بسم الله الرحمن الرحيم
ولدت بتاريخ 10-9-2013 يوم الثلاثاء الساعه 8 و ثلث صباحاً
مكان الولاده : مستشفى الولاده الصباح
النوع: ولد .. و سميته بدر
وزنه: 3،500 تبارك الرحمن .. بس طبعا فش لانه كان متفووخ
نبدأ على بركة الله:
الله يسلمكم كنت يومين وانا احس بأرق و تعب و نفسيه خايسه ما انام و لا مرتاحه بسدحتي لا على ظهر ولا على اجناب يعني الحاله كسيفه
قعدت يوم الاثنين العصر تغديت و سميت بالرحمن و ياني مغص و راح
و تكرر الموضوع
وكان بهاليوم لازم اروح الطوارئ حق تخطيط و فحص ومن هالسوالف
دشيت عالدكتوره الساعه 7 قالتلي خل نسويلج تخطيط و نشوف وبعدين نفحص
اهي مصريه اتينن اتينن حبوبه
سويت تخطيط طلع طلق خفيييف و حركة البيبي خفت حيل! يعني قليله
على اخر التخطيط تحرك خمس مرات و قالت الحمدالله بس لازم اتابعينه طول اليوم لازم مو اقل من 10 حركات متوزعين على اليوم كله
طبعا انا قلتلكم هالسوالف .. و قالتلي ان هاليومين اذا ما ولدتي جهزي روحج ليوم السبت ندخلج ونسويلج تحريض ولاده لان ما يصير يقعد اكثر من جذي
فحصتني لقت 1 سانتي
قالت ان شاء الله هذي بداية ولاده
بس لما فحصتني عورتني حيل انا توقعت انها وسعتني بس ما سألت واهيا ما قالتلي بس بعدين استوعبت
رديت البيت و المغص و العوار يزيد! بس طنشته!
طبعا طول المده اختي معاي و زوجي موديني
لما وصلنا البيت شربت دارسين ودقيت على اخوي قلتله تعال اخذنا بنروح عند اهلي لان زوجي عنده مباراة كرة قدم بعد نص ساعه
يانا و رحت لأهلي
قام العوار يزيد كل نص ساعه او مرات كل ربع ساعه بس تحملت و صبرت
وطبعا طول المده افتر افتر ما قعدت و لما اييني العوار ما اقدر اتحرك و لا اتحمل و اصارخ صراحه!
طبعا اهلي اختبصووو ههههه واللي يقول يلااا ولاااده واللي يقول امشي الطبيب يلا
وانا مو متوقعه كلش ان هذا طلق صجي عبالي الجذبي<< حلوه الجذبي ههههه
صارت الساعه 2 وياني ريلي و خذاني انا و اختي ورديت بيتي
والعوار شغال مرررات قام اييني كل خمس دقااايق!! ومرات كل ربع ساااعه بس لما ايي يعوووور حييل
وصلت البيت قلت لزوجي بقوم اتسبح عدل و اتفرك و اسوي شعري يمكن ولاده وانا استعبط و اهوا من صجه يقولي ان شاء الله بس لا تتسبحين خايف عليج و ينبط الماي و انتي مو حاسه قلت لا بتسبح
المهم تسبحت عدل مدل بخلطة مزيونه و شقره و تفركت و سويت سنفره لويهي و حطيت من كريمها دلال و طلعت واختي سوتلي شعري استريت و تبخرت و تعطرت و عطرت شعري و شحلااتي صرت جني عروس
طبعا الحجي على الساعه 4 و نص..
الحمدالله خدامتي قاعده قلتلها سويلي ريوق و ابي جذي و ابي جذي و ابي جذي قمت اتشرط
واكلت وانا اكل قام اييني العوار و اقط الخبزه من كثر الالم ثواني و ارد مافيني شي جذااابه
و على هالحال و قمت اكل اكثر كل مازاد العوار خايفه! وقلت يمكن ولاده خل اشبع عشان ما ايوع و عشان تكون عندي طاقه
واكل رهش و جبن كيري و بيض و لبنه و زيتون اسود و حليييب بالدارسين
عالخمس و نص دشيت الحمام و بطني ماشي قام اييني الم واصارخ منه!
