرا بس بداية سورة الزلزله وخفت اخربط فيها فـ قمت اذكر الايات اللي حافظتها عدل والادعيه والاستغفار وكل شي وكثر ما تحاولين تتذكرين سبحان الله يخليج تنسين الالم وتفكرين بتكملة الاية او الحديث
2- اول ما تحسين بالام روحي الطبيب لا تسوين مثلي چيكي هذا طلق او تچاديم
3- وقت الولاده حاولي كثر ما تقدرين ما تصرخين كل ما حسيتي بـ ألم اشفطي من الكمام ، كثر ما تصرخين تعبين عمرج ويروح صوتج و يطفشون منج الدكاتره فـ يولدونج اي كلام لانج سببتي لهم قلق :/
4- طريقة الفحص ماتعوّر ما تعوّر ابداً وطريقتها ان الدكتورة تلبس قلافز وتحط فيه ماده لزجه تساعدها تدخل يدها من تحت
طبعاً مو شي جديد يدخل شي من تحت
هي بتدخل اصبعين بس
5- وقت الولاده وتكونين مفتوحه ووصلتي 10 سم تحسين نفسج حسرانه هذا راس البيبي يبي يطلع بس انطري الطلق يشد وسوي بوش عشان يطلع راسه وتتسهل ولادته
6- ولما تخلصين ولاده ويقولون لج فرغي المثانه عشان يلبسونج لبسج وتريحين لا تخافين من كمية الدم اللي تنزل منج او الدمار اللي بتسوينه بالغرفه
7- واهم نصيحه من هالنصائح ان تجهزين شغلج قبل فترة من الولادة حتى لو بالشهر السادس مجرد تجهزين الاساسيات لبسج الداخلي والخارجي وادوات النظافه ولبس البيبي اخذي محايد اذا مو متأكدة من النوع
انا بما اني ما جهزت شي اعتفست حيل ملابسي عند اهلي وملابس البيبي بشقتي فـ صارت غرفة المستشفى مكوّدة اكياس عشان افرز ههههههه
وعسى ربي يرزق كل حامل بالولادة السهله الميسرة ويرزق كل أنثى بالحمل التام السليم وتفرحون بشوف عيالكم بإذن الله تعالى :**