ريلي فز من نومه طق الباب قالي شفيج قلتله عوار قال يلا طلعي خل نروح قلتله لا
طلعت والا يزيد و يزيد مثل السوط او اقوى يذبح يذذذبح قمت اصارخ من قمة راسي هالحجي كله بربع ساعه يعني صارت الساعه 6 الا ربع
شوي جااان يصير فيني مثل الشلل اذا ياني العوار ما اقدر امشي ولا اتحرك
وقمت ابجي من قوته!!
قلتله قووووووووووم مستشفىى
و ولدي عدول قاعد و شاف الاحداث واختي عندي و كنت بخليها عند عدول جان قلت لاااا مااااابي ابي اختي معااااي و بجي بجي نزلوو عدول مع خدامته تحت عند حمولتي و قام يقلدلهم علي بعدين هههههه
المهم نزلت بالاصنصير و الا مو قادره انزل الدري قمت اصارخ و صدى يصير بدري البيت جان ادش من باب حمولتي عشان اقطع قطوع للسياره وماالف مناك
بطلت الباب حماتي الصغيره والا تخترع
وانا حااااله لا يرثى لها ودموع
طبعا ما اقدر اوصفلكم الالم الله وكيلكم عذاااب عذاااب الم عمري ما حسيته مع اني مو بجر!
طرنا للمستشفى وانا بالسياره صراخ و بجي و اختي تبجي و ريلي مغورقه عيونه
وانا اترجى ربي يرحمني وكنت اقول ياااربي عليك و على غيرك خلصني من هالالم
ياااربي بحق محمد خفف عني قاعده اتعذب
وصلنا المستشفى يابوولي ويل جير و صلت لغرفة الفحص و صرااااخ على طوووول شالوني شيل وربي
سسترتين مصريه و هنديه و يهدوني و تنفسي و اخذي نفس و يصعدوني السرير عشان الفحص وانت صرااااخ
يعني لو تقرصيني عااخفيف بيكون عندي اقوى الم
لان جسمي خلاص مشعلل من كل صوب
يت دكتوره ركض فحصت والا 4 سانتي!
قالو يلا نفصخج ولاده انا قام يزيد الالم والخوف و الرعب فصخوني قلادتي و تراجيي و دبلتي و لبسوني اللبس الاخضر
ويابولي سرير مو ويل جير و نوموني عليه وانا صوتي يهز المستشفى هز!
قبل كنت انقد عاللي يصرخون حيل كنت اقول بييه شدعوه مو لي هالدرجه!
بهاللحظه تذكرت قلت وربي وربي ما ينلامووون وانا موديني تذكرت اني ما ودعت ريلي! قمت ابجي بحرقه و ادعي ومن دششوني الباب اللي حق جناح الولاده
وانا حسيت اني وحيده و ان ما معاي غير ربي يشوفني و يرحمني
اهني الساعه كانت 6 و نص
حطوني بغرفة بروحي و استانست عشان اخذ راحتي
حطوو وايرات التخطيط و النبض و الضغط و حق القلب
فحصتني السستر قالت 5 سانتي! هذا بظرف دقايق توسعت 1 سانتي زياده عن الطوارئ! تبارك الرحمن
يت الدكتوره 7 الا ربع فحصتني والا تقول فايف تو سييكس يعني من خمس لسته
قالتلي بنبط الماي وانا ابجي و صراخ واقولها الله يخليج الله يخليج مااابي ماااابي
قالت ياحبيبتي لازم عشان بيبي ينزل و تولدين بسرعه و تنفتحين بسرعه
انا لاني مو قادره اتحمل شي جسمي صار حساس بدرجه ما اتخيلونها اللي والله قرصه خفيفه راح اصارخ منها لو انقرص
بطته و نزل الماي و الالم ااااااه يا الالم كابوس عذاب شي ما توقعته جذي!
طبعا السستر كل شوي اقولها ابي مسككككككن موووو قادره اتحمل بموووووووت بموووت
وصج كنت حاسه اني بموت
لان وصلت مرحله اييني العوار احس قلبي يوقف وما اتنفس! وينربط لساني
جان اتذكر ابرة الظهر و شكثر اهيا مريحه و نعمه من الله هالعلم ليش ما اخذها و ارتاح
وكانت الدكتوره تقولي بس يجيج الالم سوي بووش دزي لي تحت قلت اوكي .. فجاه اختفى نبض البيبي ما يطلع صوت بالجهاز و تمت الدكتوره تراقب لمدة ربع ساااعه وانا ينيت اقولها بيبي فيه شي ما ترد علي .. جان تحط جهاز يم فخذي و جهاز جنه عصايه بفتحة المهبل عشان تسمع النبض و الحمدالله طلع في نبض
جان اطلبها و احن احن احن قالتلي الدكتوره اوووكي بس ناطرين الدكتور يجي و في خمس حالات طالبينها بس انتي بنعطيجياها اول وحده
و طبعا من 7 لي 8 انا كنت برعب و عذاب و كابوس مااتخيل بمر بجذي الم بحياتي ابجي و اترجى و ادعي و استغفر
ياني الدكتور الساعه 8 و فحصو الا انا 7 سانتي قالي ترا انتي 7 يعني ما بقى شي
قلتله" وانا بويهي كل الحزن و الترجي " دكتور اذا ما عطيتنياها بموت وقت الولاده ويمكن ماراح اساعدكم انا خلاص مافيني طاقه وماراح اقدر اسوي بوش طاقتي كلها راحت والالم قاعد ياخذ من روحي شوي شوي
الله يخليك ابيها قالي طب قعدي وعطيني ظهرج
لدرجة يابنات والله مااقدر اقعد من الالم
ماشاء الله عليه ربي يحفظه و يوفقه و يرزقه اهوا شباب صغير قالي نغزه خفيفه حتحسي بيها و خلاص قلت دكتور ماراح تعور! قالي انا ما جربتهااتش انتوو اللي بتاخدوها و يضحك جان اقوله احمد ربك انك ريال ومات ضحك بس انا مادري شلون قلتلها
ومع اني اخذتها بولدي الاول بس مادري ليش سألته تعور
كنت خايفه من كل شي
غزني ماشاء الله ما حسيت الا بنغزه خفيييفه
ماكو مرت خمس دقايق والا قمت ما احس بالطلق ولا العوار ولا شي!!!!
ارتحت ارتحت لدرجة قمت اتحمد ربي و ادعي للدكتور واهوا بس خلص قال حتدعي لي قلتله ان شاء الله
جان تمر 10 دقايق و ياني يتطمن قال هاااا ازيك قلتله اوووووووفيييه و ضحك قالي الله يسهل عليج
شوي شوي قام يتخدر حوضي و عقبها ريلي اليسار و عقب اليمين
وقمت ما احس بالجزء السفلي كلش
فيني طلق حاااامي بس ما احس فيه
هههههه يا فرحتي
الساااااعه 8 و ربع فحصتني السستر جان تقول 10 سااانتي يلا ماما سوي بوش
قلت صج؟؟؟؟؟
قالت ايي
تحمدت ربي اني مو قاعده احس بألم و اني راح اسوي بوش و انا مرتاحه
وماكو بالغرفه غير ربي و انا والسستر الله يوفقها و يريحها دنيا و اخره ورفعت ريولي عالسنادات
بوش و بوش و بوش و بوش و ارتاح شوي و نرد بوش و بوش و بوش
واهي تشجعني
اكسلاااانت شاااطره يلاااا راس بين شعر بيبي بين مااشاء الله حلووووه حلوووه انتي شاطره ههههه عطتني دافع من قالت حلوه ههههه
قااالت يلاااا يطلع راااااااس ما حسيت الا صوت مقص يقص شي هههههه اثاريها شقتني بنت الحلوين وانا بعد ما حسيت عشان ابرة الظهر الجميله الحبيبه
جك بوم جان تطلع مخلوق غريب عجيب يهبل و تقطه على صدري
وانا من الفرحه بس اردد الحمدالله الحمدالله الحمدالله
واهوا بدمه و الطبقه الصفره و قام يبجي وانا اطالعه بكل فرحه و استغراب
جسته بصبعي بس لانه مدمم حيل ماحبيت اجيسه ولا امسكه
قصة الحبل السري و مسحت ويهه و خذته وراحت و ردت بسرعه جان على طوول اسالها
سستر منو يخيط دكتور والا دكتوره
قالت حبيبتي خل نطلع المشيييمه وانا ناسيه امرها ههههه
همن بووش و تضغط على بطني
جان تطلعها و تراويني!!!! بنات ما اتخيلوون شكثر انصدمت حزتها!!
كبيره المشيمه كبر البيبي جذي!
على طول تذكرت وزني
قلت اذا الماي وزنه كيييت و البيبي وزنه كييييت و المشيمه وزنها كييييت و بطانة الرحم و هالسوالف هذي 10 كيلو طايحين بفضل الله
سبحاااانك ياربي وسبحاان خلقك
طلعتها و قعدت تنظفني و تضغط ع بطني و تنظف
صراحه ارتحت بس انا و السستر بغرفه بروحنا احسن من اللويه و دكتوره و سستر ثانيه!
يعني سستر وحده و خلصنا بسرعه ماشاء الله تبارك الرحمن
غطت ريولي و جهزت الليت اللي ينحط عالمنطقه اللي بتتخيط
يت نفسها الدكتوره اللي كانت متابعتني و بطتلي الماي و هالسوالف
اهيا خيطتني
قلتله دكتوره بليز ابي خياط حلووو قالت ان شاء الله
سوتلي غرزتين داخلي و غرزه خارجيه
خلصت خياطه وتشكرت منها
نطرو البنج يخف
يابولي ولدي الساعه 10 سستر عيوز هنديه قالت يلااااا ماما رضع بيبي
قلت ما اقدر ريلي متخدره في بنج
قااالت عادي لا تتدلعييين رضعي يور بيبي هي نيد ات
يعني رضعي بيبج اهوا محتاجه هالحليب
استحيت على دمي و لفيت و رضعته!
امبيه بنات صج شعور اينن لان انا ما رضعت ولدي الاول لان كنت تعبانه حيل و اهما ما يابوه
نص ساعه رضع و خذته بعدين يابته الساعه12 بعد رضع شويه و خذته
اهني فج البنج
جان تقولي تقدرين تروحين حمام قلت لا مااقدر
قالت زين انا يجيب قيصريه
مااعرف شنو القيصريه
طلع ماعون كبير حديد شكله بيضاوي مموج قالتلي قومي و قعدي عليه
قمت و قعدت وانا خايفه اسوي بوله عزكم الله
جان تقولي السستر اخذي راااحتج و شوي شوي لا تخافين و راحت وخلتني
جاان ابول و طلعت مني بوله كبييييره حيل حيل طولت وانا ابول
لان كانو حاطين لي دربات
وارتحت حييييييل جان تييب ماي حااار و تكته علي وتييب بعد و تكت صج ريحني حيل الماي الحار
اهني طلع ماكو اسرة بالجنااح والغرف الخصوصي كلهم فل و كلهم عمليات
وانا كله بغرفة الولاده لي الساعه 3 يلا فضا سرير
و بس هذاااا العيب الوحيد اللي صار بقصتي
و ارد و اقولكم الام الولاده تتفاوت من وحده لوحده
مثلا اختي اللي اصغر مني ولدت مرتين لا بابرة ظهر ولا بكمام و تقول لما اييني الطلق اغمت بقلبي و مااصرخ استحي
قلتلها مااعتقد ان اللي كان اييج قوي
الله يسهل عالجميع
وشرايكم بقصتي؟؟
اي صج مدة الحدث الصجي كله ترا ساعتين بس!
بس كل هالاحداث صارت فيني
صج ساعتين بس كانو بالنسبه لي سنتين
ولدت بتاريخ 10-9-2013 يوم الثلاثاء الساعه 8 و ثلث صباحاً
مكان الولاده : مستشفى الولاده الصباح
النوع: ولد .. و سميته بدر
وزنه: 3،500 تبارك الرحمن .. بس طبعا فش لانه كان متفووخ
نبدأ على بركة الله:
الله يسلمكم كنت يومين وانا احس بأرق و تعب و نفسيه خايسه ما انام و لا مرتاحه بسدحتي لا على ظهر ولا على اجناب يعني الحاله كسيفه
قعدت يوم الاثنين العصر تغديت و سميت بالرحمن و ياني مغص و راح
و تكرر الموضوع
وكان بهاليوم لازم اروح الطوارئ حق تخطيط و فحص ومن هالسوالف
دشيت عالدكتوره الساعه 7 قالتلي خل نسويلج تخطيط و نشوف وبعدين نفحص
اهي مصريه اتينن اتينن حبوبه
سويت تخطيط طلع طلق خفيييف و حركة البيبي خفت حيل! يعني قليله
على اخر التخطيط تحرك خمس مرات و قالت الحمدالله بس لازم اتابعينه طول اليوم لازم مو اقل من 10 حركات متوزعين على اليوم كله
طبعا انا قلتلكم هالسوالف .. و قالتلي ان هاليومين اذا ما ولدتي جهزي روحج ليوم السبت ندخلج ونسويلج تحريض ولاده لان ما يصير يقعد اكثر من جذي
فحصتني لقت 1 سانتي
قالت ان شاء الله هذي بداية ولاده
بس لما فحصتني عورتني حيل انا توقعت انها وسعتني بس ما سألت واهيا ما قالتلي بس بعدين استوعبت
رديت البيت و المغص و العوار يزيد! بس طنشته!
طبعا طول المده اختي معاي و زوجي موديني
لما وصلنا البيت شربت دارسين ودقيت على اخوي قلتله تعال اخذنا بنروح عند اهلي لان زوجي عنده مباراة كرة قدم بعد نص ساعه
يانا و رحت لأهلي
قام العوار يزيد كل نص ساعه او مرات كل ربع ساعه بس تحملت و صبرت
وطبعا طول المده افتر افتر ما قعدت و لما اييني العوار ما اقدر اتحرك و لا اتحمل و اصارخ صراحه!
طبعا اهلي اختبصووو ههههه واللي يقول يلااا ولاااده واللي يقول امشي الطبيب يلا
وانا مو متوقعه كلش ان هذا طلق صجي عبالي الجذبي<< حلوه الجذبي ههههه
صارت الساعه 2 وياني ريلي و خذاني انا و اختي ورديت بيتي
والعوار شغال مرررات قام اييني كل خمس دقااايق!! ومرات كل ربع ساااعه بس لما ايي يعوووور حييل
وصلت البيت قلت لزوجي بقوم اتسبح عدل و اتفرك و اسوي شعري يمكن ولاده وانا استعبط و اهوا من صجه يقولي ان شاء الله بس لا تتسبحين خايف عليج و ينبط الماي و انتي مو حاسه قلت لا بتسبح
المهم تسبحت عدل مدل بخلطة مزيونه و شقره و تفركت و سويت سنفره لويهي و حطيت من كريمها دلال و طلعت واختي سوتلي شعري استريت و تبخرت و تعطرت و عطرت شعري و شحلااتي صرت جني عروس
طبعا الحجي على الساعه 4 و نص..
الحمدالله خدامتي قاعده قلتلها سويلي ريوق و ابي جذي و ابي جذي و ابي جذي قمت اتشرط
واكلت وانا اكل قام اييني العوار و اقط الخبزه من كثر الالم ثواني و ارد مافيني شي جذااابه
و على هالحال و قمت اكل اكثر كل مازاد العوار خايفه! وقلت يمكن ولاده خل اشبع عشان ما ايوع و عشان تكون عندي طاقه
واكل رهش و جبن كيري و بيض و لبنه و زيتون اسود و حليييب بالدارسين
عالخمس و نص دشيت الحمام و بطني ماشي قام اييني الم واصارخ منه!
ريلي فز من نومه طق الباب قالي شفيج قلتله عوار قال يلا طلعي خل نروح قلتله لا
طلعت والا يزيد و يزيد مثل السوط او اقوى يذبح يذذذبح قمت اصارخ من قمة راسي هالحجي كله بربع ساعه يعني صارت الساعه 6 الا ربع
شوي جااان يصير فيني مثل الشلل اذا ياني العوار ما اقدر امشي ولا اتحرك
وقمت ابجي من قوته!!
قلتله قووووووووووم مستشفىى
و ولدي عدول قاعد و شاف الاحداث واختي عندي و كنت بخليها عند عدول جان قلت لاااا مااااابي ابي اختي معااااي و بجي بجي نزلوو عدول مع خدامته تحت عند حمولتي و قام يقلدلهم علي بعدين هههههه
المهم نزلت بالاصنصير و الا مو قادره انزل الدري قمت اصارخ و صدى يصير بدري البيت جان ادش من باب حمولتي عشان اقطع قطوع للسياره وماالف مناك
بطلت الباب حماتي الصغيره والا تخترع
وانا حااااله لا يرثى لها ودموع
طبعا ما اقدر اوصفلكم الالم الله وكيلكم عذاااب عذاااب الم عمري ما حسيته مع اني مو بجر!
طرنا للمستشفى وانا بالسياره صراخ و بجي و اختي تبجي و ريلي مغورقه عيونه
وانا اترجى ربي يرحمني وكنت اقول ياااربي عليك و على غيرك خلصني من هالالم
ياااربي بحق محمد خفف عني قاعده اتعذب
وصلنا المستشفى يابوولي ويل جير و صلت لغرفة الفحص و صرااااخ على طوووول شالوني شيل وربي
سسترتين مصريه و هنديه و يهدوني و تنفسي و اخذي نفس و يصعدوني السرير عشان الفحص وانت صرااااخ
يعني لو تقرصيني عااخفيف بيكون عندي اقوى الم
لان جسمي خلاص مشعلل من كل صوب
يت دكتوره ركض فحصت والا 4 سانتي!
قالو يلا نفصخج ولاده انا قام يزيد الالم والخوف و الرعب فصخوني قلادتي و تراجيي و دبلتي و لبسوني اللبس الاخضر
ويابولي سرير مو ويل جير و نوموني عليه وانا صوتي يهز المستشفى هز!
قبل كنت انقد عاللي يصرخون حيل كنت اقول بييه شدعوه مو لي هالدرجه!
بهاللحظه تذكرت قلت وربي وربي ما ينلامووون وانا موديني تذكرت اني ما ودعت ريلي! قمت ابجي بحرقه و ادعي ومن دششوني الباب اللي حق جناح الولاده
وانا حسيت اني وحيده و ان ما معاي غير ربي يشوفني و يرحمني
اهني الساعه كانت 6 و نص
حطوني بغرفة بروحي و استانست عشان اخذ راحتي
حطوو وايرات التخطيط و النبض و الضغط و حق القلب
فحصتني السستر قالت 5 سانتي! هذا بظرف دقايق توسعت 1 سانتي زياده عن الطوارئ! تبارك الرحمن
يت الدكتوره 7 الا ربع فحصتني والا تقول فايف تو سييكس يعني من خمس لسته
قالتلي بنبط الماي وانا ابجي و صراخ واقولها الله يخليج الله يخليج مااابي ماااابي
قالت ياحبيبتي لازم عشان بيبي ينزل و تولدين بسرعه و تنفتحين بسرعه
انا لاني مو قادره اتحمل شي جسمي صار حساس بدرجه ما اتخيلونها اللي والله قرصه خفيفه راح اصارخ منها لو انقرص
بطته و نزل الماي و الالم ااااااه يا الالم كابوس عذاب شي ما توقعته جذي!
طبعا السستر كل شوي اقولها ابي مسككككككن موووو قادره اتحمل بموووووووت بموووت
وصج كنت حاسه اني بموت
لان وصلت مرحله اييني العوار احس قلبي يوقف وما اتنفس! وينربط لساني
جان اتذكر ابرة الظهر و شكثر اهيا مريحه و نعمه من الله هالعلم ليش ما اخذها و ارتاح
وكانت الدكتوره تقولي بس يجيج الالم سوي بووش دزي لي تحت قلت اوكي .. فجاه اختفى نبض البيبي ما يطلع صوت بالجهاز و تمت الدكتوره تراقب لمدة ربع ساااعه وانا ينيت اقولها بيبي فيه شي ما ترد علي .. جان تحط جهاز يم فخذي و جهاز جنه عصايه بفتحة المهبل عشان تسمع النبض و الحمدالله طلع في نبض
جان اطلبها و احن احن احن قالتلي الدكتوره اوووكي بس ناطرين الدكتور يجي و في خمس حالات طالبينها بس انتي بنعطيجياها اول وحده
و طبعا من 7 لي 8 انا كنت برعب و عذاب و كابوس مااتخيل بمر بجذي الم بحياتي ابجي و اترجى و ادعي و استغفر
ياني الدكتور الساعه 8 و فحصو الا انا 7 سانتي قالي ترا انتي 7 يعني ما بقى شي
قلتله" وانا بويهي كل الحزن و الترجي " دكتور اذا ما عطيتنياها بموت وقت الولاده ويمكن ماراح اساعدكم انا خلاص مافيني طاقه وماراح اقدر اسوي بوش طاقتي كلها راحت والالم قاعد ياخذ من روحي شوي شوي
الله يخليك ابيها قالي طب قعدي وعطيني ظهرج
لدرجة يابنات والله مااقدر اقعد من الالم
ماشاء الله عليه ربي يحفظه و يوفقه و يرزقه اهوا شباب صغير قالي نغزه خفيفه حتحسي بيها و خلاص قلت دكتور ماراح تعور! قالي انا ما جربتهااتش انتوو اللي بتاخدوها و يضحك جان اقوله احمد ربك انك ريال ومات ضحك بس انا مادري شلون قلتلها
ومع اني اخذتها بولدي الاول بس مادري ليش سألته تعور
كنت خايفه من كل شي
غزني ماشاء الله ما حسيت الا بنغزه خفيييفه
ماكو مرت خمس دقايق والا قمت ما احس بالطلق ولا العوار ولا شي!!!!
ارتحت ارتحت لدرجة قمت اتحمد ربي و ادعي للدكتور واهوا بس خلص قال حتدعي لي قلتله ان شاء الله
جان تمر 10 دقايق و ياني يتطمن قال هاااا ازيك قلتله اوووووووفيييه و ضحك قالي الله يسهل عليج
شوي شوي قام يتخدر حوضي و عقبها ريلي اليسار و عقب اليمين
وقمت ما احس بالجزء السفلي كلش
فيني طلق حاااامي بس ما احس فيه
هههههه يا فرحتي
الساااااعه 8 و ربع فحصتني السستر جان تقول 10 سااانتي يلا ماما سوي بوش
قلت صج؟؟؟؟؟
قالت ايي
تحمدت ربي اني مو قاعده احس بألم و اني راح اسوي بوش و انا مرتاحه
وماكو بالغرفه غير ربي و انا والسستر الله يوفقها و يريحها دنيا و اخره ورفعت ريولي عالسنادات
بوش و بوش و بوش و بوش و ارتاح شوي و نرد بوش و بوش و بوش
واهي تشجعني
اكسلاااانت شاااطره يلاااا راس بين شعر بيبي بين مااشاء الله حلووووه حلوووه انتي شاطره ههههه عطتني دافع من قالت حلوه ههههه
قااالت يلاااا يطلع راااااااس ما حسيت الا صوت مقص يقص شي هههههه اثاريها شقتني بنت الحلوين وانا بعد ما حسيت عشان ابرة الظهر الجميله الحبيبه
جك بوم جان تطلع مخلوق غريب عجيب يهبل و تقطه على صدري
وانا من الفرحه بس اردد الحمدالله الحمدالله الحمدالله
واهوا بدمه و الطبقه الصفره و قام يبجي وانا اطالعه بكل فرحه و استغراب
جسته بصبعي بس لانه مدمم حيل ماحبيت اجيسه ولا امسكه
قصة الحبل السري و مسحت ويهه و خذته وراحت و ردت بسرعه جان على طوول اسالها
سستر منو يخيط دكتور والا دكتوره
قالت حبيبتي خل نطلع المشيييمه وانا ناسيه امرها ههههه
همن بووش و تضغط على بطني
جان تطلعها و تراويني!!!! بنات ما اتخيلوون شكثر انصدمت حزتها!!
كبيره المشيمه كبر البيبي جذي!
على طول تذكرت وزني
قلت اذا الماي وزنه كيييت و البيبي وزنه كييييت و المشيمه وزنها كييييت و بطانة الرحم و هالسوالف هذي 10 كيلو طايحين بفضل الله
سبحاااانك ياربي وسبحاان خلقك
طلعتها و قعدت تنظفني و تضغط ع بطني و تنظف
صراحه ارتحت بس انا و السستر بغرفه بروحنا احسن من اللويه و دكتوره و سستر ثانيه!
يعني سستر وحده و خلصنا بسرعه ماشاء الله تبارك الرحمن
غطت ريولي و جهزت الليت اللي ينحط عالمنطقه اللي بتتخيط
يت نفسها الدكتوره اللي كانت متابعتني و بطتلي الماي و هالسوالف
اهيا خيطتني
قلتله دكتوره بليز ابي خياط حلووو قالت ان شاء الله
سوتلي غرزتين داخلي و غرزه خارجيه
خلصت خياطه وتشكرت منها
نطرو البنج يخف
يابولي ولدي الساعه 10 سستر عيوز هنديه قالت يلااااا ماما رضع بيبي
قلت ما اقدر ريلي متخدره في بنج
قااالت عادي لا تتدلعييين رضعي يور بيبي هي نيد ات
يعني رضعي بيبج اهوا محتاجه هالحليب
استحيت على دمي و لفيت و رضعته!
امبيه بنات صج شعور اينن لان انا ما رضعت ولدي الاول لان كنت تعبانه حيل و اهما ما يابوه
نص ساعه رضع و خذته بعدين يابته الساعه12 بعد رضع شويه و خذته
اهني فج البنج
جان تقولي تقدرين تروحين حمام قلت لا مااقدر
قالت زين انا يجيب قيصريه
مااعرف شنو القيصريه
طلع ماعون كبير حديد شكله بيضاوي مموج قالتلي قومي و قعدي عليه
قمت و قعدت وانا خايفه اسوي بوله عزكم الله
جان تقولي السستر اخذي راااحتج و شوي شوي لا تخافين و راحت وخلتني
جاان ابول و طلعت مني بوله كبييييره حيل حيل طولت وانا ابول
لان كانو حاطين لي دربات
وارتحت حييييييل جان تييب ماي حااار و تكته علي وتييب بعد و تكت صج ريحني حيل الماي الحار
اهني طلع ماكو اسرة بالجنااح والغرف الخصوصي كلهم فل و كلهم عمليات
وانا كله بغرفة الولاده لي الساعه 3 يلا فضا سرير
و بس هذاااا العيب الوحيد اللي صار بقصتي
و ارد و اقولكم الام الولاده تتفاوت من وحده لوحده
مثلا اختي اللي اصغر مني ولدت مرتين لا بابرة ظهر ولا بكمام و تقول لما اييني الطلق اغمت بقلبي و مااصرخ استحي
قلتلها مااعتقد ان اللي كان اييج قوي
الله يسهل عالجميع
وشرايكم بقصتي؟؟
اي صج مدة الحدث الصجي كله ترا ساعتين بس!
بس كل هالاحداث صارت فيني
صج ساعتين بس كانو بالنسبه لي سنتين
